限制使用音響設備會唔會係解決菜街噪音既方法呢?

 

(photo via cc Flickr user Наталія Сосна)

 

菜街行人專用區的街頭表演以往由個體主導,帶小型樂器做唱歌表演,經過一輪軍備競賽之後就演變成以一班人為主,仲配備大班音響,聲勢浩大云云,有演出者更聲言「講真太細聲聽的人又聽唔到,咁我哋唱黎做咩呀?」受罪既故然係菜街沿線居民,坦白講,好聽既歌日日咁輪住我我都會有受唔住既一刻架,不堪入耳個啲更加唔洗講,面對噪音問題,限制唔俾佢地用音響可唔可行呢?嗱不如先睇下現行噪音管制個成效係點先:

《噪音管制條例》係有既,有冇檢控過?都有既,根據立法會上政府回答議員嘅文件,檢控數字低到得個位數,問題在於政府亦未有完整指引幾多分貝為之噪音,而執法人員亦未有相關的測音設備以去調查,咁執法個尺度就變得主觀,衍生既舉證同檢控亦唔容易,而點樣有效解決居民免受噪音污染之苦?要求環保署完善條例4及5的準則可能係可行之法,但環保署係佢個網頁都講到明將個波射返俾執法部門,嗯很好,場波未踢完。

而睇返啱啱份文件,行人專用區係邊個部門負責管理呢?政府部門就淨係得運輸署有介紹乜野係行人專用區,但眾所週知運輸署又只係管車流同人流,而行人專用區內既其他活動係文件入面話推返俾相關既部門處理,而呢啲表演活動唔屬於康文署權責範圍,係噪音執法成效低、互不統屬、冇例可循既情況下,造成今日軍備競賽既場面。

如果有人急市民所急,要求立例係行人專用區內限制使用音響設備究竟可唔可行呢?限制唔俾用大型擴音器、音響、連大型屏幕都計算入內,一見到有人用就罰錢,舉報他人用音響,成功罰款有獎金收既,重賞之下必用勇夫,我敢肯定呢個滅聲計劃一定有效過全城中伏個個LOL。

唔用咪,咁話之佢地唱到喉嚨聲沙都唔會有好大噪音啦?唔帶喇叭唱歌/表演音樂都可以俾行人聽到架,咁樣又唔算打壓藝術表演自由姐,簡單講,依家唔係唔俾佢地發展,只係限制大殺傷力武器,咁又可唔可行呢?但係依家輿論聽落好多都係一刀切要求取消行人專用區,嗯,斬腳趾避沙蟲咁一定係冇問題啦~但咁真係倒退囉~有啲仲話要搞表演發牌制度,咁只會淪為另一個圍爐架咋,冇用架。

要解決噪音問題,就係從根源入手,按魚蛋論,大家都冇咪用、冇喇叭用咁夠唔夠公平呢?大家不妨討論下~

 

 

關於作者:武士亭

漢江泄對家

則留言

閱讀後覺得好,請多多讚好及分享~:)

其他熱門文章

  • 【塔羅個案】「我想分手,佢話唔好,不如去開房;然後我覺得佢仲愛我」 by 神婆
    Sally壓低聲線,「我當時話,如果你呢兩年唔娶我嘅,就分手啦!你都唔愛我嘅!結果佢聽完,同我講,唔好分手啦,不如咁,我,我同你去開房好無?神婆,妳明唔明我嗰刻嘅心情?」…
  • 毒理學家:香港係冇黑色嘅蛇嘅! by Fava Bean
    「唔⋯⋯病人冇影相⋯⋯佢話佢係黑色。」「喔。」毒理學醫生頓了一頓,突然語出驚人地說:「首先,香港係冇黑色嘅蛇嘅!」我不由得大為震驚,感覺人生迄今的世界觀被徹底刷新了,長居在此多年,連香港有蛇都不知道,更遑論會知曉此地沒有黑色的蛇!我兀自沉溺…
  • 從無綫台慶睇老屎忽點摧毀一個電視台 by 清君
    這些年來,你講得出有幾多個大台主持?阿旦、曾志偉、阿叻、Liza、Do姐,較後生的可能要數崔建邦了,或者我算漏不少人,但來來去去都是那一撮人。昨晚一開show,就是Liza、曾志偉和阿叻引領,有前輩坐鎮當然係坐定笠六,但不放手給後生揸大旗,…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 廢青的一天 by 木人里
    「我到底做緊咩?我到底做緊咩?我到底做緊咩?我到底做緊咩?幾時放工?幾時放工?幾時放工?幾時放工?幾時放工?幾時放工?下又叫我?我未回氣呀﹗幾時放工?幾時放工?屌你老母都唔撚講道理架﹗幾時放工?幾時放工?你條死老野識條春咩?幾時放工?幾時放…
歡迎讚好我們的facebook page,免費資訊源源送上。