三年唔扑嘢嘅佢

小城小事 / 最新文章綜覽

 

 

講明先,呢篇文冇教育意義㗎下,純粹記下旅行小事,歌頌下我個Friend而已,不要有幻想。

今年七月,我同朋友Lester 去咗Sydney 玩。三年前,我姊妹Icy支莊搞Ocamp,我幫手做主持,同所有莊員熟咗,包括Lester。喺莊員嘅——唔係,喺所有人嘅眼中,Lester係淫賤嘅。

「屌,好臭呀,Icy呀,你著返條褲啦!」經過海旁,一陣腥味傳嚟,佢會嘲笑人地嘅性器官臭。

「屌,毛都冇條,Icy 你sponsor 靚西一個啦!」嚟到下一年Ocamp,下莊搵到嘅sponsor 不足,他會提出由上莊贊助性服務,充撐一下場面。

「啊⋯⋯啊⋯⋯嗯嗯呀⋯⋯」見到男莊員,佢會從後擁抱,不停後入,加以呻吟。

「你望下,呢個又深又闊嘅黑洞,就係Icy啦。」玩card game 時,佢見到張普通到不行嘅牌,都可以聯想到人地嘅性器官。

你明佢有幾淫賤未?

所以,我地決定一齊去旅行嗰陣,係全支莊都笑鳩我,叫我小心啲。咁當然,我知佢地玩下㗎唧,我都係去咗。估唔到,我喺今次旅程之中,認識咗一位新嘅Lester。

第一日,我地分別由Perth 同香港出發,喺Sydney 會合。見面之後,我地即刻去食飯。我地兩個都叫咗漢堡包,我望住個包,個人靜咗。

「搞咩呀你?」Lester 問我。

「我同佢第一次食飯,都係食漢堡包㗎。」

「屌,都成年啦,你放低佢啦。」

「屌你啦,你咪又係放唔低Yoyo。」我地兩個都分咗手,放唔低前度。

「唉,可能佢會嚟接我機呢。」呢條柒頭同人地藕斷絲連,仲希望人地嚟接佢機。

「希望啦。但佢冇嚟嘅話,你就真係好放低佢啦。」

「唉,我唔知,佢真係對我好重要。」

搞到大家咁頹,我有啲內疚。我想我地笑返,就投其所好,講下淫賤嘢氹佢啦:「Anyway,你得到過佢個人,都爽過啦下話? 」我奸笑。

「哈,我冇食過佢隻豬㗎。」屌——

「吓!你唔係同咗佢一齊三年咩?」我嚇到合唔埋口。

「係呀Fayly,我竟然三年冇扑嘢呀。」Lester 抱頭苦笑:「我竟然會唔扑嘢呀⋯⋯」

我好驚,Lester 竟然三年唔扑嘢。Lester呀,Lester Chan 呀,佢三年唔扑嘢呀。你明唔明我有幾撚愕然?如果你係熟Lester真人嘅,你就會明!原來,愛一個人可以咁奇妙。原來,真係有男人願意等。

「我對其他女好,係因為有得扑。」前度嘅說話喺腦海中閃過,我突然好想喊。我低下頭,再次發呆。

「唉,你飲唔飲水呀?我攞畀你啦。」Lester 拉我返現實,再行去攞水畀我。我望住佢嘅身影,嗰一刻,呢個男人唔同咗。

之後嗰五晚,我地一齊瞓。禁慾三年嘅佢,終於按捺不住,向我出手,佢一手⋯⋯Sor,講笑喞,劇情冇超展開,我地好和平咁去咗六日五夜,就返香港了。

 

P.S. Yoyo冇接機。

 

關於作者:霏子

迷離的字,霏微下的女子。不聽師長勸告,執意修讀中國語言文學系,正處於自甘墮落的狀態。

則留言

閱讀後覺得好,請多多讚好及分享~:)

其他熱門文章

  • 【塔羅個案】「我想分手,佢話唔好,不如去開房;然後我覺得佢仲愛我」 by 神婆
    Sally壓低聲線,「我當時話,如果你呢兩年唔娶我嘅,就分手啦!你都唔愛我嘅!結果佢聽完,同我講,唔好分手啦,不如咁,我,我同你去開房好無?神婆,妳明唔明我嗰刻嘅心情?」…
  • 毒理學家:香港係冇黑色嘅蛇嘅! by Fava Bean
    「唔⋯⋯病人冇影相⋯⋯佢話佢係黑色。」「喔。」毒理學醫生頓了一頓,突然語出驚人地說:「首先,香港係冇黑色嘅蛇嘅!」我不由得大為震驚,感覺人生迄今的世界觀被徹底刷新了,長居在此多年,連香港有蛇都不知道,更遑論會知曉此地沒有黑色的蛇!我兀自沉溺…
  • 從無綫台慶睇老屎忽點摧毀一個電視台 by 清君
    這些年來,你講得出有幾多個大台主持?阿旦、曾志偉、阿叻、Liza、Do姐,較後生的可能要數崔建邦了,或者我算漏不少人,但來來去去都是那一撮人。昨晚一開show,就是Liza、曾志偉和阿叻引領,有前輩坐鎮當然係坐定笠六,但不放手給後生揸大旗,…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 廢青的一天 by 木人里
    「我到底做緊咩?我到底做緊咩?我到底做緊咩?我到底做緊咩?幾時放工?幾時放工?幾時放工?幾時放工?幾時放工?幾時放工?下又叫我?我未回氣呀﹗幾時放工?幾時放工?屌你老母都唔撚講道理架﹗幾時放工?幾時放工?你條死老野識條春咩?幾時放工?幾時放…
歡迎讚好我們的facebook page,免費資訊源源送上。