精神科病人強制入院,定非法禁錮?

 

 

先利申:三年級醫學生,有明顯利益衝突,下文客觀與否是自行定奪。

而家制度之下,一個病人經兩個醫生各自診斷後,相信佢係患上精神科疾病,病情嚴重,以致病人自身健康或者他人安全受到危害既時候,可以向法院申請,係經法官或裁判官同意後將病人強制留醫治理。

最近就見到有公眾人物質疑咁樣做同非法禁錮、剝奪人權無異,要求改革精神病患強制入院制度。

 

先諗一個問題:

如果有一個思覺失調既病人因為佢既病而相信自己心口入面比仇家裝左監聽器,而堅持想攞刀捅落自己到,呢個時候你覺得醫生有冇權強制制止佢咁做?

答案一:唔好理佢啦,由得佢死/呢個係佢既自主決定,醫生冇權禁止

如果你係咁諗既話,認為醫生係可以任由精神科病人受病情支配,傷害自己既話,咁我相信我都無法說服力。但如果你認為救病人係醫生係職責既話,你可以繼續睇落去啦。

 

無可否認,強制入院係損害左病人自主。但呢個決定係基於一個前設,就係病人因為病而失去左一個正常健全既成人作出決定既能力。正如一個三歲小朋友或者一個昏迷,醫生係無辦法將進行醫療程序既決定權交比病人一樣。

你睇到呢度呢度可能好嬲:「X你咩?我有啲唔開心啫,你當我三歲小朋友!?咁大個人我自己唔識幫自己做決定?我仲生勾勾行得走得你當我暈左﹗?」

遺憾既係,而家社會上仍然有好多人低估左精神病,唔視精神病同其他疾病一樣。佢地仍然相信「佢只係自己一時諗唔通/呢排太大壓力啫」,相信只係病人自己諗法既問題,「放鬆多啲,諗多啲開心既嘢就冇事架啦」。但現實係已經已經有種種科學研究證據支持精神病背後係有特定病理轉變、身體機能既病變引致(例如抑鬱症可以由缺少單胺類精經遞質引致,或者多巴胺傳導過強可以引致思覺失調),病人因為呢啲腦部既失調而不自控地有偏執既念頭,例如被害妄想或者自殺念頭。相信大家都聽過有精神科病人會好似聽到腦入面有一把聲不停鼓勵佢去了結自己生命,而病人自身無論幾努力都好難驅趕到呢個念頭。正正係因為咁,病情嚴重時候,病人所作出既決定已經唔可以再視為係佢地既自由意志,而係病魔既控制。

 

醫生有責任保護病人儘量免受疾病既殘害。如果你並冇生理上既疾病既,例如SM愛好者只係因為個人喜好而主動比伴侶打傷身體,醫生冇權亦冇義務去禁止你。但如果你係因為身體機能既病變,確診患上精神病既話,醫生呢個時候就有責任照顧好你既健康。

可能有人會質疑,咁醫生點分辨嗰一位先生/小姐係純粹唔開心、亂諗嘢,定真係好似我講咁係因為身體有病而無法自控呢?背後理據何在呢?以抑鬱為例,現時標準需要病人符合失眠、無法專注、體重下降、反覆自殺念頭等最少五樣症狀,持續最少兩周以上,亦要排除其他疾病或者藥物影響既可能性先可以判定病人患病,可算相當嚴謹。

當然,我明白絕對唔會100%每一個判症都準確,唔會100%每一個病人都真係會受惠於強制治療。但呢個正正就係精神科診症既難處。我地只能夠按現有既科學研究、臨床數據,為病人提供最幫到佢既管理方案。係過往大眾冇咁明白精神病原來亦同其他病一樣,有病理成因、亦需要醫治,呢點亦成為其中一個原因,精神病係診症以至治理原則方面可以算係比其他系統既疾病落後,亦都絕對有進步既空間,可以為病人做得更加好。我衷心希望係未來會有更多呢方面既科研、更多知識既探索,老套啲講句,去為世界上病人謀福祉。

 

PS:當然,係醫學以外,更加要諗既係究竟呢個社會發生左咩鬼嘢事,搞到咁多人(接近)精神崩潰,以致有人話係一個痴線既社會,唔癲先係正常。呢個係一個時代既悲哀,亦係我地呢一代無論老幼要正視既問題。作為一個年輕人,我幾時都提醒自己,儘量、盡力留一個最美好既社會比我地既下一代。共勉。

 

關於作者:WCP

中六學生,普教中學生關注組成員

則留言

閱讀後覺得好,請多多讚好及分享~:)

其他熱門文章

  • 【塔羅個案】「我想分手,佢話唔好,不如去開房;然後我覺得佢仲愛我」 by 神婆
    Sally壓低聲線,「我當時話,如果你呢兩年唔娶我嘅,就分手啦!你都唔愛我嘅!結果佢聽完,同我講,唔好分手啦,不如咁,我,我同你去開房好無?神婆,妳明唔明我嗰刻嘅心情?」…
  • 毒理學家:香港係冇黑色嘅蛇嘅! by Fava Bean
    「唔⋯⋯病人冇影相⋯⋯佢話佢係黑色。」「喔。」毒理學醫生頓了一頓,突然語出驚人地說:「首先,香港係冇黑色嘅蛇嘅!」我不由得大為震驚,感覺人生迄今的世界觀被徹底刷新了,長居在此多年,連香港有蛇都不知道,更遑論會知曉此地沒有黑色的蛇!我兀自沉溺…
  • 從無綫台慶睇老屎忽點摧毀一個電視台 by 清君
    這些年來,你講得出有幾多個大台主持?阿旦、曾志偉、阿叻、Liza、Do姐,較後生的可能要數崔建邦了,或者我算漏不少人,但來來去去都是那一撮人。昨晚一開show,就是Liza、曾志偉和阿叻引領,有前輩坐鎮當然係坐定笠六,但不放手給後生揸大旗,…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 廢青的一天 by 木人里
    「我到底做緊咩?我到底做緊咩?我到底做緊咩?我到底做緊咩?幾時放工?幾時放工?幾時放工?幾時放工?幾時放工?幾時放工?下又叫我?我未回氣呀﹗幾時放工?幾時放工?屌你老母都唔撚講道理架﹗幾時放工?幾時放工?你條死老野識條春咩?幾時放工?幾時放…
歡迎讚好我們的facebook page,免費資訊源源送上。