你講到中國咁好,點解去旅行又唔認自己中國人?

 

 

之前sign up一個海外免費event,諗住去旅行多個節目。
為左方便,我幫埋其他人register。
registration時,要揀來自邊個國家。冇Hong Kong呢個option,只係得China。

有得揀香港,我一定揀香港。
不過 如果冇,我會以護照既country of issue,去揀個國家。

所以,我揀左加拿大。澳洲護照朋友就揀澳洲。
用BNO既朋友揀英國。

另外,有個用特區護照。佢覺得中國好富強,為國家成就而感到驕傲,proud to be chinese,去旅行一定用特區護照
我幫佢揀左中國。(特區護照個country of issue係中國)

人人都冇問題。除左來自中國果個,就好大反應。
話我玩野,叫我即刻改,唔想俾人當佢係大陸人。blah blah blah
對方就話:「你地個個唔係from加拿大,就係澳洲同英國。而我就from China。即係玩野姐。」(呢番說話,非常之睇唔起中國,說好了的proud to be chinese呢?)

認真的,如果真心為中國人身份而感到自豪,會因為from China而好開心。 
如果唔係,先會覺得係玩野。

我打趣:「其實係for reference only,根本冇人認真會睇,更加唔會有人理。是但啦。」
對方繼續唔忿氣:「你講得咁輕鬆,你唔寫你自己係from China?」
我終於直接講:「喂,係你成日都話proud to be chinese,為中國人呢個身份而感到自豪架喎。又係你同我講,中國其實已經進步梗,而且進步得好快。又係你話既,大陸好多叻人,好多人好優秀,呢點我都認同架喎。中國咁好,你做乜否定你自己係from China??」

講黎講去,佢話佢係為中國人呢個身份而感到自豪,為國家富強而自豪。 
不過,佢係香港人,唔可以話佢係大陸人。

我好亂,明明本護照,大大隻字country of issue係CHN(中國)。 
用得本特區護照,你就係from China架啦。

哎,做人有時好矛盾。一邊為中國而驕傲,又唔認自己係from China。
結果,我冇改。唔係我唔改,而係,根本唔知可以改個乜野國家?!
unless你有本BNO。

最後,個event去唔成,因為個trip都去唔成。(同呢件事無關)

 

關於作者:Anita M. Mok

Anita M. Mok

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。