即炒外傭原因可以有幾多款?最新原來係. . . . . .

FB某外傭群組截圖,唔知會唔會被人刪POST架)

 

香港人咁鍾意請外傭,咁請得外傭就一定有機會要炒外傭架啦,好多奇奇怪怪嘅炒外傭原因都聽過,煮嘢唔好食、太靚女勾引master 呢啲原因都好COMMON,原來而家有僱主又獻新猷——多暗瘡

 

CAP 圖中嘅僱主憂慮,外傭多暗瘡,唔想小朋友掂到佢,然後呢番說話搞到外傭唔高興,佢怕人搞佢個B 就要人即刻走,呢個連橫原因真係好詼諧。

其實暗瘡嘅成因好簡單,油脂分泌加上面上皮屑閉塞毛孔,缺氧細菌會喺毛囊滋生,嚴重就會引致免疫反應,發炎紅腫乃至流膿,咁就係暗瘡喇。

嗰啲細菌就成面都有的,但如果唔係喺毛孔閉塞嘅環境,空氣流通,佢就惡唔出啲咩,所以該僱主認為BB 掂到啲暗瘡會傳染定咩呢?我真係睇唔透。

至於用護膚品有無用?其實係無嘅。上面都講,暗瘡成因係毛孔閉塞,再搽嘢咪塞上塞?正確方法係多洗面多針清黑頭白頭,同埋少食煎炸辣野。

 

然後佢另一個顧慮,就係自己得罪左人之後,對方會對佢嗰B 做出啲咩,呢個我唔評論啦,可能佢平日都搞得人多,有咁嘅諗法好正常(好似係)。

Anyway,無論任何原因,按照勞工法例,任何僱傭關係都可以即時終止嘅,就算係合約訂明嘅通知期之外都得,但最緊要嘅就係,係喺員工有嚴重犯錯先可以即炒,而如果鬧到上勞資審裁處或更高級嘅司法機構,呢個「嚴重犯錯」嘅舉證責任,就係由僱主一方提出。

而如果唔係嚴重犯錯,咁咪補錢囉。外傭點算?訂機票+香港暫時住宿嘅酒店囉。下面都有網友答曬了:

 

 

關於作者:白木乩

白木乩
聽聞係總編分身,專用來出D 與總編身份不符既膠文

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。