我係同性戀基督徒

 

其實正確黎講我係雙性戀,就18歲,翻左教會三年,冇翻教會幾個月亦都唔打算再翻,除非同我女朋友分左手。

係我唔夠虔誠唔夠堅定,從我認識同性戀呢件事直至呢家,我都唔認同佢係一種罪。係,雙性戀而揀左同性嘅我地係叛逆上帝嘅生殖配對安排,但天生基天生les又點計呢?個個都中意異性,唔通個個都中意異性咩?教會嘅人通常會話係上帝俾你嘅考驗!係榮耀上帝嘅機會!噢令波啊話咁易就將同性戀變做罪人,講到佢地天生中意唔到異性係佢軟弱抵擋唔住撒旦誘惑,榮耀唔到上帝仲令基督徒蒙羞咁。

我同過教會傳道人出櫃,佢就威逼利誘我同我女朋友分手,話我令到天父爸爸好傷心。而我又心諗,如果分左手,我同我女朋友咁傷心,愛我地嘅上帝會因為咁而開心?祈禱個陣又應唔應該感恩呢個拆散我地嘅天父爸爸?

唔少人尤其係基督徒會問中意到男仔點解要同女仔一齊?的確係香港呢條路真係唔好行,話就話係國際大都會,出到街問中老年人甚至後生仔十個有八個都未必知咩係LGBT。我同我女朋友出街都會俾唔少啊伯啊嬸睥尻住,都適應左好耐先克服到呢啲咁不善嘅目光。其實同性戀又真係得罪人啲咩呢?就好似成班人中意kpop edm,有小眾中意聽jazz,你理得人中意咩啫?啲人話降低生育率人類會有絕種危機,同性婚姻教壞下一代,真係得啖笑,地球少左人破壞環境浪費資源都感激不盡啦。如果你身邊嘅人係基,我唔信你會被同化見到裸男會想插而唔係想嘔囉。

自問試過唔少男人,自大幼稚膚淺精蟲上腦嘅多得是。女人就真係好唔同,溫柔體貼浪漫不在話下,錫落好香好軟滑好似cream,皮膚好滑仲嗌得好好聽。錫男人就好似錫緊狗,一味死chur,扯左就狗衝。中意同人類定動物卜野?我自己心照。

係啊我係個有婚前性行為有同性伴侶,講野粗俗兼唔翻教會嘅基督徒。極度錯誤示範,但就係脱唔到教,我知上帝仲係愛我嘅我亦都仲信佢嘅存在。至於唔翻教會,恕我抗壓力低,未承受到聲稱主內一家親嘅「弟兄姊妹」用種高人一等嘅態度去批判去鄙視我。

可能拒同性戀於門外嘅係自己係門徒,而唔係上帝。

 

關於作者:藍墨精

流浪廢青

則留言

閱讀後覺得好,請多多讚好及分享~:)

其他熱門文章

  • 雞之報應 by 霏子
    二零一四年嘅春天,阿海同阿琪仲讀緊Year_One,阿海仲未識到Miki,同阿琪仲係好friend。嗰一年,佢地見證咗一場悲劇,阿海稱為「雞之報應」。 …
  • 地鐵 by 李天恩
    生活在香港這樣的都市,女孩子們基本上都能從對方的衣著、裝扮、服飾及姿勢態度上得知許多資訊,從經濟狀況到住在哪一區,大致都能看得出來。我瞄了瞄自己的手腕,同時察覺那兩位女孩都偷偷督向我左手配戴著的卡地亞手錶,這隻手錶一般不是我這個年齡的女生有…
  • 我係搞手我係狗(二)——「啲女係咪處?」 by 霏子
    屌,我知你有畀錢,但都唔使咁過份,問埋我啲女係咪處㗎?我班女都係畀同一個價㗎咋,咁佢地係咪又可以要求你有超強御女術呀?呢條友真係當正我係媽媽生。最後,我冇追問佢嚟唔嚟,而佢都係嚟咗。…
  • 罷買萬寧真的可以嗎? by Terence Yun
    或者有一些參考,就是日本麥當勞的經歷。當年因為福喜事件拖累,日本人不再喜歡麥當勞,對其感觀以及服務給予堅決的說不,使日本麥當勞經歷過最嚴重的業務衰退,曾經大蝕347億日元,關掉160家門市,寫下進軍日本45年來最慘的業績。但到去年,該公司業…
  • 世上有種自虐,叫stalk男友和他的前度 by 預妍
    為左可以stalk到想stalk既嘢,可以去到幾盡?有朋友試過開Fakeaccount去加男朋友前度既Facebook同IG,有朋友試過為左搵佢地相愛的經過由男朋友Facebook2015年即係依家碌到去盤古初開,有朋友為左stalk男朋友…
歡迎讚好我們的facebook page,免費資訊源源送上。