【DQ2+4】我諗習大大同林鄭唔係好介意俾你補選贏曬

政治 / 最新文章綜覽

 

文匯報圖片

 

2+4名立法會議員因宣誓不合乎法例要求而被褫奪議席,按法例會進行補選。

現時立法會五大選區之中,所需補選分別為:新東兩席、九西兩席及港島一席。

泛民共主(好似係)戴耀廷以接近求饒的態度,話如果林鄭係釋出善意架呢,就應該新東九西分別分開兩次補選,而非以比例代表制同時各補選兩席,咁民主派就可以利用六/四比率贏番曬啲議席。

 

講真,身為一個唔係好關心反對派死活嘅人,睇到呢啲嘢,除左開部PS4 打多兩局高達之外,仲有咩好做。

又不過咁,如果真係認真分析時局,就會知道,反對派贏唔贏呢次補選,對於建制派嘅屈機大局係無乜特別大影響,甚至俾你贏係更屈機。

 

首先要睇嘅,係習大大南巡香港嘅指示好明確,香港就唔該你專心搵錢,除左搵錢之外係度搞搞震,就一定令你慘過死。2+4DQ,正正係貫徹呢個指導思想。

俾你贏又點會係貫徹呢?

每個人都要生活,香港生活成本高昂,一個政黨、一班政工作者嘅生存,係要錢,係要好多錢。故此,要維持政黨運作,要維持政工作者嘅生命,就可以應用一個好簡單嘅會計概念,呢個概念叫現金流。即係乜?即係收入 – 支出 = 盈利,盈利係正數,無論團體定係個別政工作者,佢就可以生存下去;咁負數呢?短期嘅負數係唔會死嘅,正如你齋飲清水餓兩日,係唔會死,但係餓三個月呢,就會死。

而家嘅所謂DQ,唔只係要令到議事廳入面嘅親政府議員增多,更係要直接打擊反對派政黨同埋政工作者嘅收入,減低佢哋嘅生存能力。其實唔複雜的,一個立法會議席,薪金連津貼十幾萬一個月,視乎人工,可以養到十個八個人,仲未計利用公權力合法舉辦社區活動收贊助再批俾自己人做埋件事佢。

法庭判詞係話,個議席由十月十二日已經開始失效,到而家,當九個月,呢九個月議員薪金連津貼,恐怕都會被政府追討,但係交左嘅辦事處租金、出左俾助理嘅糧餉、交左嘅勞工保險、長毛戰車入左嘅油,都係無得收番嘅,即係每個議員要額外負擔呢筆還債。

 

講左咁耐終於入正題。點解唔怕你贏番議席?

如果DQ 嘅戰略目的係要打擊政工作者嘅生存,俾你贏補選,再DQ,再俾你贏,再DQ,先係最大化個戰略效果:

每次補選,反對派用錢用人宣傳拉票,呢個係支出。

贏了補選,反對派用錢用人維持辦事處運作,呢個係支出。

若干時期後DQ,反對派要償還「任期」內薪金及預支津貼,呢個係支出。

收入呢?好抱歉,係零。

話你係零,已經係好厚道,因為呢個世界有樣嘢叫機會成本,而家最低工資都三十唔知幾多啦,政工作者用呢幾個月時間去老麥打工都唔會零收入。

令反對派無收入而要負擔咁多支出,令為國家為特區添煩添亂嘅反對派政工作者生存唔到,再減低加入反對派從事政工作嘅後進,呢個先係破壞整個反對派格局嘅大戰略。

 

講完咁多,我係無諗住俾任何意見。因為我根本唔關心佢哋死活,只係利用呢個機會,話俾大家知,我呢個輔仁媒體總編輯係一個智力正常嘅人。

對於來緊嘅補選,我係估計反對派會大勝嘅(有無人話俾大家知我外號燈神?),呢班人,只係識食餌兵,見到個議席值咁多錢,一定好落力去販賣悲情販賣假希望販賣建制不堪,順利得到支持者嘅鈔票同埋選票。

至於如果呢個「DQ——補選——DQ——補選」嘅循環玩多幾次,反對派支持者仲有幾多鈔票會俾佢哋,仲有幾多反對派支持者唔嫌棄佢哋弱智而繼續俾選票佢哋,我真係估計唔到。

 

多謝收看。

 

關於作者:容樂其

我覺得總編輯都有得出文係常識囉!

則留言

閱讀後覺得好,請多多讚好及分享~:)

其他熱門文章

  • 新同事,唔識記住要問人呀! by 扮工室の膠秘s
    花生友:「喂新同事,你個email_id係咩啊?經理叫我send_email要cc你。」新同事:「無啊。」…
  • 真正既朋友係咁樣寫Postcard既.. by 港女友
    寄卡畀我既係中學既好朋友,而我印象中佢都唔係第一次令我發笑,有次寫左「朋友我當您一世朋友」,有次佢去左澳洲寄左張佢攬住樹熊既鋪卡畀我,我指係真係有佢個樣係鋪卡上面!我媽第一時間問:呢個人係您朋友呀?係。我諗澳洲同香港既郵差應該都想問我...…
  • 不懂得愛,不懂得我,別親我 by 焦總的蕉很腫
    有晚送佢返屋企個陣,佢拉左我去後樓梯,過程大家都好投入好激烈,第一次有人對我講老公我愛你,第一次有人對我講好鍾意我插係佢入面,第一次有人問我感唔感覺到我同佢合二為一。 …
  • 馮盈盈都叫唔造作,咁麥美恩叫咩? by 小盛女
    無可否認,人靚真的比較多著數,至少兵都可以收多一點,發姣都可以稱為不造作、率真。說句公道說話,盈盈都算靚,雖然比她有氣質/靚的藝人也大有人在,例如李佳芯、黃心穎等,但盈盈都叫做比上不足,比下有餘。靚也分很多種,清純的、詩文的、誘人的、可愛的…
  • 校友會上的野獸與餓狼 by 單字晴
    為什麼我會想起《美女與野獸》?因為我眼前確實有一些野獸,可惜伴隨野獸的不是貝兒,而是一隻隻餓狼。三大畢業的男生,即使沒有城堡,也有一隻「三斤釘的小船」,襯得起貝兒有餘。但「三高」中女卻不是清純的美人兒。所謂女人三十如狼,四十如虎,餓狼們遇上…
歡迎讚好我們的facebook page,免費資訊源源送上。