二十歲的媽媽,二十歲的女兒

 

我相信,每一個小朋友都有權去擁有一個幸福嘅家庭。然而係人生嘅眾多選擇入面,家庭卻唔係其中之一。

二十年前,一個少女因爲意外懷孕,世界上就多咗一個小女孩。抱著自己嘅親生骨肉,相信每一個媽媽都想俾自己嘅BB最好嘅一切。然而一個二十歲嘅女仔帶著一個剛岀世嘅寶寶,根本冇信心可以俾倒幸福快樂自己嘅女兒。縱然不捨,亦只可以放棄懷裏嘅心肝寶貝。盼望自己嘅女兒會係新嘅家庭,得到一個幸福快樂嘅童年。於是,二十歲嘅媽媽最後一次抱緊自己嘅女兒;係女兒小小嘅面上留下最後嘅親吻。就係咁樣,BB就俾人抱走咗。可能一生都唔會再見倒佢,只能祝福佢係新嘅家庭健康快樂咁成長。

我並唔係依個媽媽,我係故事中嘅女兒。二十年前,我嘅人生有一次重生洗牌嘅機會。

作為一個二十歲,仲讀緊大學嘅女仔,我深深明白點解要做依個決定。我二十年黎所得到嘅,我冇可能有能力付出。血濃於水係一種好微妙嘅關係,縱然唔認識,但係就會好掛住;縱然唔知對方嘅容貌,但係每次照鏡都彷佛睇倒對方嘅影子。 從來冇嬲過對方嘅選擇,只係喺失去安全感嘅時候,好想返去二十年前,好好記住俾人抱緊嘅感覺,好好講一聲再見。

原生家庭同領養家庭係兩個好唔同嘅個體,兩者相輔相成先能成就人生。縱然養父母會向我坦白,有一種情並非佢地所能彌補,但係我以經好感激所得倒嘅一切。

拋棄同放棄只係一線之差。放棄咗親自養育女兒,但卻冇放棄到佢嘅人生;所以先能夠將血脈相連嘅人交俾令一個家庭。常人可能唔明白依個選擇,但作為當事人,我明白背後嘅不捨同掙扎,我體諒當中嘅無奈。

思念有時好痛苦,特別係要掛著一個其實唔認識嘅人,腦海入面連一個用種記念嘅形象都冇。 但係我明白,一個二十歲媽媽嘅決定;感受到佢嘅愛。愛到盡頭,係放手,並唔係拋棄。

 

關於作者:竹月

愛寫字的女孩子

則留言

閱讀後覺得好,請多多讚好及分享~:)

其他熱門文章

  • 【塔羅個案】著名大學 Year 1 學生問「我點先可以做到 Hall Queen」 by 神婆
    「我想做Hall_Queen,錢唔係問題,妳話我知點做。」Hall...Hall_Queen?我聽到呢句說話嘅時候,個心打咗個突,腦入面唔知點解諗起當年讀女校時,啲女同學曾經有一期好鍾意睇嘅《Gossip_Girls》。即係咁,如果做Hal…
  • 大齡單身女總要求:「還不快點介紹好男人給我認識?」 by 鵝鑾鼻燈塔
    我認識的朋友,雖未致於完全是重度宅男,而且有一份優厚的收入和專業資格,但生活極為規律,不煙不酒,不喜交際應酬,平時看看書跑跑步,也懶得出外旅遊,反而喜歡行山釣魚打橋牌,你問他們好不好,的確好仔!但這樣的生活,也悶過大佛寺了吧。和他們一起,如…
  • 溝女攻略,男仔最緊要「唔要面」 by 肥姨姨
    「點解條件咁好嘅自己依然單身,但係嗰班狗公竟然可以日日攬女,過得逍遙快活羡煞旁人呢?」好大嘅一個原因係因為狗公好「唔要面」。…
  • Final Year 的鬱燥 by 麥精維他奶
    大學四年,說長不長,說短其實真係幾短。上莊,玩Ocamp,時間稍瞬即逝。係不知不覺之間,大學嘅生涯就會黎到最後一年。係呢幾年間,大學校園無咩變過,但係身邊人會變,事都會變。一系列嘅轉變睇落好似好理所當然,但係又難以適從。心入面果一份不安,慢…
  • 韓國野根本係垃圾食物 by 賤咀男
    韓國本身係一個窮到燶嘅國家,所以正宗「韓國菜」又寒酸種類又少。來來去去都係果幾樣料、果幾種味,上面加果幾種蔬菜絲一D變化都冇。…
歡迎讚好我們的facebook page,免費資訊源源送上。