人人都有死穴,而我最怕就係TVB 電視劇式八婆。

 

人人都有死穴。

TVB 電視劇式八婆係我嘅死穴,仲要係我嘅天敵。
我完完全全唔識得處理呢啲人。

公司同一棟大廈,有個牙醫護士。年過50歲,普通樣,長頭髮馬尾,身高應該冇140cm。

佢好八卦,次次見親佢,都係同管理處講人是非。

佢每一次見到我,都打量我。
係眼定定望得好明顯,會令你感覺好唔自然,好唔舒服。

除左打量我,佢會八我啲野。公司做乜生意?有幾多人?有幾多洋人?幾多點返工?幾多點lunch?幾多點放工?
我從來都係hea佢,「係咩?」,「唔知」,「er。。。點解咁問?」

正常人,如果feel 到你問人野,人地唔多想答你。同時,從來只係得你問人野,人地唔會問你野。obviously,即係對方唔想同人講野。正常人,say 個hi 講個bye 就算。

不過,呢個女人係唔會停。
由一開始對佢好客氣,去到後來當聽唔到,唔理佢就算。佢有黑面,我當睇唔到。
唯一冇變,佢從來都冇放棄過打量我。

其實,我好想直接鬧佢。不過,大家同一棟大廈返工,唔想同佢面阻阻。More importantly,呢啲咁既TVB 電視劇式八婆,我鬧完佢,佢一定會向全棟大廈既人唱我,badmouth 我。

btw,返工梗係著返工裙look,正常business executive look,
我唔知有乜咁好望?!
再講,我鐘意著乜野返工,關你乜野事???

Anyways,好好彩地,最少冇撞過佢半年。
又好唔好彩地,今日lobby 撞到佢,一齊等𨋢。

我公司人人都放假,所以今日著得較causal。老闆同officemate 話我呢個look 似去沙灘,好relax。要去淺水灣,襯飲martini。btw,佢地兩個都係洋人,完全冇所謂。

護士一邊打量我,一邊問我,「食左飯未?」
太耐冇見,一時疏於防守,口快快答左佢,「食左。」仲要加多句,「你呢?」

繼續打量我,然後問,「你都著得幾夏天喎。」(八婆tone)
我,「依家的確係夏天。」(講完之後,我起番戒心,其實我唔應該俾反應佢,當聽唔到就算。)

佢繼續打量我,繼續八婆tone,「咁你真係好enjoy 個夏天喎。」

好喇,今日已經好俾面,同你講左好多野,我地既對話到此為止。
於是,我望都冇望佢一眼,唔理佢,玩電話。

入到lift,繼續打量我,「你真係enjoy 丫。」(八婆tone)
我又係completely ignore 佢。佢繼續打量,冇再講野。

我出lift時,佢同我講bye bye。
禮貌上又要回應佢bye bye。

唉,真係好怕呢類女人。litearlly,我真係唔識得點樣handle 佢。

 

關於作者:Anita M. Mok

Anita M. Mok

則留言

閱讀後覺得好,請多多讚好及分享~:)

其他熱門文章

  • 「廢青」之煉成 by 金仔
    「係喔,就到六點,你要走啦呵?」。那位妹妹不知天真還是「串」,「係呀,就夠鐘。」朋友無言。到了六點,那個妹妹準時離開會議室。朋友第二天跟她照肺,想知道她每天準時下班會不會有什麽特殊理由,會不會需要上課或家裏有什麽事等等。只見那妹妹很鎮定的回…
  • 大齡單身女總要求:「還不快點介紹好男人給我認識?」 by 鵝鑾鼻燈塔
    我認識的朋友,雖未致於完全是重度宅男,而且有一份優厚的收入和專業資格,但生活極為規律,不煙不酒,不喜交際應酬,平時看看書跑跑步,也懶得出外旅遊,反而喜歡行山釣魚打橋牌,你問他們好不好,的確好仔!但這樣的生活,也悶過大佛寺了吧。和他們一起,如…
  • 【真人真事】對那個關係中最受傷的女子,抱歉我連半點愧疚也沒有。 by 綠茶婊
    「點解你明知佢有另一半,仲要癡埋去。」當他的女朋友問我這個問題時,我沒有絲毫猶豫地回答,「你怎麼不去問他,在我靠近他的時候,為甚麼他沒有推開我」。…
  • 中共十九大嘅文宣話我知,佢哋真係想搶年輕人支持。 by 容樂其
    中共係好針對而家嘅80、90、00年輕人,喺媒體上去「做工作」。是的,係「做工作」,呢個係好中共嘅說法,照字面解就得,真係落手去針對年輕人做啲嘢。先唔講是否成功,至少係中共係出擊,要搶呢堆人嘅支持。…
  • 鬼叫我炒散!千祈唔好同朋友講人工! by 余該隱
    嗰晚我哋七個圍內最熟嘅中同去烚下烚下,嘆住冷氣,一張圓枱,大家迫埋圍威喂。成幾個月冇見,第一時間梗係交換下近況啦,邊個邊個又轉咗工,邊個邊個終於拍拖。我最簡單,咁多年都係得一句:「都係咁啦,炒緊散囉。」畢咗業幾年,我仲未返過全職,一日到黑返…
歡迎讚好我們的facebook page,免費資訊源源送上。