我今日好順手del 咗愛奇藝

 

六月尾準備緊final個陣,Facebook 個newsfeed 突然俾個蒙面人洗版。無見出show好耐嘅Jin出現係大陸嘅節目到蒙面參賽rap。佢把聲真係一聽就知,好易認,話晒我都係聽佢啲歌大。

個陣係小學五定六年班,個個同學聽GEM呀Hins呀果陣,我就俾首ABC迷咗,「ABC係我係我,橫睇掂睇都係我」,呢句真係好入腦,話晒「但係我啲押韻聽一次包你一定上腦」。就係咁,我開始接觸Hip Hop呢個世界。

個陣細細個,啲中文程度同Jin差唔多,所以啲歌詞唔難明易入口好吸引我哋啲小朋友。覺得個flow 好yo,會跟住個beat un un 下好有趣,聽其他類型嘅音樂唔會俾到我呢種感覺,所以聽得越來越多Hip Hop。後嚟開始搵其他廣東話rap嘅歌,由農夫啲反思聽到去LMF嘅憤世,我乜都會聽,因為廣東話嘅flow俾到我親切感(其實係個陣唔識聽英文),我開始慢慢去諗下歌詞嘅背後意思,睇到同社會所認識嘅Hip Hop 好唔同,一般大家都以為Hip Hop係啲暴力、色情、毒品、炫富,其實Hip Hop都可以好溫柔,講下愛情、講下點解Hip Hop、講下屋企人點支持、rap下生活趣事。。。。。。大眾根本對Hip hop存在好大偏頗。

我呢個時候先研究返ABC個專輯嘅歌詞,開始search下點解佢會寫呢句點解寫個句,先知道原來佢係曾經係美國Rap做七屆台主打入名人堂。其實有啲慚愧,咁遲先知道佢係個咁猛料嘅人。為咗睇佢first language 究竟點勁法,就係咁搵佢啲英文歌、freestyle battle、啲成個鐘嘅freestyle show,佢嘅英文freestyle level可以話係神嘅境界。上到去求其打Mc Jin freestyle 一大堆result,聽落就知俾個flow佢佢freestyle全日唔停都得。

睇返個節目,我為咗可以快啲睇Jin唔駛等YouTube啲翻錄版第一次係部機裝大陸軟件。但係個垃圾愛奇藝竟然係ep2無放Jin,仲搞到我浪費咗半個鐘係道飛來飛去好驚我miss咗Jin個part。終於又一個禮拜六,聽到Jin為咗阿仔戴上面具咗佢嘅偶像,個下,嘩,好冧呀頂。佢真係好鍾意小朋友,係佢未生個陣已經寫歌講第時點個小朋友溝通相處,生咗之後就仲加寫多幾首,到而家為咗佢出show,係愛呀哈利。

可惜啦,今集個熱狗又喺度投訴少中文,Jin佢自己都知咩事,唔駛等佢哋宣布已經自己走落台,話美國見。睇到佢講呢句個下我feel到佢係好唔開心。係《回鄉靖》最尾個三句「俾到我最大嘅滿足感,唔係名氣亦唔係銀紙,就係大家當作我係一份子」。一個ABC嘅身份係好尷尬,俾人笑黃皮白心,係呢到會俾人叫佢返美國,係美國又俾人叫佢返鄉下。無論佢啲廣東話係幾ABC口音都好,香港人好接受佢係一份子。但係節目入面已經好努力講好普通話,用佢啲半粵半英accent嘅盡力rap,都係無用,因為中國就係接受唔到外來嘅嘢。佢講美國見果下,我feel到佢語氣係認為呢度接受唔到佢,無當佢係一份子冇咗果種認同,拎唔到果種滿足感,留係度都無意思。

睇完Jin離場我就順便del埋愛奇藝個軟件,反正其他人我無興趣睇。

啲人係度笑吳亦帆有冇freestyle,有無資格評參賽者個陣其實我覺得佢ok,因為佢識得欣賞Jin。Jin幾次嘅表演,都可以睇到吳亦帆雙眼係帶著仰慕,完全有神快拜咁嘅款,另外三個….um都係emmmm留返俾大家評價……不過可惜啦有啲人目光就係咁短淺,覺得中國有嘻哈就係中文有嘻哈。有啲戥Jin唔抵咁快就走冇機會咁樣學中文(其實係我幾sad無得再等Jin 勁可愛口音嘅普通話flow)。

Jin影響嘅係一代人,係帶領緊華人界Hip Hop嘅崛起。只可以話中國有嘻哈好大原因係因為Jin嘅成功,去到《中國有嘻哈》呢個節目只係淪為一個40強嘅參賽者。希望佢真係唔會從此淨係係美國發展啦,好想聽多幾次佢廣東話嘅flow 🙁

 

關於作者:山區學童

喺澳州19野雞學店讀緊俗稱調理農務系嘅農業經濟學,不過到而家都唔識耕田。寫呢啲19文係因為生活太悶又唔想係咁打機所以寫下解下悶~

則留言

閱讀後覺得好,請多多讚好及分享~:)

其他熱門文章

  • 【塔羅個案】「我想分手,佢話唔好,不如去開房;然後我覺得佢仲愛我」 by 神婆
    Sally壓低聲線,「我當時話,如果你呢兩年唔娶我嘅,就分手啦!你都唔愛我嘅!結果佢聽完,同我講,唔好分手啦,不如咁,我,我同你去開房好無?神婆,妳明唔明我嗰刻嘅心情?」…
  • 毒理學家:香港係冇黑色嘅蛇嘅! by Fava Bean
    「唔⋯⋯病人冇影相⋯⋯佢話佢係黑色。」「喔。」毒理學醫生頓了一頓,突然語出驚人地說:「首先,香港係冇黑色嘅蛇嘅!」我不由得大為震驚,感覺人生迄今的世界觀被徹底刷新了,長居在此多年,連香港有蛇都不知道,更遑論會知曉此地沒有黑色的蛇!我兀自沉溺…
  • 從無綫台慶睇老屎忽點摧毀一個電視台 by 清君
    這些年來,你講得出有幾多個大台主持?阿旦、曾志偉、阿叻、Liza、Do姐,較後生的可能要數崔建邦了,或者我算漏不少人,但來來去去都是那一撮人。昨晚一開show,就是Liza、曾志偉和阿叻引領,有前輩坐鎮當然係坐定笠六,但不放手給後生揸大旗,…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 廢青的一天 by 木人里
    「我到底做緊咩?我到底做緊咩?我到底做緊咩?我到底做緊咩?幾時放工?幾時放工?幾時放工?幾時放工?幾時放工?幾時放工?下又叫我?我未回氣呀﹗幾時放工?幾時放工?屌你老母都唔撚講道理架﹗幾時放工?幾時放工?你條死老野識條春咩?幾時放工?幾時放…
歡迎讚好我們的facebook page,免費資訊源源送上。