【港女邏輯】無論發生咩事男朋友都要同我道歉

情愛點滴 / 最新文章綜覽

 

 

近排有位好友K同佢男朋友因為各自審美觀不同而爭執,K就覺得個女嘅唔靚,男朋友就認為個女嘅靚,延伸落去K就認為男朋友平時都有讚自己靚,咁係咪即係佢同個女仔一樣咁醜樣呢?再諗多兩諗,本身已經唔多嘅自信又再低啲。

咁其實就真係好小事,審美觀呢啲嘢個個唔同,有分歧咪去接受囉,唔需要下下逼人認同你嘅。之後K又話接受唔到男朋友嘅態度blablabla:

「我想佢無論發生咩事都say咗sorry先,可以傾但唔係當下,一定要道咗歉先!」

我當堂打咗個突,佢港女唔係第一日嘅事,但呢個statement已經超越咗港女嘅層次。小姐,你係咪韓劇睇得太多成日ff一有爭執男朋友就會攬住你講句對不起我愛你⋯⋯

由細到大我對道歉嘅理解係人做錯事先要道歉,但係對方同自己審美觀唔同係無錯嫁,道乜撚嘢歉?K話男朋友態度唔好好似唔想解決問題咁,其實成件事好簡單,就係大家審美觀唔一樣,係無問題嫁。例子說明,K鍾意食牛扒佢鍾意食意粉,男朋友話自己鍾意食牛扒係錯一定要同佢一樣食意粉。掉轉係K都心諗做乜鳩啦⋯⋯想人認同自己嘅咪send多啲丁圖俾佢睇培養下囉,潛移默化呢家嘢,明啦。

另一樣就真係邏輯問題,男朋友讚自己同個女仔靚,但因為自己覺得個女仔醜所以自己都係一樣醜,我打完都唔知自己打咗啲咩。即係咁,男朋友係覺得K同個女仔都係靚女,但K因為自己覺得個女仔醜所以自己又醜,自信心就因此被男朋友打擊。成個推論根本唔合理,覺得醜嘅人係K自己唔係男朋友。其實自信心呢樣嘢人地可以俾到就當然好,但始終都係由自己建立會更加實在同堅固。如果有一日俾自己自信心嘅人消失咗,自己嘅自我價值就會隨之崩塌。

但係點解佢會咁無自信呢?我地朋友圈中都覺得佢其實幾好嫁,穩定收入家庭尚算和睦外型仲要唔差又有愛佢嘅男朋友,不過佢自己就覺得人生無乜由自己建立嘅achievement,好似無乜嘢令自己自豪咁。好認真咁講,我覺得佢所謂achievement唔係真係要自我認同,而係想其他人認同佢。但係呢個世界總有人唔喜歡自己,係沒有辦法去please所有人,就好似歷史上嘅偉大人物評價再高都總會有haters;就算俾你呢一刻可以取悅到大部分人,難保有一日會由高處跌返落嚟,由人氣而來嘅自信心係K身上我覺得真係唔會太長久。與其花盡心機去取悅其他人尋求他人認同,不如擇個良辰吉日審視下自己嘅人生,睇清楚自己優缺點。我諗學下點樣少啲同人比較,多啲欣賞自己嘅美好同接納自己唔係一個完美嘅人去建立自己自信會比起做一個KOL有效。

當然,係佢學習欣賞自己之前我諗佢都係唔好睇咁多韓劇同埋港女語錄會更加實際。

 

關於作者:珠蟹

平凡兼無深度90後mk妹,積極尋找人生意義中。希望透過分享自己想法,一齊思考人生。https://crabslife.wordpress.com/

則留言

閱讀後覺得好,請多多讚好及分享~:)

其他熱門文章

  • 【塔羅個案】「我想分手,佢話唔好,不如去開房;然後我覺得佢仲愛我」 by 神婆
    Sally壓低聲線,「我當時話,如果你呢兩年唔娶我嘅,就分手啦!你都唔愛我嘅!結果佢聽完,同我講,唔好分手啦,不如咁,我,我同你去開房好無?神婆,妳明唔明我嗰刻嘅心情?」…
  • 毒理學家:香港係冇黑色嘅蛇嘅! by Fava Bean
    「唔⋯⋯病人冇影相⋯⋯佢話佢係黑色。」「喔。」毒理學醫生頓了一頓,突然語出驚人地說:「首先,香港係冇黑色嘅蛇嘅!」我不由得大為震驚,感覺人生迄今的世界觀被徹底刷新了,長居在此多年,連香港有蛇都不知道,更遑論會知曉此地沒有黑色的蛇!我兀自沉溺…
  • 從無綫台慶睇老屎忽點摧毀一個電視台 by 清君
    這些年來,你講得出有幾多個大台主持?阿旦、曾志偉、阿叻、Liza、Do姐,較後生的可能要數崔建邦了,或者我算漏不少人,但來來去去都是那一撮人。昨晚一開show,就是Liza、曾志偉和阿叻引領,有前輩坐鎮當然係坐定笠六,但不放手給後生揸大旗,…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 廢青的一天 by 木人里
    「我到底做緊咩?我到底做緊咩?我到底做緊咩?我到底做緊咩?幾時放工?幾時放工?幾時放工?幾時放工?幾時放工?幾時放工?下又叫我?我未回氣呀﹗幾時放工?幾時放工?屌你老母都唔撚講道理架﹗幾時放工?幾時放工?你條死老野識條春咩?幾時放工?幾時放…
歡迎讚好我們的facebook page,免費資訊源源送上。