【劏房生活實錄】連打飛機/捽碟都怕被鄰居聽到. . . . . .

 

前議員游小姐講過,香港人年輕人冇地方扑嘢。但其實住劏房,係連打飛機/捽碟嘅空間都嚴重受威脅㗎。

我屋企一房一廳,因為間房係同阿媽共用嘅,所以房門從來都唔會閂,就算自己一個喺房,都要做好阿媽隨時會入嚟嘅準備;而且因為得房裝咗冷氣,夏天嘅時候更加唔會閂房門,閂咗房門個廳就可以用嚟焗桑拿㗎喇。

好喇,咁阿媽唔喺度嘅時候咪可以捽碟囉!
理論上係嘅,但因為我阿媽做freelance嘅,有時早到中午就會做完嘢返屋企,加上佢又唔出街玩嘅,所以夜晚一定喺度。咁我都要做嘢㗎嘛,撞啱朝早唔使做嘢,阿媽又出咗街嘅時間,就可以睇鹹片捽碟喇!

但係有個小問題。

上次講過我同隔嚟屋只係一板之隔,夜晚瞓覺連人哋呼吸聲都會聽到。
人哋屋企又有小朋友,可想而知,捽碟的話我一定要帶耳機。試過唔記得戴,一開就大大聲「澳門首家線上賭場上線啦」,嚇到我心都離一離,人哋唔知以為我沉迷毒海都唔好啦。

咁話說前幾日呢,我靜靜雞買咗隻震蛋喎!
咁大個女第一次玩sex toy,同細個第一次玩Barbie一樣,都係咁好奇又期待㗎。終於等到得自己一個喺屋企,就梗係試玩啦。
嗱,我呢篇唔係開箱文,就唔會詳細介紹件玩具嘅功能同用後感嘅。但想講嘅係,一路玩我一路好想叫,但一諗到一板之隔嘅隔嚟屋會聽到,就次次都忍住咗。

當然你可以話捽碟有理,唔好理三七二十一叫出嚟啦!釋放自己啦!
但我一日冇能力搬走,一日都仲有大把機會見到隔嚟屋嘅男人女人,我唔想佢哋聽住我捽碟幻想我嘅表情,或者見到我嘅時候陰陰嘴笑呀。

 

 

作者:一百八十呎

一百八十呎
既然有人表演瞓劏房,全天候住劏房的都是行為藝術家。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 161386
Date: 2017-06-07 18:13:31
Generated at: 2020-04-07 14:01:20
Permalink: https://www.vjmedia.com.hk/articles/2017/06/07/161386/【劏房生活實錄】連打飛機/捽碟都怕被鄰居聽到