【#MeToo】我曾經被人非禮,我真係有去報警

 

2013年呂麗瑤與教練合照(體路網站圖片)

 

文章開首要利申先,首先我係冇jerjer嘅。

話說最近係社會上面有唔止一單案都係疑似女事主被性侵事隔多年之後突然提告。琴日唔知係邊度睇咗篇文章(Facebook 睇完就碌過左啦)內容大致係話一個媽媽帶住個女去游泳池游水,點知媽媽係個泳池到俾人摸pat pat,但係自己都冇出聲,大致上係話咩冇證冇據對方可以聲大夾惡鬧返你轉頭唔想多事云云。
睇完呢篇文突然之間有啲感受真係好想講返啲嘢。

話說當我仲係著緊校服嘅年紀,有一日放學坐火車返屋企。突然間我感覺到自己個pat pat俾人摸左一下。我望一望個動作嘅來源,有個後生男仔低頭望緊個電話但係對眼就喺度睄下睄下咁。

其實我當時好驚,其實我覺得自己應該要好大聲咁嗌非禮, 但係我又會擔心其實佢會唔會係唔小心掃到我(btw,車廂入邊係唔迫),跟住又會擔心佢會唔會調返轉頭拎刀出嚟插我㗎?
但係當下我真係好唔甘心就咁放過佢,於是我就拍一拍佢膊頭同佢講左聲:
「先生你摸到我。」

呢個男仔表現都幾驚慌,佢同我講左一句:「哦,唔好意思呀」,然後佢落咗車。咁啱我同佢係同一個站落車但係佢一打開道門係即刻9秒9咁跑走左,我就更加肯定其實頭先佢係有心掂到我。

於是我去客務中心搵職員幫我報警。
我哋一齊翻查左閉路電視,清楚咁影到嗰個男人個樣,後我去咗警署落口供。好記得自己一個人坐咗係個保安室入面起碼過咗一兩個鐘頭,得自己一個人,好驚。諗起頭先無啦啦俾人摸於是好唔開心開始流眼淚。
呢個時候有個男警察入咗嚟望到我成面眼淚,用一個好厭惡嘅語氣同我講:哎呀你做咩喊呀?唔好喊喇。
⋯⋯
之後過咗幾個月我收到警署寄左封信比我,內容係話唔好意思過咗若干時間之後我哋都未捉到疑犯所以而家我哋會close file 喇。

我想講返呢件事,係因為當我睇到呢篇文章個老母係幾咁義正辭嚴咁幫自己唔去舉報疑犯作出辯護,我真係好嬲。

其實如果調返轉企喺個男性嘅角度睇下,
過咗咁多年先講,又真係好難令人信服。甚至有人諗緊以後同女朋友親熱嘅時候使唔使寫定同意書先,其實都幾悲哀。
呢個時候就會有人將林奕含案拎出嚟講,首先林為此重度抑鬱,最後自殺身亡,係自己嘅著作裏面影射自己經歷,父母一早知情但係要女兒死後先有人正視並且收集證據,其實係邊個既責任?

點解有咁多人明明係做緊錯嘅事,但係可以為自己作咁多理由出嚟辯護?
講返自己既經歷,就係想同大家講,個啲咩「怕麻煩」、「怕手尾」其實都係唔應該。但係有好多時都係年少無知屈服左,呢個都唔係問題。但係公開完唔願意配合法律制度,又動用自己social network 去審判制裁對方就係問題。
有人會話我寫呢篇文章係為左blame the victim。係架其實,如果係真,又點解要唔配合調查?咁搞法以後有咩事我都話對方好耐之前性侵我,咁我打橫行架啦喎。

同埋我想講,係求助過程係的確幾令人失望,因為啲警察會係咁問你有無可能係對方唔小心,對於你既情緒亦都視若無睹。但呢啲唔應該係你唔求助既原因,你要做既只係唔好放過佢,係需要好大勇氣,希望呢個社會既媒體同教育唔好再助長息事寧人既態度,對任何事都係。

 

Ps.我想同篇文章個老母講,你完全係枉為人母,如果個女被侵犯都用呢啲藉口唔去追究,咁唔該你快啲死撚左去算。

Pps.寫文時翻查下Kevin spacey既性侵新聞,原來英國係定罪前都唔會公開疑犯全名,呢個做法都值得參考下。

 

關於作者:熱情的臭閪

則留言

閱讀後覺得好,請多多讚好及分享~:)

其他熱門文章

  • 【塔羅個案】名校老師婚外情的故事 by 神婆
    大家對老師嘅印象係乜嘢?係有教無類,抑或係道德端正?我中小學都有幸就讀風評唔錯嘅所謂名校,大部分老師教學用心,係我嘅榮幸。…
  • 黃于喬(Emilia Wong) 收費裸照爭議給了我一點點的倫理學實踐。 by 司徒曉生
    亞里士多德(Aristotle)的德行論(Virtue_Ethics)強調的是行事的人是依照他的良好人格去行事,實踐道德上應該做的事,而培養人格重於大眾的價值觀。人生的目的就是成為一個有道德的人。雖然這個涉及循環論證(因為甲等於乙,所以乙等…
  • 好多謝啲網民haters 幫Emilia 宣傳裸體寫真 by Cmw Boni
    Emilia嘅plan由八蚊美金去到四十美金不等,值唔值就見人見智啦,我覺得呢個世界,明買明賣,當你地班友,又要睇又要罵,咁點解唔好好利用呢個勢去順便搵下錢,就算科學家都會搵下點樣儲起行雷啲電啦,將負面嘅嘢化為錢唔好咩。…
  • 夜半,被彈鐘的第一個人 by 余該隱
    「呢度三千蚊,我哋之間就咁算。對唔住,你令我諗起一個人……」Sally眼定定望住三張金牛,佢唔係未試過俾人彈鐘,但喺半夜三點,俾人彈鐘仲要收足錢,就真係第一次。…
  • 唔通波大著衫會柒啲架? by 堂前燕
    話戴咗呢隻bra令個胸集中啲睇落去大啲,聽到真係笑到我gapgap聲,個pad仲大過你個胸睇落緊係大架,你唔好話塞兩個手球落去,大過杉原杏璃都得啊。…
歡迎讚好我們的facebook page,免費資訊源源送上。