iPhone 中文輸入法,聯想詞簡直去到黐線嘅地埗

 

用電話打字,輸入法好緊要。如果個輸入法估到你想打乜,應該可以慳返唔少時間。幾年前轉用 iPhone 之後,我覺得用電話打字快咗,爽咗,當時冇細心諗,其實應該係 iPhone 配詞做得好所以先會快咗。iPhone 嘅配詞有幾癲呢?我第一次留意到係打咗一個人名:曾焯文後面居然有配詞博士!

 

 

我心諗,嘩連香港嘅網民都喺配詞入面,噉其他詞語嘅狀況係點呢?首先試一試《靜夜思》先

「床前明…」會出「月光」
「疑是地…」會出「上霜」

 

呢啲小兒科啦。

唐詩有,粵語嘅歇後語又點呢?試一試歇後語成日出現嘅「阿崩」先。

(阿崩即係崩口嘅人,而家應該會叫兔唇。)

 

 

可惜阿崩唔識叫狗 …

人名又點呢?首先我試「劉德華」。如果有配詞,我打「劉」、「德」之後,應該會有華。可惜係冇嘅。跟住我再試「梁朝偉」「容祖兒」「陳奕迅」「薛海琪」都冇。老牌啲嘅「泰迪羅賓」都冇。

 

連 泰迪羅賓 都冇

 

噉我又諗,會唔會台灣嘅就得呢?於是我打「周杰」……結果係冇「倫」。

 

 

不過呢,國家名用台灣譯法又得㗎喎。好似我打「獅子山」會出「共和國」,但係「塞拉里昂」就唔得。

又會唔會係歌星嘅影響力太細呢?於是我打「李國」睇下佢出咩。配詞度係出咗「能」。自己打埋個「章」字,佢出咗「辭任」。「李國章」嘅配詞係「辭任」。好。

我都係唔甘心,再試下人名。網上搜尋最高嘅人名應該係日本嘅動作片女優。我試一試「川島和…」「麻美由…」「成瀨心…」都出到後面嘅字俾我。

 

 

噉試下國民偶像先。

 

 

居然連「山口百惠」都唔喺配詞入面。

我再試下一啲再出名啲嘅國民偶像。於是我打「三上悠⋯」

 

 

都係冇合適嘅配詞嘅 😢

但係打佢嘅真名呢?居然就出到嚟……

 

 

居然藝名冇,但係真名就有!

 

 

iPhone 個輸入法啲語料究竟邊度嚟,點樣整合,我真係摸唔透呀~

不過粵語嘅元素仲有好大進步空間。有心的話,應該可以整到一個更加啱香港人用嘅輸入法㗎。

 

關於作者:擇言

擇言

有廣東話相關嘅問題隨便搵我。
個人FB: 擇言

每個禮拜有15分鐘嘅話歡迎你加入粵典編輯組。
words.hk計劃: http://words.hkFacebook專頁

則留言

閱讀後覺得好,請多多讚好及分享~:)

其他熱門文章

  • 新同事,唔識記住要問人呀! by 扮工室の膠秘s
    花生友:「喂新同事,你個email_id係咩啊?經理叫我send_email要cc你。」新同事:「無啊。」…
  • 真正既朋友係咁樣寫Postcard既.. by 港女友
    寄卡畀我既係中學既好朋友,而我印象中佢都唔係第一次令我發笑,有次寫左「朋友我當您一世朋友」,有次佢去左澳洲寄左張佢攬住樹熊既鋪卡畀我,我指係真係有佢個樣係鋪卡上面!我媽第一時間問:呢個人係您朋友呀?係。我諗澳洲同香港既郵差應該都想問我...…
  • 不懂得愛,不懂得我,別親我 by 焦總的蕉很腫
    有晚送佢返屋企個陣,佢拉左我去後樓梯,過程大家都好投入好激烈,第一次有人對我講老公我愛你,第一次有人對我講好鍾意我插係佢入面,第一次有人問我感唔感覺到我同佢合二為一。 …
  • 馮盈盈都叫唔造作,咁麥美恩叫咩? by 小盛女
    無可否認,人靚真的比較多著數,至少兵都可以收多一點,發姣都可以稱為不造作、率真。說句公道說話,盈盈都算靚,雖然比她有氣質/靚的藝人也大有人在,例如李佳芯、黃心穎等,但盈盈都叫做比上不足,比下有餘。靚也分很多種,清純的、詩文的、誘人的、可愛的…
  • 校友會上的野獸與餓狼 by 單字晴
    為什麼我會想起《美女與野獸》?因為我眼前確實有一些野獸,可惜伴隨野獸的不是貝兒,而是一隻隻餓狼。三大畢業的男生,即使沒有城堡,也有一隻「三斤釘的小船」,襯得起貝兒有餘。但「三高」中女卻不是清純的美人兒。所謂女人三十如狼,四十如虎,餓狼們遇上…
歡迎讚好我們的facebook page,免費資訊源源送上。