乖啦你,聽我講咁做就啱喇。

 

 

今個月就生日二十六歲,無錢無樓無伴侶,亦無一份收入可觀嘅工,同好多人一樣,唔知自己做乜或者想/可以追求啲乜,日復日咁生活,希望四十歲就完結我嘅人生。

困左喺社會同父母嘅雀籠裡面,一直扮演平平無奇嘅角色,求學時期讀書中規中矩,無試過走堂無試過欠交功課無試過留班無試過記缺點無試過犯錯要見家長,更無試過食煙吸毒或者俾人搞大個肚,同時亦唔係成績彪炳、運動健將全校都識。整個讀書生涯,唔係最好果浸,亦唔係爛泥果班,而係可能有日你無返學,甚至失左蹤都無人知嘅果堆人,成績唔係好好又唔係最差,評語永遠都係乖巧,其實係最唔需要理嘅果啲學生或者女兒。我屌你,廿年喇,可唔可以唔好再叫我做乖孩子?

畢左業,大家繼續當你係乖孩子,一個永遠長唔大嘅乖孩子,以為你照舊唔需要理唔需要擔心。真係好唔好意思,你唔悶我都覺得攰,唔好再叫我唔好做乜做麥,廿幾歲人,正路係已經有足夠嘅分析能力,知道乜嘢值得做同對自己有無意義,講出黎純粹只係分享,唔係要俾任何人去批評我應唔應該去做,我好討厭呢種困左我十幾廿年嘅溝通方式。我樂意去聽晒又唔去反駁係我尊重嘅一種,但千萬唔好同我說教咁款,受夠。

如果我係想將兩個字刻喺我身上提醒自己係點樣喺呢幾年黎熬過嘅,我覺得不為過。我討厭我過去同我所經歷嘅嘢嘅同時,我多得佢地,令我成長好多好多,同時我好清楚知道,如果無果兩樣嘢,我一早已經誤入歧途,一早自甘墮落。每一日喺鏡見到嘅我,係過去磨練而成,而兩臂嘅字就會係提醒我自己過去係點樣行過,而且係點樣繼續活好將來嘅每一日。

大部分人都叫我三思,甚至叫我唔好咁做。其實點解啲人硬係要以關心、「為你好」之名控制人地做啲乜?因為你唔係「屬於」你,你係屬於呢個社會規範,你係屬於所有人。

「你諗清楚喎,成世架。」一個月後嘅今日落唔落雨,天文台用盡科學都唔能夠100%確定啦,你問我餘生肯唔肯定?唔好玩啦,但我至少肯定佢唔會變成我討厭嘅嘢囉。

 

 

關於作者:乜乜贊

九十後的怪人,點點情緒化,點點自大又點點自卑。

則留言

閱讀後覺得好,請多多讚好及分享~:)

其他熱門文章

  • 地鐵 by 李天恩
    生活在香港這樣的都市,女孩子們基本上都能從對方的衣著、裝扮、服飾及姿勢態度上得知許多資訊,從經濟狀況到住在哪一區,大致都能看得出來。我瞄了瞄自己的手腕,同時察覺那兩位女孩都偷偷督向我左手配戴著的卡地亞手錶,這隻手錶一般不是我這個年齡的女生有…
  • 雞之報應 by 霏子
    二零一四年嘅春天,阿海同阿琪仲讀緊Year_One,阿海仲未識到Miki,同阿琪仲係好friend。嗰一年,佢地見證咗一場悲劇,阿海稱為「雞之報應」。 …
  • 我係搞手我係狗(二)——「啲女係咪處?」 by 霏子
    屌,我知你有畀錢,但都唔使咁過份,問埋我啲女係咪處㗎?我班女都係畀同一個價㗎咋,咁佢地係咪又可以要求你有超強御女術呀?呢條友真係當正我係媽媽生。最後,我冇追問佢嚟唔嚟,而佢都係嚟咗。…
  • 影帝在身邊 by 睜開雙眼做場夢
      人生就像一套連續劇,每個人都是一位演員, 由睜開雙眼開始,都在演繹著屬於自己的戲份。 在平淡的一 […]…
  • 第一次約會?要唔要睇戲特登挨落佢膊頭,要唔要胸壓佢? by FAKE 文青
    首先要化個淡妝,所有大眼仔,濃妝not_ok…
歡迎讚好我們的facebook page,免費資訊源源送上。