何來就係活生生一個口頭正義內心仆街既人版

 

如果有留意網上花生既人,應該會留意到一件事件,由動保人仕何來及其黨羽言之鑿鑿咁指控一間餐廳屠宰及販賣狗肉,過程入面何來提到自己有幾位動物專家學者都認定左係餐廳發現既屍體係狗而唔係羊,再加上一啲陰謀同懷疑,包括咩無頭無爪,屍體彎曲等等,成功引導一部分網民及傳媒相信同加入聲討。但隨住供應商既證明同解釋,再加上化驗報告都指出餐廳取得既肉樣本係羊而唔係狗,餐廳方面總算係沉冤得雪。

而事情發展到今日,始作俑者何來及其黨羽都未曾為佢地魯莽冤枉既行為向餐廳道歉。事件經過十多日,餐廳店主營運上既損失、名譽上既損失、精神上既損失,都係難以想像咁大。因為要搶道德高地、搶noice、要發表自己關注既議題,冤枉左對方之後發現自己理虧,採取既行動唔係第一時間道歉,居然係del不利自己既comments,del不利自己既post,block一啲質疑自己既人,然後對事件不作回應,咁畜牲既人我真係未見過。

 

 

因為今次事件,好多人都話動保撚/閪係痴線,我覺得動保係多容易上腦既人,但未致於一碌竹打晒死船人既。今次事件唔係動保問題,動保只係一個題目,今次最主要既問題係,何來一班人既人格有問題。人格有問題既人,就算係搞環保動保民主平權乜都好,都一樣係仆街架啦。

佢最新被人cap圖既留言,除左唔道歉之外,最令人難以置信既係,佢居然認為自己無錯之餘,餐廳宜家多左人關注應該要多謝佢。到底有幾痴閪線先可以用咁既邏輯去發表咁既留言?我害撚到你雞毛鴨血然後有人同情你所以你要多謝我?咁我指控你老母做雞然後多左人關心伯母不如你地一家人請我食飯啦。

咁既強盜,我真係希望唔好再有何來你啲咁既人出黎爭取乜爭取物,虛偽嘔心。其實一時上腦冤枉錯人唔係咩罕見既事,誠意上門道個歉,就算店主唔原諒你,網民都唔會繼續同你追究落去,但你無。搞到今時今日咁,唔好話人抹黑你啦,你個心腸惡毒到黑色既人,係自己攞黎。口頭再愛動物,再悲天憫人,都只係一個口頭正義既仆街,因為你地連基本人格都無。

 

關於作者:木人里

一個心地善良既仆街。

則留言

閱讀後覺得好,請多多讚好及分享~:)

其他熱門文章

  • 【塔羅個案】「我想分手,佢話唔好,不如去開房;然後我覺得佢仲愛我」 by 神婆
    Sally壓低聲線,「我當時話,如果你呢兩年唔娶我嘅,就分手啦!你都唔愛我嘅!結果佢聽完,同我講,唔好分手啦,不如咁,我,我同你去開房好無?神婆,妳明唔明我嗰刻嘅心情?」…
  • 毒理學家:香港係冇黑色嘅蛇嘅! by Fava Bean
    「唔⋯⋯病人冇影相⋯⋯佢話佢係黑色。」「喔。」毒理學醫生頓了一頓,突然語出驚人地說:「首先,香港係冇黑色嘅蛇嘅!」我不由得大為震驚,感覺人生迄今的世界觀被徹底刷新了,長居在此多年,連香港有蛇都不知道,更遑論會知曉此地沒有黑色的蛇!我兀自沉溺…
  • 從無綫台慶睇老屎忽點摧毀一個電視台 by 清君
    這些年來,你講得出有幾多個大台主持?阿旦、曾志偉、阿叻、Liza、Do姐,較後生的可能要數崔建邦了,或者我算漏不少人,但來來去去都是那一撮人。昨晚一開show,就是Liza、曾志偉和阿叻引領,有前輩坐鎮當然係坐定笠六,但不放手給後生揸大旗,…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 廢青的一天 by 木人里
    「我到底做緊咩?我到底做緊咩?我到底做緊咩?我到底做緊咩?幾時放工?幾時放工?幾時放工?幾時放工?幾時放工?幾時放工?下又叫我?我未回氣呀﹗幾時放工?幾時放工?屌你老母都唔撚講道理架﹗幾時放工?幾時放工?你條死老野識條春咩?幾時放工?幾時放…
歡迎讚好我們的facebook page,免費資訊源源送上。