喜感

小城小事 / 最新文章綜覽

 

 

燈光亮起,一眾演員從後台走出來謝幕。

「你個角色真係勁好笑囉,尤其個主角笑你冇女果幕真係笑到我標眼水!」朋友一邊擦著眼邊的笑淚一邊拍打身前的肥強。

「好好笑咩?我呢套正劇黎喎,臨尾仲要比個主角出賣去左坐監喎……」肥強投訴。

「Sor,我真係唔記得,因為你太有喜感,比人背叛呀坐監呀呢啲野太唔襯你,你都係去台邊食住支雪條做傻仔啦,哈哈哈哈」

是的,這就是肥強的人生。不論他如何認真也好,總是有一種令人想笑令人覺得他很鳩的感覺。

最離譜的一次,是他在踏單車時嚴重炒車,整隻右手前臂都被紅紅的血掩蓋。但他的朋友第一件事不是幫他止血,反而是在旁邊大笑。第二件事亦不是幫他止血,而是拿出手機zoom近他那跌破的傷口。

肥強也認命了,既然自己如此有喜感,做一個令人發笑的開心果也不錯。

不過,肥強偶爾也想認認真真的做一次正劇。雖然他不是Batman,沒有那種父母自幼雙亡的典型悲劇背景,但他認為自己的人生經驗足以讓他做好一個正劇角色。

結果機會來了,一套正劇在招募演員,肥強看中了其中一個角色。

「角色:

呀明-男主角,視覺年齡25歲,身高約175cm

性格:沉穩、成熟、有理想

背景:在一次外展工作時找到了真正的夢想,但女朋友卻持相反意見,結果二人大吵一場……」

肥強心想,自己人生一直在追求理想中浮浮沉沉,這個角色跟他十分相似,相信自己一定能好好發揮。

到casting的那天,肥強完美地把角色演繹出來,事後跟導演編劇們在小房間中討論。

「其實呢,我覺得你做得好好,所有感情都做得好到位,尤其係講自己追理想果幾句獨白真係引起左我地既共鳴。」導演對肥強的演繹十分滿意。

「機會終於黎喇,我可以證明比大家睇我係可以幾認真喇!」肥強帶點一吐烏氣的心想。

「不過,唔好介意我坦白,你個樣比人感覺好有喜感,一唔講野果陣硬係有一種好fun既感覺,所以去到有啲沉默位會令到個氣氛帶唔到出黎。但係我地有另一個角色,雖然佢係配角,但都有好重戲份。個角色係男主角個老死,成日係到講笑氹人開心,對男主角既心理變化都起左一個好重要既作用。你會唔會考慮下呀?」

「哦,咁呀,我再諗下丫,我再覆你丫好唔好呀?」說罷,肥強走出房間,離開大廈。

這時肥強再也忍不住,眼淚就像決堤般湧出來。

其實他不介意做配角,他介意的是為甚麼總是要做一些搞笑的角色,不能讓人看看自己最真的一面。難道自己的演技不能戰勝自己給人的感覺嗎?

最後他推辭了遵演,沒有參與該套演出。

三個月後,舞台劇公演,肥強是其中一個座上客。

「垃圾」這是肥強在看完該劇的感想。

男主角空有外表,動作生硬,情感層次單調。

但世界就是這樣運作的。即使你多有實力多認真也好,你給人的感覺總是大於一切。

膚淺?世界就是這樣運作的。

關於作者:九妹

則留言

閱讀後覺得好,請多多讚好及分享~:)

其他熱門文章

  • 唔小心收左兵 by 熱豆腐仔
    有D女仔好慣性同你講野時候有身體接觸,真係好危險。巴打們稱呢一種女仔為魔性之女、毒撚剋星。比你有遐想既空間之餘,又唔會真係同你發展落去。對於抵抗力極弱既毒J同自信谷底男,真係死左都唔知咩事「乜我做左兵咩?」「你又係大意既」係呀,仲快過填fo…
  • 大陸親戚拜年,硬係鍾意隨時殺上嚟 by 余該隱
    「大個仔,應該要識唔好亂逗人哋啲嘢㗎喇。」Johnny一早排練好呢番說話,仲提醒自己要笑,唔好太掘,免得畀阿媽鬧返轉頭就霸氣盡失嘞。…
  • 好地地叫雞唔得咩? by 毛言地
    你以人道、慈善、救援等等咁光環咁人性嘅身份去到,居然迫受助人做啲最嘔心最可怕嘅行為去換取佢地本身就應得嘅嘢,仲要係靠咁多人捐嘅錢,包括埋飛過去張機票都係我地比(係啊,我有份捐架屌)。原來做慈善機構咁撚開心,唔單止公司包叫雞,仲要係迫啲良家婦…
  • 【引以為鑒】千奇百趣 Interview by HR 扮工週記
    應徵職位:初級廚師。我:「你之前多數煮開咩菜式?有無咩拿手菜?」應徵者:「其實我好少煮野食,因為怕接觸生肉。」…
  • 這連愛情故事也稱不上 by 偽述家
    成長了一點以後,我們在跌跌撞撞中摸索感情的一環,在不斷傷害亦被傷的經過,明白了自己需要什麼,想要什麼,甚至我們不能得到什麼。唱著紅豆,我們真的覺悟,沒有什麼會永垂不朽。…
歡迎讚好我們的facebook page,免費資訊源源送上。