【短篇連載】問君何所欲?我要搵人幫我Hand Job!(三)——「等陣,我未濕。」

 

我好尷尬,冇理由叫個陌生女仔幫我放尿㗎?唯有遲啲先放啦。

我叫返阿如入嚟,佢揞住個鼻,好似聞到臭味。

「你條J仲有冇尿㗎……」

我唔想解釋俾佢聽導尿係點,亦唔想講我連放尿都做唔到,唯有牽起嘴角,話:「我清潔咗,好乾淨㗎。」

佢半信半疑,坐返喺我床邊,將我細佬拎出嚟,開始磨擦,好舒服、好脹……佢摸兩摸咋,我就硬咗。

我意猶未盡,但佢好快就停咗手,問:「你想我用口定用西?」

我以為淨係得打飛機,點知原來仲有其他服務。

「可唔可以……兩樣都用……」

佢皺下眉,吸咗下鼻,自問自答:「咁用西啦。」

我點點頭,覺得自己咁多要求,真係過份咗。

佢除咗條底褲,拉起條裙,開始自摸。

「等陣,我未濕。」

我忽然感受到佢眼神入面,有一絲怪責。之前啲客仔肯定幫佢做足前戲,摸勻佢全身,佢又駛乜自己撻著自己?

我好矛盾,見住一個靚女喺我面前自摸,真係好過睇任何一套AV,但我又覺得自己好冇用,幫唔到佢……

佢一路合埋眼,一路好興奮咁叫,可能慣咗口,佢話:「大力啲!再快啲!呀!」

似乎夠濕喇,佢拎咗個套出嚟,屈起我條導尿管,幫我笠住細佬。點知戴套嗰刻嘅少少磨擦,竟然令我射咗!

「咦!」佢成手都係,好鄙視,「青頭仔都唔駛套都未戴好就射啩。」

廿幾年人連打飛機都未試過,一下子有異性咁大刺激……

我唔想解釋,越解釋就越顯得自己無能。我對自己好失望,好嬲!

射精嘅快感一啲鋪排都冇,好似叮一聲就去到IFC頂樓,嘭一聲就跌返落地底。一嘢爆發,轉眼就過。唔好講破處,佢甚至連用手磨我,都只係幾秒嘅事。

但佢已經收工Mode。佢洗完手,見我唔郁,就問:「我幫你抹喇?」

我覺得佢嘅眼神裡充滿同情,我最憎呢種目光,即刻擰轉面。

佢一邊幫我清潔,一邊講:「其實你都有你細佬三成咁靚仔呀,係唔好彩囉。係呢,你細佬幾時仲有需要呀?我好掛住佢呀。」

我冷冷咁答:「我唔知。」

佢清潔完,問:「係咪要煮埋嘢俾你食呀?你駛唔駛我餵你食㗎?」

其實佢啲語氣好平靜㗎,一啲歧視都冇,但我唔知自己痴咗邊條線,竟然發火:「我唔駛你施捨!」

佢呆咗,「吓?」

「你走得㗎喇!我唔駛隻雞餵我食飯!」

佢望咗我一眼,竟然笑出聲,「喂!係你細佬求我,我先好心幫下你咋喎。」

輪到我用返鄙視嘅目光望住佢,「你出嚟做,一買一賣有咩咁興香啫?」

佢走之前,仲拋低一句:「我哋都會揀下客仔㗎,你咪駛旨意有第二隻雞嚟幫你。」

「我唔駛你哋懶好心!」

我想著返條褲,右手出盡力,一下一下拉扯褲頭,條褲郁都唔郁,我好驚,好驚俾細佬同阿嫲見到我咁嘅樣……

 

(待續)

 


 

【問君何所欲?我要搵人幫我Hand Job!】

(一)——我半身不遂,青頭廿八歲

(二)——我終於摸到女人對. . . . . .

(三)——「等陣,我未濕。」

(四)——一場兄弟,不如我幫你?

 

關於作者:余該隱

余該隱
以小說、散文和歌詞,書寫世界的荒謬和美麗,書寫人生最想被看見和躲起來的時刻。

則留言

閱讀後覺得好,請多多讚好及分享~:)

其他熱門文章

  • 中學時,唔准我拍拖;工作後,唔准我單身。你到底想點呀? by 高教授
    「Ranee,琴日放學個時我見到你同隔離班個個阿 Sam 拖住手喎,你點解釋呀」解釋?與男同學拖個手都要解釋?要不要好像參觀完博物館之後那樣寫個五百字的感想,描述自己在過程裡學到的知識和深刻的體會呢?「你無說話好講啦嘛?好,我同你家長講」…
  • 人失敗到盡頭總要學會打飛機 by 田小姐
    我呢位朋友,大學畢業五年,一個月前搵到一份寫字樓工,月入唔夠一萬。早幾日成班朋友約出黎食飯,呢位朋友就話佢想辭職唔做,自己搞生意。我心諗,搞生意?你連自己嘅生活都未搞得掂喎!於是我就問佢:「你份工好哋哋做咩唔做呀?」佢「唉」左一聲,話:「我…
  • 【塔羅個案】個客自我介紹:「我覺得我係一個情場殺手」 by 神婆
    Lilian今年三十幾歲啦,佢都好直接咁同我承認「自己都唔細,唔係𡃁妹仔」,想知道自己黎緊一年到底會唔會遇到好姻緣,再順手問埋工作情況咁樣。我一路洗牌,一路循例問下Lilian嘅背景。「妳做邊行架?」「我本身做PR嘅,不過⋯⋯」Lilian…
  • 「我想結婚之後先搞,有錯咩?」 by 樂人
    點會有錯呢,我覺得堅持係好事,o岩架,千其唔好俾佢得手添呀,唔係好快趙完鬆!VV,你要醒水!呢啲咁嘅臭男人,我仲見得少咩!…
  • 周庭英文叻但冇品 by Terence Yun
    重點是取笑所謂人家的不足,是無品的。英文叻係咪一定好威呢?香港人還停留係黃子華楝篤笑當中英文叻是世界第一的境界,英文好就高人一等。所以為何食洋腸、ABC以及這麼多人要做偽ABC就是這個理由。…
歡迎讚好我們的facebook page,免費資訊源源送上。