教育局你班仆街,去外國考察左咩返黎?!——從芬蘭的教育制度講起

 

蔡若蓮喪子惹起了萬千風波,但別要忘記,自殺在香港已是常事,只是高官之子自殺就是故事、尋常百姓家自殺就是數字罷了。但,我們係咪就要與呢個吃人的社會妥協?一個個「學童被殺」,源於社會、制度的種種壓力,一切一切真的不可能改變?

近日看了一套紀錄片「美豬出城」,是我視為近年所觀的最有深度與反思的電影之一。「美豬出城」的導演米高摩亞,曾以《華氏9/11》奪得康城影展最高榮譽金棕櫚獎,風格詼諧戲謔、辛辣諷刺。電影講述導演奉命帶著一支美國國旗「侵略」世界,「劫走」歐美國家的「好政策」,詼諧之餘更讓人反思自身社會的種種。其中,他去到芬蘭,世上提供最優秀的教育之一的地方去取經。在教育這一環節,導演率先搵佢地的教育部長,「劫走」佢地點解可以培養到世界第一優秀學生的秘密——原來

 

1. 唔使做功課

原來,芬蘭的學生是唔使做功課的,甚至大專生的功課,每日也最多只用10分鐘做!當導演問,「咁佢地放學做咩?」,相關人士是話:「去玩啦、爬樹啦、聽歌啦、陪家人啦、享受生活啦、hea啦…」

點解?因為咁先是應有既童年呀!就是要出下大自然、探索有趣的事物、同朋友相處呀頂!唔係補習中英數學三種語言做功課三個鐘學游水健身芭蕾舞非洲鼓打太極呀!

事實上,芬蘭的學生一般都懂得三至四種語言;唔使催谷,唔使專登學,因為整個氛圍就是:學習就是很開心很愉快的呀!於是大家都勇於發掘事物中有趣的地方,呢個就是學習呀!

 

2. 無基準試

而當導演問芬蘭的受訪老師,「咁你覺得美國最應該取消咩?」,幾乎全部人都答:「取消基準試呀唔該!」原因是,當你出現基準試,就代表有D人過唔到水平、而大家只能夠Drive to 呢個水平,但事實是達到呢個水平,只代表你識答考試問題而唔係去到呢個水平呀!而且,考試代表有一大班人唔達標,而為左令呢班人達標,一大堆商人先可以營商、然後從中獲利!

另外,由於要用大量時間預備基準試,我們唯有cut走音樂、視藝、體育、公民課…因為呢D野起個考試當中,根本唔撚重要,所以咪cut哂囉!咁人生仲有咩樂趣呀?!

 

3. 無私立學校制

談到「揀邊間學校」的問題,導演也疑惑,「下?咁家長點知邊間學校好?」教育部長就話:「你屋企樓下果間咪係你最好既學校囉!」原來在芬蘭,私立學校是犯法的,我話知你是李家誠個仔,都係照入公立學校。於是,有錢的家長們也只好一定要保證每間學校都是好學校。咁做除左免除精英制問題,孩子在成長中也更明白到,自己並沒有特權可言,以致佢大個左,亦不會欺負貧窮的人。

講到尾,呢個老師講出左咩是教育:

教育就是讓學生尋找知識的場所!唔係操練、唔係考試呀!唔係用黎分Winner/Loser呀!我地是要讓學生快樂地尋找知識呀!!

 

教育局你班仆街,去外國考察左咩返黎?!點解我未聽過你地有呢D得著既?你唔好話咩「已經減少操練呀!」我地是唔要操練呀頂!

我不是認為, 把外國的一套套落香港就等如解決所有問題。但是,很明顯現時香港的教育就很有問題!咁大家又可唔可以試下,創造一個無功課/無基準試/無私立學校的香港?無呀,就是因為你地班高官一個個少做少錯、唔做唔錯、尸位素餐、甚至做中共喉舌,根本就唔係為香港好!香港的沉淪,是因為你們只想到你自己!自殺學童們的孽血,都在你們的污手中!我唔認同貼大字報的人所做,但我也實在怪責唔落手,因為,你地先是泯滅人性的仆街呀!

 

關於作者:殷琦

殷琦
港大表達藝術治療碩士生、教院音樂教育碩士、港大主修中文中史。一舊蕃薯般的孤獨文青。做YouTuber、專欄作家(稿費...)、鋼琴老師、合唱團、作曲卻不懂用電腦編曲。總活在迷霧之中,怨氣太多,希望太少;與你和我一樣,在小小的香港同受壓抑、同唱悲歌、每天僅為生活掙扎求存。興趣在表達藝術治療、哲學、心理學、生活、音樂、藝術、政治、宗教等。小妹專頁:https://www.facebook.com/pages/YanKi/1002326119779241

則留言

閱讀後覺得好,請多多讚好及分享~:)

其他熱門文章

  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 【朋友之道】點解我要你還番手袋俾我都要受你阿媽氣? by Anita M. Mok
    有個「朋友」黎到我屋企,好鐘意我D手袋。 問我可唔可以借俾佢,我借左3個俾佢用。用左半年至9個月,我叫佢還。佢好surprised,問我點解要還?! …
  • 點解班後生咁唔鍾意老一輩?因為廢中廢老其身不正。 by 清風
    搵工或者出嚟做臨時工時,成日都會見到啲其實真係冇咩料嘅老頂成日吹水吹到天花龍鳳,但永遠就唔會落手落腳淨係識尸位素餐,衰左就射波俾死貓人食;日光日白見人個時將「後生仔冇道德急功近利」掛喺嘴邊做衛道之士,但轉個頭夜黑飲左兩杯就大言不慚向人提出性…
  • 只知死亡花,不知彼岸花浪漫的香港人 by Sunshine
    相傳彼岸花係有段故的,有一對妖精,一個叫蔓茱,一個叫沙華;一個係花妖,一個係花仙,佢哋負責彼岸嘅開花,因為呢種花開花不見葉,開葉不見花,所以呢對妖精從來都不會相見。…
  • 廢青港大生被踢出校營商做生意 by Terence Yun
    近期有一個較新穎的是《雙商》,節目主要是講述一些年輕情侶如何營商做生意,把他們的經歷以故事敘述模式以及實況訪問拍攝,當中看倆人關係,存在何種的人生觀及其價值觀。最近一集是講述一對情侶如何由興趣變成生意,男主角原本在香港大學唸書但因為成績不佳…
歡迎讚好我們的facebook page,免費資訊源源送上。