2021年,Apple喺天橋底搞咗個發佈會。

 

時間:2021
人物:喬布甸與記者
地點:天橋底

 

「估唔到呢個天橋底咁靚。」我同隔離個女記者講。

「係喎,仲靚過會展。係熱咗少少啫。」女記者回應。

「Ladies and gentlemen,歡迎黎到iPhone XDD發佈會,快d搵個位座,發佈會就黎開始。」

記者們好快坐好。係,係有d熱。

「大家好,歡迎黎到iPhone XDD發佈會,今年Apple喺全球都會有發佈會,我喺香港區代表,喬布甸。」

記者們都拍哂手。

「介紹番,今年iPhone 又多咗三個新功能。包括I- chat,I-dinner 同埋 I-home。」

全場騷動。

「I-chat 主要應用係幫助大家喺日常生活同其他人交談。香港人日理萬機,冇可能成日應機,有咗呢個function,以後有人打黎搵你,iphone內置嗰個robot都會自動幫你同你朋友傾,等佢又唔駛等,你又唔駛諗。」

我舉手:「咁我地點知個robot會同個fd講乜?」

「你地唔需要知,分分鐘你老友都係用robot同你傾,所以,有得佢地自己傾。」

我隔離個女記者:「吓,咁我地點connect with friends?」

「你地都唔需要connect,你只需要同個robot connect,入d 設定比佢,例如你呢排開心定唔開心,個robot就會用呢個mood去展現比其他人睇。」

呢個時候,我同女記者都聞到有陣怪怪地嘅味。
「有少少臭喎。」我同工作人員講。

「邊有?」工作人員大力呼吸。

「第二個功能:I-dinner。都係果句,香港人日理萬機,社會要進步,梗係要爭取時間做野,同人食飯太浪費時間啦。所以以後,大家唔駛就時間同人食飯啦!有咗I-dinner,你scan低自己嘅影像,你禁個制,你嘅影像就會出現喺你老友面前同埋你d聚會入面,d影像仲會同你老友吹水,搞gag,包你老友唔會悶親,係咪堅正先。」

我:「吓,咁食飯仲有咩意思?」

「吓?食飯不嬲冇意思,而且浪費哂大家時間,所以呢個function,又唔駛浪費大家時間,又唔駛比飯錢,咁正,你仲想點!?」

我呆Q咗。

「最後一個啦,I-home!可以話係本年度最大發明。香港地少人多,有樓都比人買哂啦係咪先,所以,有咗I-home,你就算訓天橋底,都可以用iphone投射成間豪宅嘅影像出黎,咁就人人有屋住,個個訓豪宅啦係咪先。」

我:「我通你個櫃!」我衝出座位,上台一記左勾拳直撃喬布甸。

「點解嘅!?」

我打多幾拳,都撲了空。

「儍仔,我係電腦generate出黎嘅影像旁黎架咋。之前咪教咗你 I-dinner個function囉!我地又點會叫個人生勾勾過黎香港呀。」

「吓!?」

「你睇下呢個場,咪就係 I-room 投射出黎架囉,係咪好真呢儍仔!」

「我要寫衰你!!」我又打咗兩下撲空嘅重拳。

「儍仔,你係咪儍架。」喬布甸嘅影像慢慢消失,所有工作人員都隨之消失。

番到出版社,我一肚氣打算打番篇報導去插番iPhone XDD一獲。

點知一個鐘後,老細攞咗篇新嘅新聞稿出黎:「儍J,你可以執包袱啦,apple啱啱send咗個新function比全球雜誌社,以後禁個制,呀唔係,冇哂制啦,以後眨下眼,嗰日嘅新聞就會自動generate出黎,拜拜啦。」

我頹然,望住新聞稿上嘅headline:「iphone科技又下一城,明年將首推 I-parent 同 I-son。」

 

============================

 

我地追求嘅「方便」,一時三刻係幫咗自己,但係過多兩年呢,當「方便」變成一個一發不可收拾嘅概念,仲係咪我地想要嘅野?

電話連制都冇埋,下一代好快會話:「吓,咩叫做制呀,電話有個制咪好怪lor?」

好多嘅天荒夜談逐一落實,方便變成生產商嘅生財工具。方便沒問題,但係有d野,完全唔方便得。同朋友食飯,同家人聊天,關係要時間建立同支持。

「記住自己最重要嘅野,唔好咁容易令佢比科技取代。」係黎緊幾年必須深思嘅課題。

 

 

關於作者:Jayford Wong

Jayford Wong

Jayford Wong,28歲,中文大學畢業,現職國際會計師樓。曾奪青年文學獎、中文文學創作獎及城市文學獎。其中於第三十七屆青年文學獎更是第一位連奪新詩高級組、散文高級組及小小說公開組獎項。小說《麪包超人》於2015年出版。小說《屋村拳王》於2016年出版。小說《大內侍衞》於2017年出版。https://www.facebook.com/jayford.wong

則留言

閱讀後覺得好,請多多讚好及分享~:)

其他熱門文章

  • 新同事,唔識記住要問人呀! by 扮工室の膠秘s
    花生友:「喂新同事,你個email_id係咩啊?經理叫我send_email要cc你。」新同事:「無啊。」…
  • 真正既朋友係咁樣寫Postcard既.. by 港女友
    寄卡畀我既係中學既好朋友,而我印象中佢都唔係第一次令我發笑,有次寫左「朋友我當您一世朋友」,有次佢去左澳洲寄左張佢攬住樹熊既鋪卡畀我,我指係真係有佢個樣係鋪卡上面!我媽第一時間問:呢個人係您朋友呀?係。我諗澳洲同香港既郵差應該都想問我...…
  • 不懂得愛,不懂得我,別親我 by 焦總的蕉很腫
    有晚送佢返屋企個陣,佢拉左我去後樓梯,過程大家都好投入好激烈,第一次有人對我講老公我愛你,第一次有人對我講好鍾意我插係佢入面,第一次有人問我感唔感覺到我同佢合二為一。 …
  • 馮盈盈都叫唔造作,咁麥美恩叫咩? by 小盛女
    無可否認,人靚真的比較多著數,至少兵都可以收多一點,發姣都可以稱為不造作、率真。說句公道說話,盈盈都算靚,雖然比她有氣質/靚的藝人也大有人在,例如李佳芯、黃心穎等,但盈盈都叫做比上不足,比下有餘。靚也分很多種,清純的、詩文的、誘人的、可愛的…
  • 校友會上的野獸與餓狼 by 單字晴
    為什麼我會想起《美女與野獸》?因為我眼前確實有一些野獸,可惜伴隨野獸的不是貝兒,而是一隻隻餓狼。三大畢業的男生,即使沒有城堡,也有一隻「三斤釘的小船」,襯得起貝兒有餘。但「三高」中女卻不是清純的美人兒。所謂女人三十如狼,四十如虎,餓狼們遇上…
歡迎讚好我們的facebook page,免費資訊源源送上。