寫在公營醫療系統崩潰時

 

(photo via cc Flickr user Mark Hillary)

 

香港公共醫療制度超載、爆煲、崩潰,都講咗好幾年。當半緊急病人輪候急症室時間高達 15 小時,你知道有錢就去返睇私家,冇錢就買成藥自隊,再唔係就自求多福。

今日我半夜殺出九龍某公立醫院進行實地考察⋯⋯講下啫,其實係因為屋企有人病咗。一如既往,等嘅人多到企出門外,發燒、嘔吐嘅人以至嘔血嘅人都係要等,因為總有撞車、斷手斷腳嘅個案三五七時入 A&E ,而當值醫生護士嘅人手就係小貓三幾隻,於是分流後定義為緊急(第三級,據報 service pledge 係半粒鐘)嘅病人要等個幾兩個鐘都係等閒時,而今日我屋企人係等咗,四個鐘。

我唔怪醫生護士,佢哋都係人,都係逗份糧返工,都要放假,都會病,都係得一對手一對腳。我唔怪危殆、嚴重嘅病人 ad-hoc 入院,因為佢哋都唔想。

我怪嘅,係怪香港人口無上限嘅政策。一入病房,普通話人多過一半,有啲病人嘅樣真係鑿住「 I am Chinese 」,照顧病人嘅家屬,都係大媽咁嘅樣。我唔知佢哋已經係香港居民,定係專誠來港求醫,但當初邊個撚屌話香港發展醫療產業?冇咁大個頭,做乜戴咁大頂帽?

我怪嘅,係發展醫療產業但冇相應配套。醫生人數唔夠,護士又唔夠。然後私家醫院開完一間又一間,出手闊綽不在話下,公立醫院前線人員被高薪挖角,做乜仲要同你受氣受壓?天下兵器盡歸私家醫院所有,留守公營網絡嘅醫護人員工作量就百上加斤。然後你知道咩叫惡性循環。

所以我真係對公立醫院嘅前線醫護人員無可挑剔。盡忠職守嘅不在話下,即使有啲已經做到躁、打官腔話「好多人都等緊,你再等下」,我都覺得,只係個社會欠咗佢哋。

至於乘人手短缺之便,提倡引入「海外」,即係九成係大陸醫生嘅當權者,我知咩叫 hidden agenda ,亦都知佢哋唔志在,因為佢哋本身梗係睇私家醫院。事到如今,香港人可做嘅唔多,一係搵多啲,一係自己買醫療保險,一係病少啲。然後你發覺,長命百歲有時真係可以係一個詛咒。

 

 

關於作者:賴叔

賴叔
我誤判,我恐懼。為咗將錯就錯,用嘲笑化解恐懼,我決定承認自己叔叔嘅身份~

則留言

閱讀後覺得好,請多多讚好及分享~:)

其他熱門文章

  • 何君堯家中藏中觀音像,廢老唔該學下網路自拍文化先衝出黎柒啦好冇? by 隨緣
    從遠古的陳冠希事件,到幾年前在台灣發生牛奶哥哥讓天菜寄住然後天菜在家中打飛機自拍片流出的事件。網民其實都知道,自拍,其實會流出很多個人資訊。這一刻你穿什麼?那一秒你在那兒?你家中有什麼陳設?在床邊有沒有一個透明魚缸是放安全套的?你家的畫是什…
  • 其實係旺中變咗,定係我哋變咗? by 小盛女
    有一日我竟然心血來潮想返去睇下懷舊下,我發現旺中原來已經唔同咗好多,最大分別係多咗好多嘢食(食評後補)。我見到好多衫都係細件到喊,根本無可能著到,而且啲款已經唔再啱我style,甚至無興趣揭嚟睇。後嚟終於見到有條連身裙幾靚,點知一拼上身,嘩…
  • 英國軍艦上的香港貓Simon——成船貓奴靠佢執番條命仔。 by 港識多史
    Simon是一隻來自昂船州的黑色貓仔,在1948年的時後,被一名英國皇家海軍紫水晶號巡防艦(HMSAmethyst)的水兵在昂船州發現。水兵不忍心Simon無家可歸,因為便偷偷把牠帶回軍艦上。…
  • 如果你哋兩位一早知道大陸人都唔買iPhone,你仲會唔會諗住炒? by 白木乩
    今次iPhone8面世,香港果農更加係無啖好食,即日跌穿機價,有收買店甚至打趣,iPhone仍有12蚊炒賣空間。但如果再睇睇昨日iPhone在大陸發售情況,就知道除了自用之外,根本唔應該大手買入。…
  • 「中學揀phy chem bio,大學揀BBA」 by 派拉特
    「先生,請問有咩可以幫到你?」我背後傳黎一把應該係屬於呢間服裝店sales既聲音。老實,其實係冇,你唯一可以幫到我既就係叫我位朋友快啲揀完套衫快啲埋單走人。正當我想hea應佢既時候……「咦?」我地兩人四目交投既一剎那,都異口同聲咁咦咗聲。小…
歡迎讚好我們的facebook page,免費資訊源源送上。