呢個實驗最緊要係心性——歐陽靖

 

想不到,竟然,在大陸的電視,再見到 MCJin。

我想起,2008年剛回港,最不知所以然的時候,多謝當時《信報優雅生活》的黃源順先生,找來享負盛名的又一山人先生,為我和歐陽先生,搞了這麼一場遊戲。

Freestyle?

當時,我的訪問,就是Freestyle。直至現在,都是。

 


 

MC Jin 歐陽靖,只是來了香港兩個月,仍是寄住在外公的家。但兩個月內,他已經佔據了所有雜誌:他雙親的故事,他的rap battle,他跟奧巴馬的相遇,我前前後後讀過五次。商台大力支持,人紅了,側田陳奕迅都喜歡他,狗仔隊即時緊盯,再順勢成為名牌時裝店的模特兒……這個在美國billboard賣兩萬多張的MC Jin(By the way,聽說William Hung都賣一萬多),就在這兩個月內被媒體捧成超級新人,火速成為年青人和大學生之間的偶像。

「你問我會不會怕跌得快升得快?不,是升得快跌得快?你問我香港人會記得我幾耐?我真係唔知。我邊會知?人生有咁多嘢要諗,我又要諗幾時結婚,幾時生仔,香港人會記得我幾耐呢個,一定排得好後。我邊擔心得咁多?」

歐陽靖,歡迎你,歡迎你來到把偶像當柴薪,極速燒過後就會他們棄掉的……香港。

我好不客氣。歐陽靖今時今日得到香港人對他的禮遇,是因為他rap贏了「黑鬼」,是第一個ABC (American Born Chinese) 在freestyle rap battle 中的第一個七連霸。Freestyle rap battle講求即時反應,我應該知道這個人頭腦轉得快的。他小時候做智力測驗:「我好記得,我有160分。不是很高吧?」說話快,有過度活躍症,沒有穿 上代言球鞋的歐陽靖說。

對不起,聽說IQ 在130或以上,就叫資優兒童。26歲的歐陽靖,其實是天才。他應該有一顆星星用他的名字命名,不用考試就升上大學,而且被人叫他做神童乜乜七七的。

 

香港仔 ABC

從頭到地把歐陽靖的rap聽過一次,他說他很喜歡中國文化,對香港娛樂圈有點微言,鍾愛周星馳、TVB和四大天王。但,他是從甚麼角度認識香港的?歐陽靖的香港身份和香港感情,是如何建立的?

「是我爸爸,我媽媽,我舅父仔都係香港人,我有首歌叫《1997》的,就是……」找來他的父親扮「巴士阿叔」,說「你有壓力,我有壓力,你搭我膊頭就好有 壓力……」歐陽靖認識香港的方法,是家人和媒體。但他的家人,1970年就離開香港了。聽他老爸說,他們以前是去啟德玩的。啟德?多麼Nostalgia 的名字。他愛聽四大天王,玩過Yes卡,沉迷TVB。「Universal (唱片公司)幾好架,每晚大概十點鐘左右就會放我走。」即是可以看到《溏心風暴2之家好月圓》:「我知道呀,都做左十一、二集,我都只係睇到三、四集。可 以呀,我覺得幾好睇。」他的廣東話流利得令攝影師又一山人氏問他:「你幾多歲的時候離開香港?」

在美國出生的歐陽靖,二十六年都在美國。他說他喜歡香港文化,proud of being Chinese。看來教育局最應該找歐陽靖為香港的國民教育做宣傳。反正,他們都想香港所有學生都proud of being Chinese。「在美國,我知道就算佢地話要幾平等平等,做黑人,就算佢地係社會上有幾高的地位,賺幾多錢,佢地見到白人,都係會覺得,咦?!係差啲 嘅。rap battle 果陣,啲黑人剩係識得攻擊我係中國人呢個身份。明明我係美國出世,不過佢地見到我呢個樣,就會話我係中國人,叫我make some rice,又話我矮。但呢個時候,你只有兩個選擇,一係就呢世都dup低頭,覺得自己好渣。一係就以自己係中國人身份,問返佢,你話我係Chinese, 你睇下你對鞋都係Made in China,就連啲黑鬼都噢~~~一聲的。我就要proud of 自己係Chinese。」

