補助交通費聽落幾好,實則仲衰過派錢

 

政府新聞網圖片

 

正如我個標題話齋,今次呢個補助交通費計劃係一個好差嘅政策。當然你會問,究竟我點解會咁講?冇錯,好多政府都會補助公共交通機構去減低車費。但係我哋睇一個政策一定首先睇佢嘅目的,如果目的係鼓勵市民減少用私家車,轉用公共交通工具嘅話,當然補助交通費從而增加搭客係好合理嘅事。之不過,今次呢個計劃係咪又係同樣目的?目的當然係等啲要搭長途車嘅市民唔洗俾噉多交通費,減輕佢哋嘅負擔。聽落好似幾好,實則好似同派錢差唔多,只不過個對象由所有香港人變做有八達通而且經常要搭公共交通工具嘅人。當然,一個政策出咗嚟,梗有好有壞架啦。以下當然就講吓有咩好同壞,同埋啲錢我認為使喺邊度更加好。

如果唔係香港嘅情況咁特殊,補助交通費係會比派錢好嘅。呢個當然係好處之一啦,之不過香港現時嘅交通狀況,我就覺得補助交通費會帶嚟更多嘅問題。首先,會唔會減少私家車流量?我覺得唔太可能,因為香港唔太同其他發達國家,揸車通勤嘅人相對係班有錢人,姐係補助交通費唔太會令佢哋放棄揸車,而且繁忙時間嘅鐵路同巴士都係非常擠迫,所以呢班人係唔會放棄渣車。第二,其實所有補助計畫都會增加交通流量,姐係整體嚟講啲人會搭多咗車,去多咗地方。呢個邏輯相信大家都會明,以前有可能因為交通費太貴,啲人唔會去咁遠地方行街,但係依家平咗喎,咁一定會多咗人願意去遠啲行街。變相,依家已經相當高負荷嘅公共交通系統就會更加迫。所以話呢,補助交通費喺香港真係唔係最好嘅政策。至於好處,就梗係方便推行,基本上唔會有咩大爭議,因為我之後講嘅大部份政策都係需要有相當大嘅政治魄力先有可能推得郁,而且亦都需要時間同錢。

其實老實講,解決啲人嘅長途交通費問題最好嘅梗係鼓勵區內就業啦。不過呢個方法問題梗係大啦,就係根本有啲新市鎮規劃嘅時候根本冇考慮過呢啲嘢,所以係非常之難解決嘅。跟住我個人係希望呢份報告可以講啲長遠啲嘅交通政策。老實講,呢份係第一份報告,姐係之後有五年去做,仲有可能再多五年。所以點解唔推行啲長遠啲嘅策略例如越嚟越受各國政府歡迎嘅單車友善政策。冇錯,香港市區位置唔多,港島又多山,的確唔太有利單車發展。但係,單車唔洗錢喎,又可以令到部份公共交通公具無咁擠迫,又可以減碳排,咁唔係非常之好咩。依家歐洲仲有研究單車高速公路,如果可以起得成,基本上連沙田中環都可以單車通勤,再遠就應該會太辛苦。總之,我唔係話補貼唔好,之不過筆錢我覺得應該要用喺啲更加能夠長遠解決交通問題嘅地方度囉。

 

 

關於作者:留德鐵膠

則留言

閱讀後覺得好,請多多讚好及分享~:)

其他熱門文章

  • 群眾去左邊?群眾去右邊。 by 隨緣
    這幾天,立法會有集會,指希望收集民氣,說要「阻止立法會修改議事規則」。民眾好像不太出來,由第一天的幾十人,第二天在場群眾說「真係連警察都仲多過我地」,然後到最近一次好像有千多人了。是不是很多人呢?…
  • 梁耀忠:梁公好龍 by 爽健
    古時有位葉公自稱很喜歡龍,衣服畫龍,家中乜柒都係龍圖案,天上龍神看到凡間有葉公呢種擁躉,好很感動,祂親身到訪葉公之家,以為葉公會好膠興,丫,點知阿葉佢一見真龍便化膿,佢驚到跳上牆淆哂底,葉公好龍,原來只是口頭好龍,心底怕龍怕得要死。…
  • 港女個個都係熱褲短裙黑絲,佢地唔明白,女神,係要襯長裙 by 高教授
    「你班港女唔好再學啲韓妹著高腰熱褲啦,你估你係EXID個個Hani咩」當那個身高不足一米六,穿著高腰熱褲的少女從我身旁經過時,我有一刻衝動想走過去向她說這番話,可是我忍住了。因為我知道,阻止港女露腿,會被港女「燒春袋」的。…
  • 一餐飯的兩性攻防戰 by 窮家有道——窮一生
    當一個男人觀察一個女人係唔係認真既對象,多數係食飯就會開始觀察。打扮、談吐、興趣、價值觀。呢d野你點吹水都冇用,兩下就露底。愈有能力既男人,愈會介意你老奉唔俾錢。點解呀?因為食飯你都唔出錢,同你生活就更加唔駛旨意你會付出,唔一定係錢,而係你…
  • 每對情侶都經歷過的sweet sweet moment by 小盛女
    話說某一天零晨十二時多Brenda都還沒有收到Mike的「報平安」的電話,即使是塞車,最遲都應該十一點便回到家中。打電話給他,卻響了一下便掛線,接着打了十多次電話也是「你已被接駁到。。。」難道是電話無電?但回家應該也可以充電,還是電話被偷了…
歡迎讚好我們的facebook page,免費資訊源源送上。