其實咁樣就想做獸父係唔work 架

 

Old news is so exciting. 呢張CAP圖不論真假有無後天加工,大家都好熟悉啦。但係其實再細心一睇,除左長短反映出厚此薄彼之外,仲睇到乜?

留意對組仔既msg 大意:明天二時跳舞,有問題再覆我。呢個明顯係一個書面語既寫法黎。好喇,就算仆擇唔撲出黎講,依家普遍既概念仍然覺得廣東話口語入文既其中一樣野就係難登大雅之堂,唔夠formal 喇。所以潛意識想製造距離,表達大家有主客/主次語氣,甚至只係如同實用文咁頒下公文、通知,就會不知不覺中覺得好似用書面語感覺上會好D。但又係唔係一定呢?其實如果假設出自同一個豆腐爸爸手筆,寫「聽日兩點跳舞,你有問題再問啦」,甚至一句「係咁」車埋去,我覺得個冷漠之感,一樣係度。

呢個就係所謂既語感問題。睇番對組女既msg,長篇大論,用晒廣東話同埋smiley,一睇就好似已經有賓至如歸既感覺。而更加有趣既係呢篇廣東話書信,竟然有書面一樣既上下款,真係詭異之極;而豆腐爸爸作為長輩,竟然最後用個「上」字黎收結。呢個「上」字真係委身自己委得好緊要,如果用埋「頓首」就更顯得對當兵入伍表達濃厚既興趣。定係根據佛洛依德心理分析9UP學說,已經反映緊佢潛意識想同阿Yuki 囡囡關係提昇去更高層次呢?不得而知。

認真講句,我係女仔我都唔buy 呢一套,尤其是第一句「唔好意思咁夜。。。」咁你又send,分明傲嬌啦。然後最後一段「有咩問題再找我啦,爸爸一定會幫我的乖女」竟然突然又由粵語書寫轉番做書面語,好明顯佢都係唔慣用廣東話入文。如果仆擇早D出黎普渡眾生,咪唔會搞成咁囉。其實想做鬼父都係人情之常,但寫開廣東話就要努力寫埋其他,咁先得架!

 

關於作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

則留言

閱讀後覺得好,請多多讚好及分享~:)

其他熱門文章

  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 【朋友之道】點解我要你還番手袋俾我都要受你阿媽氣? by Anita M. Mok
    有個「朋友」黎到我屋企,好鐘意我D手袋。 問我可唔可以借俾佢,我借左3個俾佢用。用左半年至9個月,我叫佢還。佢好surprised,問我點解要還?! …
  • 點解班後生咁唔鍾意老一輩?因為廢中廢老其身不正。 by 清風
    搵工或者出嚟做臨時工時,成日都會見到啲其實真係冇咩料嘅老頂成日吹水吹到天花龍鳳,但永遠就唔會落手落腳淨係識尸位素餐,衰左就射波俾死貓人食;日光日白見人個時將「後生仔冇道德急功近利」掛喺嘴邊做衛道之士,但轉個頭夜黑飲左兩杯就大言不慚向人提出性…
  • 只知死亡花,不知彼岸花浪漫的香港人 by Sunshine
    相傳彼岸花係有段故的,有一對妖精,一個叫蔓茱,一個叫沙華;一個係花妖,一個係花仙,佢哋負責彼岸嘅開花,因為呢種花開花不見葉,開葉不見花,所以呢對妖精從來都不會相見。…
  • 廢青港大生被踢出校營商做生意 by Terence Yun
    近期有一個較新穎的是《雙商》,節目主要是講述一些年輕情侶如何營商做生意,把他們的經歷以故事敘述模式以及實況訪問拍攝,當中看倆人關係,存在何種的人生觀及其價值觀。最近一集是講述一對情侶如何由興趣變成生意,男主角原本在香港大學唸書但因為成績不佳…
歡迎讚好我們的facebook page,免費資訊源源送上。