當你女友迫你砌份「未來proposal」

 

話說有位老友A君,拍拖四年,和女友亦鬧交鬧足四年。一班兄弟相聚打通宵麻雀,通常東圈未過便見他電話狂震,A君走入房「扮死狗」後回來一定怒劈一句:「X!又M到!」大家已見怪不怪。

某晚酒聚,我忍不住問:「有無諗過佢岩唔岩?」

「我係想同佢結婚㗎。」A君大嘆一口氣。事緣兩人相識於十八廿二,女方斯斯文文,外表性格都深得他歡心,唯獨鬧交時非常難頂,駁她一句,女方半秒內即連珠炮發,將老友擊至死無全屍。A君平時不愛嚼字,吵架時只消化到「女友正在咆哮」,或者知道「有一堆堆Whatsapp msg send緊過來」,比控方律師質問至口啞啞,最後當然只得認罪。如是者,現在他女友講得最多的,就是:「你根本唔明」。

「係,我真係唔明,佢個腦黐線㗎?咩都記得。」又喝啖酒。「放工已經好攰,輕輕鬆鬆咪好,又迫我講前途,講planning,講佢阿媽點嫌我,或者話我來來去去都係行街、食飯,對佢無哂熱情。」

聽他訴苦,似曾相識,似乎女人到廿五這個「壯年危機」,便會想男人砌份「未來proposal」,標明自己何時升職、結婚、買樓,繼而有成有就。

A君的痛苦我由何嘗不明白……兩年前,我和女友也因此徘徊分手邊緣,當時盡地一鋪諗計箍煲,最後經讀心理學的同事介紹帶她玩黑暗中對話體驗館個情侶plan,想趁她怕得心跳加速時振振夫綱。

想不到甫進入體驗館,女友就馬上捉住我的手臂,頭也埋到我的背後,她的不安感完全由她身上傳了過來,讓我也覺得有點驚訝,雖然一直有導遊講解和帶領體驗,我也多次勸說其實不用怕啊,很多人在啊之類,她依然表現很非常緊張,直至離開體驗館的一刻。

「我覺得真係好驚啊,咁大個女都未試過好努力睇,但依然完全睇唔到嘢。」事後她在餐廳跟我說的。

頓時我領悟到了:如何給女人安全感,和令她知道你了解她。一個覺得你不了解她的女人,就是在黑暗中對話中那個焦急又迷茫的女人。又或者說,女人這種生物,和天文台下的眾生一拎樣:我們嚴格要求天文台準確預測颱風走向(甚至,準確地在返工前掛上八號波)同樣地,女人會期望男人講得出「颱風」走向:知道她生氣了、知道今次自己衰邊瓣,繼而解釋到自己為何沒有為女友帶來安全感。

拍拖活動變成習慣,她怕感情變淡;男友不思長進,她怕未來無依靠。這些想法若由你主動提出,情況便會180度改變,就像明知她怕黑,就搶先在黑暗中抱她入懷、說:「我響到」,讓她發現,你了解她的不安。

「我知你擔心我之後條路,其實我都諗緊點行,俾啲時間我!」

默默承受,絕對沒有話事權。多主動分享自己的計劃,女友才會記得自己被人關心,對未來少一點憂慮。

 

關於作者:卒之

一名偏執的無名廢青

則留言

閱讀後覺得好,請多多讚好及分享~:)

其他熱門文章

  • 新同事,唔識記住要問人呀! by 扮工室の膠秘s
    花生友:「喂新同事,你個email_id係咩啊?經理叫我send_email要cc你。」新同事:「無啊。」…
  • 真正既朋友係咁樣寫Postcard既.. by 港女友
    寄卡畀我既係中學既好朋友,而我印象中佢都唔係第一次令我發笑,有次寫左「朋友我當您一世朋友」,有次佢去左澳洲寄左張佢攬住樹熊既鋪卡畀我,我指係真係有佢個樣係鋪卡上面!我媽第一時間問:呢個人係您朋友呀?係。我諗澳洲同香港既郵差應該都想問我...…
  • 不懂得愛,不懂得我,別親我 by 焦總的蕉很腫
    有晚送佢返屋企個陣,佢拉左我去後樓梯,過程大家都好投入好激烈,第一次有人對我講老公我愛你,第一次有人對我講好鍾意我插係佢入面,第一次有人問我感唔感覺到我同佢合二為一。 …
  • 馮盈盈都叫唔造作,咁麥美恩叫咩? by 小盛女
    無可否認,人靚真的比較多著數,至少兵都可以收多一點,發姣都可以稱為不造作、率真。說句公道說話,盈盈都算靚,雖然比她有氣質/靚的藝人也大有人在,例如李佳芯、黃心穎等,但盈盈都叫做比上不足,比下有餘。靚也分很多種,清純的、詩文的、誘人的、可愛的…
  • 校友會上的野獸與餓狼 by 單字晴
    為什麼我會想起《美女與野獸》?因為我眼前確實有一些野獸,可惜伴隨野獸的不是貝兒,而是一隻隻餓狼。三大畢業的男生,即使沒有城堡,也有一隻「三斤釘的小船」,襯得起貝兒有餘。但「三高」中女卻不是清純的美人兒。所謂女人三十如狼,四十如虎,餓狼們遇上…
歡迎讚好我們的facebook page,免費資訊源源送上。