個包就係咁,你唔鍾意嘅我地俾返錢你,你兩個一齊走,唔好喺度搞事!

小城小事 / 最新文章綜覽

 

 

咁呀又係我余哥同大家講下飲食業臭汗史。

唔是開左鋪,更多親身落場喺前線接觸啲客,我都唔知自己反應同轉數幾快。

 

一)在自我中心要食飯

有日下午三點幾,下午茶時間:

有個阿姐帶住一個好誠懇既樣咁入來坐底,攞起餐牌睇睇下,我係側面食緊飯,佢:「咦無飯㗎?」

我:「唔好意思,而家下午茶時間係得下午茶餐揀。」

佢:「吓唔係嘛!我想食飯喎,無其他餐牌㗎喇?」

我:「小姐而家下午茶時間梗係得下午茶餐㗎喇。」

佢:「吓下午茶無飯我唔食喇!」起身好悔氣咁走。

屌,唔知以為我迫佢入來食。

 

二)俾返錢打發佢走

有個午飯時間,極忙。

兩個打扮及姿態有啲古怪獨特既男子,嗌兩個包餐,一個魚柳包一個漢堡包。

五分鐘後我其中一位樓面伙記被佢捉住,我見到其中一個男子既咀臉擺明投訴梗啲野。個刻剛好忙完,我一直望住、等伙記返來睇下咩事。足足兩分鐘,我伙記拎埋塊包既其大一塊來同我講:「佢話個包好難食要換塊包。」

我屌佢老味,呢款包我賣左成年,有人會食唔晒剩底係正常,但呢位奇男係點?係𠝹開左一細忽比指甲還細既「細嚼」完,話難食,我餐廳標明個包係全麥無蛋奶,乾少少我明,咁我都特製啲汁落去。佢朋友都明明食左一半,呢種奇異人我既經驗係無可能會滿足到佢,是以:「你同佢講個包就係咁,佢唔鍾意嘅我地俾返錢佢叫佢兩個一齊走,咪係我個場攪事。」

如是者佢二人拎返錢走,無得糾纏落去。

 

三)「點解我喺呢度?」

嬸:「我想買嗰個漢堡包餐。」

我:「好呀。」

嬸:「要等幾耐㗎?」

我:「最快都5分鐘左右,因為我地係既叫即做㗎。」

嬸:「吓咁耐㗎!我仲要食呢!我無時間喇!」

我呆撚左三秒,因為個腦真係轉唔切!麥當勞排隊等出埋餐都唔只五分鐘,佢嗌完野就好驚恐咁話無時間食,我以為佢知道自己五分鐘內就死。

然後帶住驚恐既狀態好似梵高幅畫咁走左去佢老味!!

 

四)哲撚系

姐:「你地個啲餐點賣?」

我:「哦好簡單啫,分大同細。」

姐:「咁大既係咪大啲?」

或者:

姐:「有乜野飲揀㗎?」

我:「雪櫃入面既都可以㨂,熱飲有茶啡」

姐:「雪櫃入面嗰啲係咪凍㗎?」

哈你老味佢問個下好認真㗎喂!

 

如果閣下係飲食業工作過,應該好體會我寫既野比現實還要真實…

 

 

 

關於作者:余哥

開餐廳,真係開,唔係打工,用得筆名梗係唔想俾你知係邊間:)

則留言

閱讀後覺得好,請多多讚好及分享~:)

其他熱門文章

  • 愛男友,請愛埋佢屋企人 by 小盛女
    「有無人要食麵啊?幫你地夾。」Mike大喊。「使乜幫佢地夾,佢地無手o架?」Brenda黑面說。Mike即時怔了一怔,他從沒想過這麼簡單的舉動會令Brenda爆seed。「都係順便姐,大家一家人,我幫你夾埋喇。」Mike盡量壓抑自己的情緒,…
  • 應如何對待男友嘅朋友? by 小盛女
    晚飯後她又教大家玩大學時O-Camp的集體遊戲,很快便和Mike的朋友們混熟,特別是男性朋友。玩遊戲少不免有些身體接觸,Mike都一一看在眼裡,他最怕就是看到這些疑似抽水的行為,出聲唔係唔出聲又唔係,自己女友又鬼死咁主動,同人玩得鬼死咁盡興…
  • 【偽影評】 《棟篤特工》:電影的隱喻? by 馮志豪
    作為大學主修哲學的子華神,不少演出都是借故事諷時事,甚至有時直接觸及政治神經,例如他在楝篤笑中曾經說過 : 「知唔知一國兩制最偉大地方係乜?就係肯承認佢自己個制真係嚇親人!」和「全港市民熱烈慶祝『收返』!」等,令中在笑中帶來一點思考。…
  • 我可以肯定,大部分人並不適合一個人旅行。 by 達米安
    獨自一人在舉目無親的地方會令人變得緊張,因為無論遇上甚麼難題,發生了甚麼意外,都不會像在家鄉一樣有家人朋友的支援,也沒有了對公共系統的熟悉,所有後果都得自己承受。更甚者,當在語言不通的地方時,連如何向路人求助,都可以是一個難題。只要不是太缺…
  • 25歲以後 by 小盛女
    當我永世做Marketing,由assistant升到officer再升到senior又甚或是咁好彩升到manager,人工都可能只有2、3萬,日日做到隻狗咁,到頭來首期都儲唔到,真係諗起都一額汗,最後我想了十萬九千次,只有兩個辦法可以解決…
歡迎讚好我們的facebook page,免費資訊源源送上。