相機食先等於識享受人生?

 

話說,有位朋友好鍾意食乜都舉機影相。大至幾千蚊一塊牛扒,小至一碟日日食嘅肉醬意粉佢都會影低。不過佢又唔係ig上面個啲foodie,亦都唔會放上網同人分享。我問咁點解你仲要乜都影一餐?

「做個紀錄姐,紀錄下自己食咗乜,又可以同重要嘅人分享。」

個下心都酸埋,因為我唔係成日收到佢嘅分享,咁原來我都唔係好重要姐,不過呢個唔係重點唔係呢到討論。

佢見我遲遲都唔舉機,就問我點解唔紀錄低自己嘅生活。「其實我比較喜歡用個腦去記,一樣嘢好唔好食用相片記唔到幾多。更何況我又唔係啲咩美食家,唔需要餐餐都影,值得影嘅我先會影。」點知佢居然話返我唔識欣賞生活細節,到老咗咩都唔記得就會後悔blablabla。

拿,我唔係所有嘢都相機食先同我唔欣賞生活細節係兩件事。打開我手機相簿其實都有好多生活照片,只係我唔會每一餐,係每一餐都影十張八張囉,咁樣真係好撚煩。例如我食個普通煲仔小菜,上枱熱辣辣即食一流,點知你舉機影下人地啲汁仲有氣泡出又要舀起一舊再影一輪之後放返低。到你影完,已經冇咁正,個種熱辣辣新鮮出爐嘅感動減半,仲要俾人話你唔識欣賞嫌三嫌四。屌你老味!我只係想靜靜地食餐飯,嘢食上枱就毫無負擔想食就食。影影影,影撚夠未呀?啲嘢凍晒喇唔好食喇!

講多兩講,佢又話點解我唔去做food blogger,影啲相又見得下人,對味道又有自己見解,佢有窿路可以幫我揾。

我真係心諗,唔係個撚個都鍾意咁大壓力嫁仆街。我以前幫某一個page(閒閒地出個post都近千like,唔算多但都應該唔少)做過一排寫手,一個星期至少交三篇文,做咗兩個幾月就冇再寫。真係好撚煩,食餐飯都要諗咁多嘢,又唔可以對個樣食物了解片面走去寫,淨係識好食好食人地不如去睇大台飲食節目。最撚搞笑係要有小小懶pro咁,好似好有深度咁啲人就會覺得你識食。well,其實真正識食個位叫google。

真係好撚慘,我冇餐餐相機食先就俾人覺得我唔識食唔識欣賞。師兄,你餐餐相機食先就好識欣賞好識食?唔好撚玩啦,真正識食嘅人冇撚咗部相機都唔會忘記食物味道香氣帶俾佢嘅感動。

你唔影會唔記得?咁不如你諗下你有冇真係用心欣賞享受人地整出嚟嘅嘢啦,相片只係輔助,真係值得記低嘅話忘記咗影都會記得。唔記得,會唔會係個樣嘢真係無乜特別呢?接受啦,人生總有時刻係平平無奇,無乜嘢值得紀錄。我唔當面judge你唔該你都收下把口啦仆街仔。

 

關於作者:珠蟹

珠蟹
平凡兼無深度90後mk妹,積極尋找人生意義中。希望透過分享自己想法,一齊思考人生。https://crabslife.wordpress.com/instagram: pearl_crab

則留言

閱讀後覺得好,請多多讚好及分享~:)

其他熱門文章

  • 港島人同九龍人,有鬼分別咩! by 小李子
    筆者係地道九龍人,由細到大讀書做嘢都係九龍區,冇乜必要好少喺港島區留連。 但自從上個月搬咗去上環做嘢,我就發覺港島人真係零舍唔同,係零舍串呀! 行去中環食lunch,個個西裝友都好似特別白鴿眼咁, 連翠華個阿姐都特別惡! 但我到最近機緣巧合…
  • 我可以肯定,大部分人並不適合一個人旅行。 by 達米安
    獨自一人在舉目無親的地方會令人變得緊張,因為無論遇上甚麼難題,發生了甚麼意外,都不會像在家鄉一樣有家人朋友的支援,也沒有了對公共系統的熟悉,所有後果都得自己承受。更甚者,當在語言不通的地方時,連如何向路人求助,都可以是一個難題。只要不是太缺…
  • 【塔羅個案】基督徒黎開牌問:「我個仔契比黃大仙好唔好?」 by 神婆
    「我想問下個仔契比黃大仙好無呀,」Angela個樣好認真,「會唔會以後條路易行啲?」…
  • 【偽影評】 《棟篤特工》:電影的隱喻? by 馮志豪
    作為大學主修哲學的子華神,不少演出都是借故事諷時事,甚至有時直接觸及政治神經,例如他在楝篤笑中曾經說過 : 「知唔知一國兩制最偉大地方係乜?就係肯承認佢自己個制真係嚇親人!」和「全港市民熱烈慶祝『收返』!」等,令中在笑中帶來一點思考。…
  • 25歲以後 by 小盛女
    當我永世做Marketing,由assistant升到officer再升到senior又甚或是咁好彩升到manager,人工都可能只有2、3萬,日日做到隻狗咁,到頭來首期都儲唔到,真係諗起都一額汗,最後我想了十萬九千次,只有兩個辦法可以解決…
歡迎讚好我們的facebook page,免費資訊源源送上。