睇新聞學「搬龍門」

 

唔知你有冇睇過無線電視新聞台製作嘅《睇新聞學英文》呢?由資深傳媒人褚簡寧Michael同靚女主播陳嘉倩主持,一個透過時事學習英文嘅節目。第一次睇呢嗰節目嗰時感覺都算可以,嘉倩BB提出係平日新聞中出現過嘅英文去請教Michael。兩人關係就好像師徒,由老行尊Michael帶住較新嘅陳嘉倩。我立即聯想到好多年前同樣由無線製作嘅《成語動畫廊》。動畫大師許誠毅有份建構出來嘅熊貓博士同機械人YY,令我係睇搞笑卡通片嘅同時學識咗唔少中國成語。

講番正題,有養眼嘅嘉倩BB同經驗豐富嘅Michael做一個節目本來冇咩好挑剔,正所謂美貌與智慧並重。但我睇多幾集就發現有啲唔對路。一個最簡單不過嘅老師學生設定,都比無線搞禍。亂搬龍門,做老師嗰個一時勁一時流,而學生就一時蠢一時醒。喺個節目裡頭耐不耐就會見到呀Michael會問番嘉倩轉頭,問佢某一句英文點解,但又唔係因為要考下嘉倩喎。這令到我覺得好無厘頭。

 

 

為咗證自己冇搞錯,真係無線一時一樣,老師同學生身份隨意對調,係寫呢篇評論之前我特登去咗嗰「賣TV輸吧」網再睇下呢個節目。唔知係好彩定唔好彩,一睇第137集「有志者高鐵可成」就見到Michael 問陳嘉倩點解會係 “Where there is a will,there is a way。 唔係When there is a will,there is a way。” 雖然語氣同用詞看來未至於好無知咁,但嘉倩BB後來答Michael “我冇錯呀,而係你記錯咗啦!”  真係戥Michael唔抵。一個寫了幾本《又中又英》教人英文嘅人,一個係英語世界打滾咗幾十年嘅人竟然會唔記得一句咁常出現嘅英文句子?太不可思議了。再加碼睇多幾集,又見到Michael問,咩係“Stonewalling”。又一個唔係難唔係新嘅字,我都唔知可以講咩好…

可能無線唔想嘉倩BB表現得太白痴,冇咗一個主播應有嘅學識,所以有咁樣嘅安排。但如果無線想嘉倩都有個專業啲嘅形象,好心一開始就唔好有學生同老師設定。就當係Michael同嘉倩一齊發掘啲佢地認為普羅大眾唔識嘅英文,然後作出解析就算。如果硬要嘉倩教Michael, 不如由佢教Michael啲比較新的潮語好嗎?

 

 

唔知你有冇聽過某某藝人因為驚破壞形象,所以不停要求導演改劇本令到自己不至於太無能,太低B,太樣衰等等,最後搞整套戲都不倫不類。這就是《睇新聞學英文》的問題,可能你會覺得做節目不同演戲,但其實所有創作都會涉及到角色和角色設定。既然你嘅劇本有博學老師同虛心學生,唔係要有咩喜劇效果的話唔該你寫番呢個老師同學生應有的行為出來兌現。角色連戲真係好重要,因為觀眾會憑此信服或者反駁你所建立的世界。

最後想說,無線抄自己嘢都抄得唔好,多年前的《成語動畫廊》比現在的《睇新聞學英文》做得好看好多。這簡直就係我從《成語動畫廊》中學回來的 “東施效顰” 的一個實例。

 

睇片:

對住嘉倩BB褚簡寧都要跪低-「有志者高鐵可成」

褚簡寧唔曉但陳嘉倩識嘅英文字-「Stonewalling」

 

 

關於作者:易嘉義

現在香港喺各方面都畀Bad Taste 入侵。我真係頂唔順。尤其係本人正正從事所謂嘅創意工業。與其碰到劣質創作而自己覺得不快勞氣,不如嘗試將我心目中嘅好嘢同大家分享,希望多啲人支持。而見到啲污褿嘢就叫大家避開抵制。

則留言

閱讀後覺得好,請多多讚好及分享~:)

其他熱門文章

  • 夜半,被彈鐘的第一個人 by 余該隱
    「呢度三千蚊,我哋之間就咁算。對唔住,你令我諗起一個人……」Sally眼定定望住三張金牛,佢唔係未試過俾人彈鐘,但喺半夜三點,俾人彈鐘仲要收足錢,就真係第一次。…
  • 每對情侶都經歷過的sweet sweet moment by 小盛女
    話說某一天零晨十二時多Brenda都還沒有收到Mike的「報平安」的電話,即使是塞車,最遲都應該十一點便回到家中。打電話給他,卻響了一下便掛線,接着打了十多次電話也是「你已被接駁到。。。」難道是電話無電?但回家應該也可以充電,還是電話被偷了…
  • 群眾去左邊?群眾去右邊。 by 隨緣
    這幾天,立法會有集會,指希望收集民氣,說要「阻止立法會修改議事規則」。民眾好像不太出來,由第一天的幾十人,第二天在場群眾說「真係連警察都仲多過我地」,然後到最近一次好像有千多人了。是不是很多人呢?…
  • 一餐飯的兩性攻防戰 by 窮家有道——窮一生
    當一個男人觀察一個女人係唔係認真既對象,多數係食飯就會開始觀察。打扮、談吐、興趣、價值觀。呢d野你點吹水都冇用,兩下就露底。愈有能力既男人,愈會介意你老奉唔俾錢。點解呀?因為食飯你都唔出錢,同你生活就更加唔駛旨意你會付出,唔一定係錢,而係你…
  • 愈漂亮的女孩,愈會懂得使用眼神。 by 鵝鑾鼻燈塔
    若果年紀輕輕,已經眼波流轉,妙目傳情,有教人無法直視之感的話,十多年後,功力大進,更加是乖乖不得了。屆時不用再多說話,光一個眼神,整個場面登時會給她的氣場壓了下來。箇中,有後天努力,但天生亦不可或缺,旁人羨慕不來。當然可以去飛韓國一趟,但始…
歡迎讚好我們的facebook page,免費資訊源源送上。