令人懼怕嘅前度

 

我諗女人最怕嘅其中一種生物唔係曱甴,而係前度。

身邊嘅佢對自己非常好,事無大小樣樣關心照顧。事業小有成,思想成熟,孝順埋你父母。偏偏,佢有一個愛到曾經想娶對方嘅前度。

相信大部分港女對新奇又有趣嘅事物都非常有興趣,於是乎你叫佢陪你去,佢問翻你有咩特別。佢用另一個方法話你知佢冇興趣。

有一日佢咁岩放低手機行開一陣,咁岩有個女仔whatsapp佢閒話家常,又咁岩俾你睇到。

咦,係前度。

你好緊張,開始尋找所有佢仲愛前度嘅蛛絲馬跡。你發現原來所有佢同自己講冇興趣嘅事情都同前度做過;所有你地去過嘅餐廳、地方,前度都同佢去過;所有你以為只係屬於你兩個人嘅回憶已經有前度搶先留低咗⋯

當佢消失咗一晚嘅時候;當你望到佢send紅色心心俾其他女仔嘅時候;當佢已讀不回你嘅時候;當佢驚俾朋友見到你地一齊嘅時候⋯

你傷心欲絕。當自己世界一塌糊塗嘅時候,佢為你人生帶來一線光。自己終於有翻小小動力去好好做人,唔係要做大事,而係想好好咁留係佢身邊。你以為終於揾到一個依靠。你好想放棄,但係你唔捨得。

所以你同自己講你其實冇想像中咁喜歡佢,你只係怕揾唔到個更加好嘅人。所以你對佢加倍地好,等佢內疚而唔敢走。你每一分每一秒都同自己講過得一日得一日,唔好太受佢影響,唔好太愛佢,做好隨時放手嘅心理準備。。。

似曾相識嘅故事套路,每一日都係到重覆發生。你不停鑽牛角尖,對自己愈來愈冇自信,愈來愈多疑。慢慢,你愈來愈感受唔到佢對你嘅愛,成日質疑佢,甚至亂發脾氣。

不如你試下掉返轉諗,佢話佢冇興趣唔等於佢唔想陪你去,而係佢係你面前可以放心做自己,佢唔怕你會因為佢唔同你去睇一個展覽而會離開佢,佢可以係你面前表露佢最真實嘅一面。

佢帶你去食同人地食過嘅嘢,係因為佢真心喜歡個味道,而唔係要去懷緬啲乜嘢。問心個句,你又有幾多習慣係源自自己嘅前度?

最重要嘅係,呢一刻係佢身邊嘅人係你。

再諗深一層,如果冇呢個前度,你未必會遇到佢。就算相遇,亦可能因為佢未曾深愛過而唔識同你相處,甚至唔識珍惜你,成為彼此生命中嘅過客。

當然,我唔係叫你去多謝個前度。只係人地已經係過去式,就算當初有幾深愛都好,佢地咪又係分咗手。依家佢係係你身邊,與其終日疑神疑鬼,不如花多啲心思去感受對方嘅愛,好好珍惜對方。

否則,你好容易就會成為令人地懼怕嘅前度。

 

關於作者:珠蟹

平凡兼無深度90後mk妹,積極尋找人生意義中。希望透過分享自己想法,一齊思考人生。https://crabslife.wordpress.com/

則留言

閱讀後覺得好,請多多讚好及分享~:)

其他熱門文章

  • 新同事,唔識記住要問人呀! by 扮工室の膠秘s
    花生友:「喂新同事,你個email_id係咩啊?經理叫我send_email要cc你。」新同事:「無啊。」…
  • 真正既朋友係咁樣寫Postcard既.. by 港女友
    寄卡畀我既係中學既好朋友,而我印象中佢都唔係第一次令我發笑,有次寫左「朋友我當您一世朋友」,有次佢去左澳洲寄左張佢攬住樹熊既鋪卡畀我,我指係真係有佢個樣係鋪卡上面!我媽第一時間問:呢個人係您朋友呀?係。我諗澳洲同香港既郵差應該都想問我...…
  • 不懂得愛,不懂得我,別親我 by 焦總的蕉很腫
    有晚送佢返屋企個陣,佢拉左我去後樓梯,過程大家都好投入好激烈,第一次有人對我講老公我愛你,第一次有人對我講好鍾意我插係佢入面,第一次有人問我感唔感覺到我同佢合二為一。 …
  • 馮盈盈都叫唔造作,咁麥美恩叫咩? by 小盛女
    無可否認,人靚真的比較多著數,至少兵都可以收多一點,發姣都可以稱為不造作、率真。說句公道說話,盈盈都算靚,雖然比她有氣質/靚的藝人也大有人在,例如李佳芯、黃心穎等,但盈盈都叫做比上不足,比下有餘。靚也分很多種,清純的、詩文的、誘人的、可愛的…
  • 校友會上的野獸與餓狼 by 單字晴
    為什麼我會想起《美女與野獸》?因為我眼前確實有一些野獸,可惜伴隨野獸的不是貝兒,而是一隻隻餓狼。三大畢業的男生,即使沒有城堡,也有一隻「三斤釘的小船」,襯得起貝兒有餘。但「三高」中女卻不是清純的美人兒。所謂女人三十如狼,四十如虎,餓狼們遇上…
歡迎讚好我們的facebook page,免費資訊源源送上。