成人禮——謝師宴

 

謝師宴對我黎講係強迫的,但係過癮。

對我呢啲叛逆青年黎講中學嘅謝師宴其實無乜意義,因為你自己都唔知道咁多年學過啲乜,所以亦冇咩好謝。
反而應該當係一餐和頭酒,學生同老師一眾飲兩杯講下當自己幾撚憎讀數學;老師又幾撚想一把摑死自己;新黎個MISS有幾正;個個校工當正自己係老師又有幾戇鳩。
當然唔會,大家到畢業個一刻都仲要扮哂嘢。我地呢班學生梗係無所謂,大家都知道唔會再見,但老師仍然要扮演個個為人師表嘅角色,酒又唔敢飲,煙又唔敢食,粗口講到嘴邊都要收埋。

你可以唔去,但人生又少左一樣值得笑完又笑嘅事。

衣著係大家會諗起嘅事。
個陣大家十幾歲有邊個會肯使咁多錢專登買件老西去謝師宴,所以大部份都係借老豆呀哥或者朋友件西裝黎著,一係就Oversize,變左hiphop star;一係就借唔哂全套,西裝白襪襯對波鞋。
男人老狗,貪靚係少數,一般人都好似過去咁多年中學生活咁,交左功課就算,只求唔好太過核突。

而我,就係少數,著得好核突嘅小數。因為我當日係返完餐廳份暑期工那那聲就收工跑過去。
個陣大鄉里未食過自助餐,當時心態只係想係咁食,食到嘔,嘔再食,只求填補返個陣幾百蚊嘅空虛。

餓狗搶屎咁跑哂出去,拎生蠔拎壽司。我可以話你知道當時我地班同學嘅行為同班強國客無咩分別,衰撚到要酒店經理開咪叫我地冷靜落黎。

而女人永遠都比男人成熟得多,自然唔會做呢種事。
佢地嘅衣服到當日嘅行為都係精心安排。有唔少男人係個晚都突然雙眼發光,先發現到自己平時身後個眼鏡妹,原來可以咁索。
呢啲事,男人去到後樓梯個陣就會獸性大發

「屌!都知道佢大波架啦,今晚仲要著低胸!」

「你見唔見張SIR條仆街視線完全無離開過班女架!?哈哈」

然後一班蛋散就梗係唔願返屋企,酒吧又入唔到,就會去7-11到買幾打啤酒去公園到,過下一啲認為自己已經成年嘅生活。
點下煙,飲下酒,好快大家就分道而行,要過自己另一種生活。

謝師宴係一種現代成人禮,一個總係會令人回味嘅成人禮,過去醜事錯事好事都會係個一晚之後成為回憶。

而你當晚嘅行為同衣著都會成為傳奇。

利申:斷片

 

 

關於作者:吹水皇

港豬廢青一名。只想吃喝玩樂不勞而獲,不求踏實地但求公屋有期。

則留言

閱讀後覺得好,請多多讚好及分享~:)

其他熱門文章

  • 【塔羅個案】「我想分手,佢話唔好,不如去開房;然後我覺得佢仲愛我」 by 神婆
    Sally壓低聲線,「我當時話,如果你呢兩年唔娶我嘅,就分手啦!你都唔愛我嘅!結果佢聽完,同我講,唔好分手啦,不如咁,我,我同你去開房好無?神婆,妳明唔明我嗰刻嘅心情?」…
  • 毒理學家:香港係冇黑色嘅蛇嘅! by Fava Bean
    「唔⋯⋯病人冇影相⋯⋯佢話佢係黑色。」「喔。」毒理學醫生頓了一頓,突然語出驚人地說:「首先,香港係冇黑色嘅蛇嘅!」我不由得大為震驚,感覺人生迄今的世界觀被徹底刷新了,長居在此多年,連香港有蛇都不知道,更遑論會知曉此地沒有黑色的蛇!我兀自沉溺…
  • 從無綫台慶睇老屎忽點摧毀一個電視台 by 清君
    這些年來,你講得出有幾多個大台主持?阿旦、曾志偉、阿叻、Liza、Do姐,較後生的可能要數崔建邦了,或者我算漏不少人,但來來去去都是那一撮人。昨晚一開show,就是Liza、曾志偉和阿叻引領,有前輩坐鎮當然係坐定笠六,但不放手給後生揸大旗,…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 廢青的一天 by 木人里
    「我到底做緊咩?我到底做緊咩?我到底做緊咩?我到底做緊咩?幾時放工?幾時放工?幾時放工?幾時放工?幾時放工?幾時放工?下又叫我?我未回氣呀﹗幾時放工?幾時放工?屌你老母都唔撚講道理架﹗幾時放工?幾時放工?你條死老野識條春咩?幾時放工?幾時放…
歡迎讚好我們的facebook page,免費資訊源源送上。