如果香港人是一條team,有個好coach執執,其實係無堅不摧的。

 

(photo via cc Flickr user Colin Tsoi)

 

香港無希望架啦。
如果你講過呢句野,我估你有8成係70尾後或80後的世代。
點解你會咁諗?
好多人係唔鐘意讀史既,因此佢地唔明白過去對現在有幾大影響,同埋經歷點樣塑造一個人。
包括維尼熊同希魔。
你既成長環境,見識經歷,定義左你點睇呢個世界,同埋你既性格特質。
好多人以為自己客觀,但係你有無諗過,當你睇到既現實「就係樣咁」,咁你既客觀,一定係機於你睇到既野,而唔係其他人睇到既野或者佢地同你講既野。
所以客觀極難。
即係,你愈以為客觀,其實你好多時都非常主觀。
不同世代經歷不同既現實,也就自然有唔同既「客觀」了:

我地而家諗諗香港每代人嘅經歷:

6/70 後:服從勤力就有好醫食,服從個陣一切向上,無咩經歷過真逆境,到近年開始睇到down trend,但對佢地無咩影響,,現在佢地已屆中年後期,會求定,因為定從來係佢地既真理。佢地親身經歷過。

80後:同70後好唔同,發展有好大差異,經歷過美好而現在身處無止盡沉淪。因此,佢地會不安,同埋唔知點好,有人會妄想舊路,投共求安,有人選擇沉默觀望,但心底其實係最不穩。

90後:可能見過最後瘋狂,也見過美好事物嘅最後,但人生中至今大部分時間都係見到向下沉淪,一切都非常差,所以會對過去美好有「想像」,會有強烈希望Restore,傾向buy(過)左膠之因。

90尾至00後:我認為佢地係關鍵一代,佢地見證嘅,係永無止盡,沒有底線嘅下沉淪喪。佢地無經歷體驗過美好,只是聽說過,而佢地卻完全感到社會權力者嘅惡意,上一代嘅自保頹廢不理下一代死活。佢地唔少人都希望改變,但現況可能係不知道可以做什麼而看來很「廢青」。佢地不會有前人不切實際的妄想,也懂人性醜惡。但同時佢地當中卻有高道德標準,這結合起來,你懂的。你可以叫佢地hope。

所以
6/70 後嘅弱點係堅持、意志同埋應變
80 後嘅弱點係受不安主宰,因此妄想太多或變得極端
90後嘅弱點係太重視理想,雖然明白現實,但不了解過去嘅醜陋
90尾到00嘅最弱係經驗,同天時地利不在佢地。

但想想看,如果放下世代包袱,這團隊其實是無敵的,因為佢地有齊贏嘅所有條件。

6/70後累積嘅資源,穩定同後路,80後嘅不安所以睇到好闊同靈活,令佢地有潛力成為橋樑,90後就set goal同理想,加上00後嘅現實、應變,卻有道德。

有個coach,幫佢地磨合好。
理論上,無堅不摧。

呢個係FF?係咩,咁又點?
唔FF下,唔通等死?
唔好死,唯有堅持下去呀,6/70後同80後。唔係,你嘅安身立命穩穩定定,唔玩得幾耐。

 

關於作者:ohms

ohms
有阻,有流,成就力量——歐姆

則留言

閱讀後覺得好,請多多讚好及分享~:)

其他熱門文章

  • 人失敗到盡頭總要學會打飛機 by 田小姐
    我呢位朋友,大學畢業五年,一個月前搵到一份寫字樓工,月入唔夠一萬。早幾日成班朋友約出黎食飯,呢位朋友就話佢想辭職唔做,自己搞生意。我心諗,搞生意?你連自己嘅生活都未搞得掂喎!於是我就問佢:「你份工好哋哋做咩唔做呀?」佢「唉」左一聲,話:「我…
  • 愛男友,請愛埋佢屋企人 by 小盛女
    「有無人要食麵啊?幫你地夾。」Mike大喊。「使乜幫佢地夾,佢地無手o架?」Brenda黑面說。Mike即時怔了一怔,他從沒想過這麼簡單的舉動會令Brenda爆seed。「都係順便姐,大家一家人,我幫你夾埋喇。」Mike盡量壓抑自己的情緒,…
  • 應如何對待男友嘅朋友? by 小盛女
    晚飯後她又教大家玩大學時O-Camp的集體遊戲,很快便和Mike的朋友們混熟,特別是男性朋友。玩遊戲少不免有些身體接觸,Mike都一一看在眼裡,他最怕就是看到這些疑似抽水的行為,出聲唔係唔出聲又唔係,自己女友又鬼死咁主動,同人玩得鬼死咁盡興…
  • 「我想結婚之後先搞,有錯咩?」 by 樂人
    點會有錯呢,我覺得堅持係好事,o岩架,千其唔好俾佢得手添呀,唔係好快趙完鬆!VV,你要醒水!呢啲咁嘅臭男人,我仲見得少咩!…
  • 【年輕新貴】識打工一定係做半更保安 by 鵝鑾鼻燈塔
    看更呢樣野,做得真係好足,而且唔需要太多體能訓練,單係實踐呢方面抱負,門檻又低,已經贏左。…
歡迎讚好我們的facebook page,免費資訊源源送上。