【港女嚴選】台灣必買手信

 

米詩堤甜點王國蔥酥牛軋餅

牛奶糖唔痴牙又唔會太甜,餅乾鬆脆得嚟又有香蔥味,加埋一齊好好味!如果唔去九份都可以上網訂叫佢送去酒店,好方便!

地址:瑞芳區明燈路一段6-1號

 

黃媽媽蒟蒻

其實即係硬身版啫喱,唔會太甜,又有啲口感。其實買一排排係抵啲,買5送1,不過我又唔想一次要食一排咁多,所以都係買返一粒粒,請人食都方便啲嘛。

地址:瑞芳區基山街74號

 

勇伯紫菜豬肉紙

豬肉紙就成日食,但呢隻包咗紫菜嘅我就真係第一次食,好脆好好食。

地址:224台灣新北市瑞芳區基山街15號

 

九份梁山訂作小舖御廚杏仁茶

好香杏仁味,而且係無糖,夠晒健康,有獨立包裝同罐裝,價錢同份量都一樣,梗係獨立包裝方便啦。

地址:瑞芳區基山街6-1號

 

新東陽香烤豬肉乾

呢隻豬肉乾真係好香,肉質又稔,好食過澳門嗰啲好多!另外新東陽嘅豬肉紙(一卷卷嗰隻)又係好好食,不過香港有所以就無買。

地址:大安區忠孝東路三段300號 台北店復興館B2

 

裕珍馨鳳梨酥及鳳皇酥

呢隻鳳梨酥係有果肉,而且個酸酸甜甜唔會太漏,外皮好香牛油味,好鬆化。個人覺得鳳梨酥好食啲因為鳳皇酥個蛋黃會蓋過咗鳳梨味。其實另一個品牌微熱山丘都好食,不過香港都有得買,無謂喺台灣托返嚟啦。

地址:信義區市府路45號台北101購物中心鼎泰豐旁

 

Mr. Donut

平時我好怕食冬甩,因為覺得好甜,但係呢款又唔會,最好食係綠茶蜜糖味同朱古力味。

地址:西門町捷運站

 

仲有阿默千層蛋糕都好食,不過我已經食到怕所以無買,糖村嘅牛奶糖都唔錯。其實去台灣都係買鳳梨酥、太陽餅、牛奶糖、豬肉紙等等,如果大家有其他好介紹不妨一齊開心share吖!

 

 

關於作者:小盛女

小盛女

80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

則留言

閱讀後覺得好,請多多讚好及分享~:)

其他熱門文章

  • 【塔羅個案】「我想分手,佢話唔好,不如去開房;然後我覺得佢仲愛我」 by 神婆
    Sally壓低聲線,「我當時話,如果你呢兩年唔娶我嘅,就分手啦!你都唔愛我嘅!結果佢聽完,同我講,唔好分手啦,不如咁,我,我同你去開房好無?神婆,妳明唔明我嗰刻嘅心情?」…
  • 毒理學家:香港係冇黑色嘅蛇嘅! by Fava Bean
    「唔⋯⋯病人冇影相⋯⋯佢話佢係黑色。」「喔。」毒理學醫生頓了一頓,突然語出驚人地說:「首先,香港係冇黑色嘅蛇嘅!」我不由得大為震驚,感覺人生迄今的世界觀被徹底刷新了,長居在此多年,連香港有蛇都不知道,更遑論會知曉此地沒有黑色的蛇!我兀自沉溺…
  • 從無綫台慶睇老屎忽點摧毀一個電視台 by 清君
    這些年來,你講得出有幾多個大台主持?阿旦、曾志偉、阿叻、Liza、Do姐,較後生的可能要數崔建邦了,或者我算漏不少人,但來來去去都是那一撮人。昨晚一開show,就是Liza、曾志偉和阿叻引領,有前輩坐鎮當然係坐定笠六,但不放手給後生揸大旗,…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 廢青的一天 by 木人里
    「我到底做緊咩?我到底做緊咩?我到底做緊咩?我到底做緊咩?幾時放工?幾時放工?幾時放工?幾時放工?幾時放工?幾時放工?下又叫我?我未回氣呀﹗幾時放工?幾時放工?屌你老母都唔撚講道理架﹗幾時放工?幾時放工?你條死老野識條春咩?幾時放工?幾時放…
歡迎讚好我們的facebook page,免費資訊源源送上。