不如我講下我俾人屈「性侵」既經驗

 

運動員#metoo事件,我見到網上而家好兩極:左膠好唔明白點解而家好多網民叫個事主出黎報警,三番四次重覆話「個女仔要受好大壓力性別不對等」。我地明,堅係明。我睇過好多左翼朋友既facebook貼文,岩,係好岩,只係我覺得有樣野好奇怪:點解佢地硬係唔識企係班網民立場諗野?

如果係咁,不如我講下作為男性,我遇過既經歷。

 

「講起我就扯火喇」

我之前做既公司,因為我工作風格比較自由奔放(加上小弟讀書個陣思維都好liberal),咁同個班因為宗教呀工作崗位都同我唔同既人,相處時唔係話唔好,只係feel 到大家都好唔同既。咁好正常,出黎做野唔係個個都夾。

只係有一次,我搵其中一個女同事傾野,同佢傾傾下,我拎佢背後既file時,佢忽然大叫「你唔好靠過黎」,我直頭呆撚左,我feel到全公司既人都對我側目。然後佢講番成件事:原來有次我同佢一齊招待D客,我伸手去拎佢檯頭卷膠紙,佢話個一刻我爭D揩到佢個胸。自此佢地講是非話我咸濕、唔知我想點,總之當我地獄淫獸。我有同佢解釋件事,我甚至話「如果令你唔開心,我好抱歉,我原意唔係咁。」

講完,無補於事。信某宗教既人可能真係比較小圈子比較講是非,自此我同佢地合作就難左,同事冷漠左(有個同事同我同校出黎,我叫開佢英文名,佢自此同我講「唔該你唔好同我扮熟,請叫我乜小姐」),我呢半年完全俾人隔離咁滯。之後轉工件事就完左。

 

「我係撚父權社會嘅既得利益者?」

我好理解個女仔感受,佢地講是非講到我形象唔好,咁我做咩對佢黎講都係威脅。其實,假設,佢幾年後玩埋 #metoo 又放上網又講件事,如果我又俾D網民順藤摸瓜起到我底,佢係某宗教信徒乖乖女素人一個(外貌身材唔評論),我就算幾乖幾宅都好,過左咁多年,死無對證,我會否失去工作?我會否被人起底批判?我會否夜晚出街買七仔都俾人話我畏罪潛逃?我真係「それでもボクはやってない」(儘管如此,我沒做過)。

只係:其實而家既case,exactly 就係呢個假設既情況,亦都係我面對過既情況;而家好多網民既憂慮,就係呢樣。我地只係一介平民,我地唔係權貴,唔係咩大人物,可能只係一班日常生活有D麻甩既男仔。我地遭受性罪行既指控,不論我地是否真的做過,都先處於被譴責既位置,我地往往會先受到傷害,然後才面對漫長既調查,身邊既人先至慢慢重新了解番我。呢方面其實我地同性侵受害者係一樣的,教科書成日話「父權社會」,現實係不論男女,都是既係施害者,亦係受害者。

所以,我想講:點解我地想受害者出黎報警,唔係唔了解佢受既苦,唔係唔明白佢受到二次三次N次傷害,甚至我個人立場,我係相信今次運動員事件事主講既說話的。只係從呢件事我地睇到,我地男性同樣會受到無理既攻擊、莫名既傷害,而不論實件是否屬實,甚至女性是否有意裝男人彈弓。社會不乏呢D case。

我地都想個社會俾番一個相對公平既環境,令我得到相對公平公正既對待,令我可以有一個較理性既渠道接受判決。如果有一日真係我犯罪,我一時精蟲上腦性侵人,我最後俾人判入冊,我執下番梘通下肛門括約肌,咁我都係「條路自己揀,仆街唔好喊。」但係我地真係好害怕一個未審先判既場景發生在我地小市民身上,我地都害怕我地個名俾人登報紙,我地害怕自個fb俾人洗板鬧我地獄淫魔,甚至無左份工。

而呢個同樣都係性別議題黎。呢個都係我地關心既野。點解女權呀性別呀個D佢地唔講、甚至可能唔理解而家網民對「放件事上司法程序」既渴求,背後既性別不公?無審視過社會當我地每一個男性都被視為潛在既施害者既壓力,一有風吹草動就殺左個男人先?

 

「左翼如果再用以前套思維,真係幫唔到件事」

我明白的,我識好多左翼既朋友。左翼有佢地既思想背景,佢地承襲既社會經驗脈絡。我理解佢地對男性受害既恐懼唔係好掌握到。我同樣好了解好多網民其實留言語氣好差、又或者連代入女仔個角度、去感受女仔既軟弱既能力都無,甚至乎有D討論區某D人講既野係俾人一種「嘩乜料」咁既感覺。

但係父權社會個定義就係咁,金權父權底下弱勢男女互相傷害,雙方都好難踏出一步。我會將件事blame多左落去左翼度,因為我assume佢地比其他人更讀過下書,佢地亦都好有心走出公共領域,去推動性別平權,所以佢更應知道,運動員metoo一事一上左公共領域,就唔再係單單女性所受既壓迫既問題,佢地更有責任去理解雙方既恐懼,站在雙方立場思考,共同締造一個大家feel free講性,一齊攪好件事既環境。

但如果佢地做唔到呢一點,下下用人地(自己)受性侵既經歷去令自己偏向一邊,欠缺左在公共領域應有的冷靜同多角度思考,咁唔好學人講性別平權,佢地都僅僅係一班網絡花生友唧,頂多你地D文寫得好睇D文筆好D咁樣樣。

 

關於作者:冷血的戇鳩

之前有位筆名「熱情的臭閪」篇文好正,咁我用呢個筆名。

則留言

閱讀後覺得好,請多多讚好及分享~:)

其他熱門文章

  • 【塔羅個案】名校老師婚外情的故事 by 神婆
    大家對老師嘅印象係乜嘢?係有教無類,抑或係道德端正?我中小學都有幸就讀風評唔錯嘅所謂名校,大部分老師教學用心,係我嘅榮幸。…
  • 黃于喬(Emilia Wong) 收費裸照爭議給了我一點點的倫理學實踐。 by 司徒曉生
    亞里士多德(Aristotle)的德行論(Virtue_Ethics)強調的是行事的人是依照他的良好人格去行事,實踐道德上應該做的事,而培養人格重於大眾的價值觀。人生的目的就是成為一個有道德的人。雖然這個涉及循環論證(因為甲等於乙,所以乙等…
  • 好多謝啲網民haters 幫Emilia 宣傳裸體寫真 by Cmw Boni
    Emilia嘅plan由八蚊美金去到四十美金不等,值唔值就見人見智啦,我覺得呢個世界,明買明賣,當你地班友,又要睇又要罵,咁點解唔好好利用呢個勢去順便搵下錢,就算科學家都會搵下點樣儲起行雷啲電啦,將負面嘅嘢化為錢唔好咩。…
  • 夜半,被彈鐘的第一個人 by 余該隱
    「呢度三千蚊,我哋之間就咁算。對唔住,你令我諗起一個人……」Sally眼定定望住三張金牛,佢唔係未試過俾人彈鐘,但喺半夜三點,俾人彈鐘仲要收足錢,就真係第一次。…
  • 唔通波大著衫會柒啲架? by 堂前燕
    話戴咗呢隻bra令個胸集中啲睇落去大啲,聽到真係笑到我gapgap聲,個pad仲大過你個胸睇落緊係大架,你唔好話塞兩個手球落去,大過杉原杏璃都得啊。…
歡迎讚好我們的facebook page,免費資訊源源送上。