分左手都唔還錢,真係好難睇

 

分左手之後,就緊係清理爛數目嘅時候。我已經唔再係你邊個,咁緊係收左數先。一間走數咪大獲。咁計完好條數發覺得佢都係差我二千幾三千蚊,已經冇計果張送比佢嘅700蚊迪士尼全年証,當自己ON99以為可以頂到一年陪我去好多次。點知張全年証最後我都係去左兩次,一次同佢,一次同之後果個男朋友仔—J先生。我緊係唔係一分手就講錢,我都好似講左一次佢話依家唔夠錢之後先還咁。

其實佢一路都番好少工,咁果陣時見佢咁唔夠錢洗咪話你過幾個月之後先比我啦。佢仲話好呀。過左唔夠十幾日,佢已經識左個新仔仔出緊街HAPPY仔了,大約都知道佢鐘意左個DESIGN仔仔,因為唔知點解佢DSE完左之後,就突然注重左打扮,之前都唔會著得好誇張,都係平時男仔打扮,有時因為打波仲會著波褲出街,勁可愛,但係比我成日笑佢傻仔。

之後10月開始已經好奇怪,成個人變到有型左,著得FASHION左。仲成日捉我出街買衫仔,記得有次去TOPMAN SALE 佢買左成二千蚊野咁濟,果陣時我都即刻西面,因為知佢唔會有錢找卡數,叫佢唔好買咁多。已經心諗唉月尾又要留筆錢比佢找了,我買就緊係冇問題,我自己知道自己洗左幾多,識理財係唔會透支的,佢就岩岩有張信用卡,佢下下都諗住下次出人工就還,但還哂又冇錢洗,最後又要問我拎。

之後一路啲朋友都會話我知佢變成點,佢好似冇再讀個ASSO,轉左去讀設計,個人變到勁誇張,不過近豬者赤好正常啦。

每一個男朋友我都會大概評估下佢嘅性格,呢個男仔好容易受人影響,冇咩主見,冇咩自己規劃人生。咁都正常嘅,邊有後生仔唔隨波遂流,只不過佢係更加易咁解。佢份人都幾要面,要面得黎係會誇張果隻,會講大話果隻,有啲似我初戀,總係有啲自卑出黎嘅自大,我又唔會話佢地扮哂野,至不過係個人未夠真姐。係我面前咪最真,係人地面前咪唔係。我好唔鐘意呢類人,但係邊個叫我鐘意左佢呀。

大家都知借左出去嘅錢就好似潑左出去嘅水一樣,好難收得番。你捐錢比人都話有句多謝,你借錢比佢渡難關,你估有冇一句多謝?係冇。仲要屌番你轉頭。果時我月頭問佢有冇錢還呀,佢就藍TICK我,過幾日又話月尾出糧還啦。好啦咁等到月尾,佢就話過幾日,好啦咁過幾日,見佢過幾日都唔搵我,我咪嬲開佢拖,佢就屌我番我轉頭,仲話:『當初我冇叫你借比我架。』…..?(黑人問號——…..發生緊咩事……係咪世界變左?果時你趕住救命果陣,笑笑口攬住我話唔該BB,依家反轉完豬肚就話:『我果時拎住枝槍逼你借架?』…..?(黑人問號——咁我自己講野都好難聽嘅,覺得自己連一句多謝都冇句仲要比人咁鬧,最後佢講左句:『真係好後悔初初唔同你一早分手。』好啦咁都講到出口,我冇野講了。

最後佢都有還比我,至不過,分手分得難睇左姐。

 

 

關於作者:歷史系小賤貨的日常

歷史系小賤貨的日常
筆者集GAY佬、賤貨、劣筆、廢青於一身。如文章有害,概不負責。

則留言

閱讀後覺得好,請多多讚好及分享~:)

其他熱門文章

  • 中學時,唔准我拍拖;工作後,唔准我單身。你到底想點呀? by 高教授
    「Ranee,琴日放學個時我見到你同隔離班個個阿 Sam 拖住手喎,你點解釋呀」解釋?與男同學拖個手都要解釋?要不要好像參觀完博物館之後那樣寫個五百字的感想,描述自己在過程裡學到的知識和深刻的體會呢?「你無說話好講啦嘛?好,我同你家長講」…
  • 人失敗到盡頭總要學會打飛機 by 田小姐
    我呢位朋友,大學畢業五年,一個月前搵到一份寫字樓工,月入唔夠一萬。早幾日成班朋友約出黎食飯,呢位朋友就話佢想辭職唔做,自己搞生意。我心諗,搞生意?你連自己嘅生活都未搞得掂喎!於是我就問佢:「你份工好哋哋做咩唔做呀?」佢「唉」左一聲,話:「我…
  • 【塔羅個案】個客自我介紹:「我覺得我係一個情場殺手」 by 神婆
    Lilian今年三十幾歲啦,佢都好直接咁同我承認「自己都唔細,唔係𡃁妹仔」,想知道自己黎緊一年到底會唔會遇到好姻緣,再順手問埋工作情況咁樣。我一路洗牌,一路循例問下Lilian嘅背景。「妳做邊行架?」「我本身做PR嘅,不過⋯⋯」Lilian…
  • 「我想結婚之後先搞,有錯咩?」 by 樂人
    點會有錯呢,我覺得堅持係好事,o岩架,千其唔好俾佢得手添呀,唔係好快趙完鬆!VV,你要醒水!呢啲咁嘅臭男人,我仲見得少咩!…
  • 周庭英文叻但冇品 by Terence Yun
    重點是取笑所謂人家的不足,是無品的。英文叻係咪一定好威呢?香港人還停留係黃子華楝篤笑當中英文叻是世界第一的境界,英文好就高人一等。所以為何食洋腸、ABC以及這麼多人要做偽ABC就是這個理由。…
歡迎讚好我們的facebook page,免費資訊源源送上。