Sorry to say,proud of being Chinese,都是由外國人給我們的。由新精武門到歐陽靖,外國人的認同,都是尊嚴的來源。

 

娛樂圈 TVB

歐陽靖給我的外星人感覺,是他真心的喜歡TVB。在2008年都仍然有人真心喜歡TVB,真的很surreal。給林奕華聽到,一定會咬死你。
「我知道好多人都覺得唔明,點解我中意TVB。當年睇嘅電視劇,都係阿媽話,喂,租左TVB嘅劇呀!一齊睇啦。咁而家,我返咗嚟兩個月,做咗三次TVB既節目,可以去見到陳百祥,真係可以同佢握手,同佢講我細細個就睇你做戲。邊個會諗到,我會上到TVB?

「好多人都話TVB間公司衰。但TVB其實對我幾好。好多人都話你要TVB捧你,就一定要簽晒畀佢,佢就會捧你,但我冇簽,佢都畀咗好多機會我。而我上去 Rap啲咩,佢地都冇過問。當然,唔好講粗口,呢啲其實都好reasonable,最好如果有稿就畀返份佢地……就係咁多。其實,TVB都對我幾好。」

但,這個重要嗎?歐陽靖,你已經成功成為了明星。大抵你應該知道,你所鍾愛的香港,和我認識的香港,是有點歧異的吧?

「我大抵明白你的意思。其實,我都有嘢唔習慣。地鐵我都仲會搭,不過都會唔識搭。或者係,娛樂圈呢個style。好似,有一次,畀娛記圍,五、六個人咁 啦,佢地啲面口,真係衰到。我唔可以當佢地係journalist啦。行埋嚟,就講幾句,話,(扮八婆娛記聲)你係咪同側田好熟架?有冇見過阿嫂呀?阿嫂 好靚架啵!佢地根本唔係問我問題,而係講一啲嘢,等我畀反應。有時唔等,佢地又會自己答返。我就只可以答,我冇見過阿嫂,咩阿嫂呢?(再扮聲)冇理由架 喎,你地咁熟。咁JC呢?房祖名呀!有冇見過阿嫂呀!你哋一齊rap架嘛!咁你冇見過阿嫂呀哈哈哈哈…」歐陽先生的眼神聚焦了,說:「有啲嘢,我冇得控 制。」

老實說,其實我唔當你係Chinese。如果香港人當你是中國人,你一定沒有今天的地位。歐陽靖,呢個實驗,最緊要唔一定係記性,而係耐性,不要隨便亂了心性。

「其實我都係度做緊個實驗。其實我知道,我不用fans 佢地永遠都支持我。呢啲,我知道佢地一定會走。」

我們對看了一眼,忽然靈光一閃。各位看官,容許我寫一句英文。MC Jin不會看中文。I support you, as we know, there is always no shortage of bastards in Hong Kong.

 

原文刊於:《信報‧優雅生活》,2008年8月29日

 

原載於健吾BLOG

 

關於作者:健吾

健吾
宣揚仇恨一點也不有型。這個世界,幸好還有愛。健吾專欄作家、記者、編輯……商業電台節目《人民大道中》、《903國民教育》、《光明頂》主持,香港中文大學日本研究學系講師。著書超過十本,最新的是《日本亂象》(北京人民大學出版社)、《100個在情場止蝕離場的理由(上))、《京都--貼近生活之旅》(圓桌精英出版)、《健吾收音機III——說好的幸福呢?》(CUP出版)等等。email:[email protected] |Facebook: facebook.com/kengopage |微博:t.sina.com.cn/kengowrites

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。