冇一樣野叫timing 問題

 

 

呢個世界有兩種愛情觀。

一種叫戀愛大過天。即係世界將我包圍,誓死都一齊嗰隻。就算面對家庭反對,影響工作,影響學業,都會要美人/美男唔要江山。楊過唔理師徒戀嘅禁忌,唔介意小龍女俾尹志平破處女身,都要娶佢為妻,大概就係呢種。

另一種係隨緣型。呢種人認為戀愛係緣分,擁有嘅時候佢會珍惜,但有阻礙嘅時候佢地會話唔需要勉強,覺得失去係命運,凡事莫須強求,反正可以走到最後嘅機會其實從來唔高。

當然,呢兩種係極端。大部分人嘅愛情觀都係係呢兩種中間。但你靠緊邊種多啲,其實係一種抉擇。生命重要嘅野有好多,家庭、愛情、工作、錢、自由、快樂……最好就梗係可以同時擁有啦,但好多時候,呢啲第野中間點都有會啲衝突。有衝突嘅時候,你就要排序,你就要取捨。

價值觀嘅問題,無話啱定錯,但起碼你要對自己誠實。你選擇工作而放棄愛情,你要認。唔好賴有緣無份,因為所有野都係你選擇之中,同緣分無太大關係。有人成日搬timing問題出嚟講。事實係,好嘅Timing只係會令你唔使作取捨,魚與熊掌兼得。但你心目中覺得邊樣野重要啲,你心中有數。

你嘅另一半做咗一個決定,你只可以尊重。兩個人性格幾襯都好,價值觀都可以唔同。佢選擇咗第樣野而放棄愛情,唔代表佢唔珍惜你,只係呢刻嘅佢覺得有更重要嘅野,無可厚非。調翻轉,選擇放棄愛情嘅你唔好怪人地唔諒解你,因為佢只錯在將你放棄人生嘅首位,太重視你。

要記住一點,你嘅價值觀隨住時間流動係有機會變嘅。呢刻你嘅堅持,十年後你可能會後悔。做抉擇前,諗下自己十年後、二十年後會點諗,盡量唔好另將來嘅自己後悔,就夠喇。

 

關於作者:嗔痴散人

生於一個如斯荒繆的社會,憤世嫉俗正常不過。

則留言

閱讀後覺得好,請多多讚好及分享~:)

其他熱門文章

  • 【塔羅個案】「我想分手,佢話唔好,不如去開房;然後我覺得佢仲愛我」 by 神婆
    Sally壓低聲線,「我當時話,如果你呢兩年唔娶我嘅,就分手啦!你都唔愛我嘅!結果佢聽完,同我講,唔好分手啦,不如咁,我,我同你去開房好無?神婆,妳明唔明我嗰刻嘅心情?」…
  • 毒理學家:香港係冇黑色嘅蛇嘅! by Fava Bean
    「唔⋯⋯病人冇影相⋯⋯佢話佢係黑色。」「喔。」毒理學醫生頓了一頓,突然語出驚人地說:「首先,香港係冇黑色嘅蛇嘅!」我不由得大為震驚,感覺人生迄今的世界觀被徹底刷新了,長居在此多年,連香港有蛇都不知道,更遑論會知曉此地沒有黑色的蛇!我兀自沉溺…
  • 從無綫台慶睇老屎忽點摧毀一個電視台 by 清君
    這些年來,你講得出有幾多個大台主持?阿旦、曾志偉、阿叻、Liza、Do姐,較後生的可能要數崔建邦了,或者我算漏不少人,但來來去去都是那一撮人。昨晚一開show,就是Liza、曾志偉和阿叻引領,有前輩坐鎮當然係坐定笠六,但不放手給後生揸大旗,…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 廢青的一天 by 木人里
    「我到底做緊咩?我到底做緊咩?我到底做緊咩?我到底做緊咩?幾時放工?幾時放工?幾時放工?幾時放工?幾時放工?幾時放工?下又叫我?我未回氣呀﹗幾時放工?幾時放工?屌你老母都唔撚講道理架﹗幾時放工?幾時放工?你條死老野識條春咩?幾時放工?幾時放…
歡迎讚好我們的facebook page,免費資訊源源送上。