殺手

 

 

作為一個殺手,我把身份掩飾得十分出色。

十年前,我接到國家的任務。
「每個國家既年輕人都係未來既社會棟樑。所以,要破壞一個國家,首先就要殺晒佢地最出色既年輕人。而家我派你去敵國殺左佢地,有冇問題?」長官問。
「冇問題,呢個任務交比我啦,我一定做得好好睇睇。」
於是,我來到這間達官貴人子女專讀的名校,準備殺死他們未來的大人物。當然,我不能大無私樣直接殺死他們,所以我決定去應徵做老師,找一個機會把出色的學生殺死。
成功成為老師後,我明白到一定要贏得學生信任,才能好好找一個機會殺死他們。於是,我常常裝出一副大義凜然的樣子,好等他們以為我是一個值得敬畏的師長。間中我又會背起幾句傳統的名言,令他們以為我真的學識淵博,更容易得到他們的信任。

「陳老師早晨。」在中文課時全班起身向我鞠躬。唯獨是坐在最後的林非凡伏在桌子上睡覺。
「咳咳,林非凡。」我輕輕一叫。
他立即彈了起來,「對唔住呀陳sir,聽日學屆籃球比賽總決賽,呢幾日練波練到好夜,所以唔夠訓。我下次唔會架喇。」他是一個勇於承認錯誤的好學生。
「你咁樣唔得架喎,落左堂黎見我。」我吩咐。
課堂開始了,我的課堂有一個特色,就是我不容許任何學生向我發問。因為我說的就是道理,在課室內的地方我不容許有人向我對出質疑,好讓我建立尊嚴,令學生對我信服。而每天經過80分鐘的連堂洗腦,他們都對我相當信任。
「鈴鈴鈴…」下課鐘聲響起,林非凡跟我在教員室內對話。

「林同學,我諗你都知道你今年中五,好快就要考dse。如果你而家仲成日上堂訓教,你點樣可以吸取課堂知識去應付dse?」
「唔好意思呀陳sir,因為近排真係練波練得多咋,我應承你一打完比賽我會比心機聽書架喇。」
「林非凡,老師呢知你係乖仔黎架。但你諗下打波同埋讀書邊樣重要先?你打波贏左又點,你出到黎做野有冇人會因為你贏過學屆而請你?冇架。但係你考好個dse,讀到大學,將來一定大把前途。你覺得為左一場比賽令到成個人生都咁多挫折,值唔值得丫?你都知我一直最錫你地,唔會呃你地。信我啦,好好讀書,唔好諗咁多其他野喇。」
「知道喇老師,我打埋聽日場波,就會停一年唔再打波,好好讀書架喇。」
「你明就最好啦,呢個地方,你都要搵到錢讀到書先可以追夢架知唔知。唔好成日掛住打波喇,讀好書啦!知唔知?」我語重心長地說。
「知道喇,多謝老師。」

「報告長官,今日我又殺死左一個學生。」我在那本殺人簿上畫下第七十個「正」字的最後一筆。

 

 

關於作者:九妹

則留言

閱讀後覺得好,請多多讚好及分享~:)

其他熱門文章

  • 港島人同九龍人,有鬼分別咩! by 小李子
    筆者係地道九龍人,由細到大讀書做嘢都係九龍區,冇乜必要好少喺港島區留連。 但自從上個月搬咗去上環做嘢,我就發覺港島人真係零舍唔同,係零舍串呀! 行去中環食lunch,個個西裝友都好似特別白鴿眼咁, 連翠華個阿姐都特別惡! 但我到最近機緣巧合…
  • 我可以肯定,大部分人並不適合一個人旅行。 by 達米安
    獨自一人在舉目無親的地方會令人變得緊張,因為無論遇上甚麼難題,發生了甚麼意外,都不會像在家鄉一樣有家人朋友的支援,也沒有了對公共系統的熟悉,所有後果都得自己承受。更甚者,當在語言不通的地方時,連如何向路人求助,都可以是一個難題。只要不是太缺…
  • 【塔羅個案】基督徒黎開牌問:「我個仔契比黃大仙好唔好?」 by 神婆
    「我想問下個仔契比黃大仙好無呀,」Angela個樣好認真,「會唔會以後條路易行啲?」…
  • 【偽影評】 《棟篤特工》:電影的隱喻? by 馮志豪
    作為大學主修哲學的子華神,不少演出都是借故事諷時事,甚至有時直接觸及政治神經,例如他在楝篤笑中曾經說過 : 「知唔知一國兩制最偉大地方係乜?就係肯承認佢自己個制真係嚇親人!」和「全港市民熱烈慶祝『收返』!」等,令中在笑中帶來一點思考。…
  • 25歲以後 by 小盛女
    當我永世做Marketing,由assistant升到officer再升到senior又甚或是咁好彩升到manager,人工都可能只有2、3萬,日日做到隻狗咁,到頭來首期都儲唔到,真係諗起都一額汗,最後我想了十萬九千次,只有兩個辦法可以解決…
歡迎讚好我們的facebook page,免費資訊源源送上。