在性用品店撞到老豆前

 

 

「好,今日嘅訪問完成啦,再次多謝Miss Lin您嘅幫忙。」

「唔使客氣,叫我Hailey得啦。」

「哈,好。Hailey,我有啲私人嘢想問,可以向您請教一下嗎?」

「教就唔敢當,不過我都可以畀啲意見嘅,你即管問啦。」

「好。」

我叫Hailey,又或者Miss Lin,今年二十六歲,係一名社工,同時係性用品店KISS2ME嘅老闆娘。睇到呢道,我諗你都估到我想講咩。冇錯啦,就係郭家單嘢。嗱——我冇諗住Loop多次嗰堆對白㗎,我只係想補充下,嗰日嘅訪問內容喞。

二零一七年十月二十八日,一名學生上嚟鋪頭同我做訪問,佢就係郭令喬啦。完成訪問後,佢提出咗一個私人問題——

「我⋯⋯我⋯⋯我老豆老母扑嘢。我唔知點面對⋯⋯」

Well,郭生郭太唔上床,又點生到你呢?夫妻之間有性生活好正常㗎喎。你冇嘢呀?我百思不得其解,好想笑鳩佢。但我唔可以咁話佢,所以我問:「嗯。咁你有咩感受?你知道你點出生㗎呵?你真正在意嘅,係咩呢?」

「我覺得⋯⋯我俾人背叛。」阿喬苦笑,開始講起自己嘅故事。

原來,十八年嚟,阿喬都冇接受過正確嘅性教育。郭生郭太一直過份保護佢,時常指出性係不清白、不道德同不可接受嘅。佢地又建立聖人形象,令阿喬以為佢地冇性生活,自己都唔可以有。唉,呢個大話可以呃得人幾耐呀?阿喬長大後,開始明白父母嘅不合理。同時,佢仲發現,呢兩條友只許州官放火,不准百姓點燈⋯⋯

一晚,阿喬半夜醒咗,佢聽到房外好嘈,就出去一探究竟。行到主人房,佢見到道門冇閂⋯⋯

「嗯、嗯——」郭太著住一套情趣內衣,衣上有三四個破口,雙手被扣在床頭。佢不停掙扎,碰撞大床。

「你做咩擘大對腳呀?好想要呀?」郭生一路問郭太,一路大力分開佢對腳,扣喺床角。然後,郭生趴喺郭太身上,啪——啪——啪。阿喬好驚,佢叫咗出嚟,但郭生郭太玩得太忘我,完全聽唔到。

「佢地不停問問問,叫叫叫,屌屌屌⋯⋯老豆仲係咁打老母,我想報警,但老母好High⋯⋯」呢一刻嘅阿喬,好似家庭暴力嘅受害者咁,一路描述事情,一路抱住自己,一臉驚慌。

我好想笑,我真係好想笑。邊有人見證完父母上床,大受打擊之後,仲可以描述得咁繪影繪聲、生動有趣?但係,我嘅專業話我知,我唔可以咁。我深呼吸一口,再話:「阿喬,有一個觀念,我希望你搞清楚——性唔係不道德㗎。性係人類嘅一個本能,就好似呼吸同飲食咁,係好基本,甚至係必要嘅。你父母有性生活係正常嘅事,你唔使感到意外、嘔心同害怕㗎。」

「我明,入咗U之後,我已經重新認識咗性。我只係——」

「接受唔到你父母言行不一。」

「係。」

「咁我希望你換個角度諗下,明白佢地嘅出發點係好嘅。或者,佢地想保護你,唔想你咁快接觸性呢。只不過方法唔太合適而已。同時,你都可以同佢地坦白,講返件事,表達你嘅失望。可能,你而家長大咗,佢地都想坦白返,只係唔知點開口呢?」

「您啱嘅。但係,我要搵咩時機講?食食下飯講,好撚Odd喎。」

「總有機會嘅,好好把握啦!」

阿喬沉思咗一陣,再笑住答我:「好,多謝您。」

就係咁,佢就開心地走出房啦。估唔到,機會嚟得咁快——郭生下一秒就出現。之後呢兩父女點暴走,相信我都唔使多講啦。我冇即時介入,我放咗手,畀佢地handle返件事。見到佢地咁坦白,我有啲驚訝,不過都開心嘅。我唯一唔開心嘅,就係郭生畀少咗$40,就攞走我地件貨囉。

一星期後,我收到阿喬嘅WhatsApp:「Hailey,多謝您。嗰次之後,我本來好崩潰。但係琴晚食食下飯,老豆笑住講返單嘢,仲同我say咗sorry,話以後唔阻我扑嘢喎,我真係笑咗!之後老豆笑下,老母又笑下,我地就冇事啦!我個心舒服咗好多呀,多謝您!」

「You are welcome!Happy to hear that!想多謝我嘅,就記得幫襯我地,送啲嘢等佢地開心下啦,哈哈!」

 

《暴走在性用品店裡》系列完

我喺性用品店撞到老豆

我喺性用品店撞到個女

我個客喺性用品店撞到佢個女

我老公喺性用品店撞到個女

 

Recommended reading: 〈在家庭中推行性教育〉

 

 

關於作者:霏子

迷離的字,霏微下的女子。不聽師長勸告,執意修讀中國語言文學系,正處於自甘墮落的狀態。

則留言

閱讀後覺得好,請多多讚好及分享~:)

其他熱門文章

  • 【塔羅個案】「我想分手,佢話唔好,不如去開房;然後我覺得佢仲愛我」 by 神婆
    Sally壓低聲線,「我當時話,如果你呢兩年唔娶我嘅,就分手啦!你都唔愛我嘅!結果佢聽完,同我講,唔好分手啦,不如咁,我,我同你去開房好無?神婆,妳明唔明我嗰刻嘅心情?」…
  • 毒理學家:香港係冇黑色嘅蛇嘅! by Fava Bean
    「唔⋯⋯病人冇影相⋯⋯佢話佢係黑色。」「喔。」毒理學醫生頓了一頓,突然語出驚人地說:「首先,香港係冇黑色嘅蛇嘅!」我不由得大為震驚,感覺人生迄今的世界觀被徹底刷新了,長居在此多年,連香港有蛇都不知道,更遑論會知曉此地沒有黑色的蛇!我兀自沉溺…
  • 從無綫台慶睇老屎忽點摧毀一個電視台 by 清君
    這些年來,你講得出有幾多個大台主持?阿旦、曾志偉、阿叻、Liza、Do姐,較後生的可能要數崔建邦了,或者我算漏不少人,但來來去去都是那一撮人。昨晚一開show,就是Liza、曾志偉和阿叻引領,有前輩坐鎮當然係坐定笠六,但不放手給後生揸大旗,…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 廢青的一天 by 木人里
    「我到底做緊咩?我到底做緊咩?我到底做緊咩?我到底做緊咩?幾時放工?幾時放工?幾時放工?幾時放工?幾時放工?幾時放工?下又叫我?我未回氣呀﹗幾時放工?幾時放工?屌你老母都唔撚講道理架﹗幾時放工?幾時放工?你條死老野識條春咩?幾時放工?幾時放…
歡迎讚好我們的facebook page,免費資訊源源送上。