【體檢中心的早與晚】話就話中三生揀科,其實都係阿爸阿媽揀科

 

 

話說大概十二、三年前左右啦,果時我都仲係個學生哥。當時,老師印影左一宗新聞,叫我們對呢宗新聞表達看法,單新聞大概就係話泰國有間診所,對於基因問題已經取得一定研究成果,話預計十年之後,佢地將會研究到方法搵出每個人身上的優良基因,然後生兒育女時,將父母最優良的基因都遺傳晒比仔女。例如,父母的基因裡埋藏住優良的音樂天賦,佢地只要比得起錢,就可以令仔女都遺傳到呢個優良基因,等將來的仔女都有音樂天賦。

十幾年前的新聞,而家諗返,其實都真係吹得幾大,但當時又有人信,至少起碼我當時個老師講到似層層咁,信到十足,屌,未來的事,你點吹都得啦。即使來到今時今日,其實對於基因檢測的力量,都只係去到可以睇到你比較容易患上咩病,有咩天賦之類。而對於基因檢測,其實市面上都仲係有好多人係唔信。點解D人而家唔信基因呢?好重要的一個原因,就係因為以前D人將基因工程的力量吹得太大,把口就講得快,但科研跟唔上,你可能手上有大量資料、數據,證明自己對基因發展的預測係正確,但科研需要時間,你講左之後,市民就期望好快有,但科研往往需要數以年計的時間和資源投入,結果就造成左落差。

而現時來講,天賦基因檢測一直都係最好賣,由BB去到十幾歲揀科目的後生仔都有。話說,有次有對父母,帶個中三小朋友過來做天賦基因檢測,話晒中三嘛,要揀科,咁個仔又決定唔到,於是咪帶佢過來,睇下有無啟發囉。其實個小朋友做天賦基因之前,就已經做過智商測試,未去到資優,但都算係一個中上智力的人。

其實就算做天賦基因檢測都好,都唔會直接可以幫個小朋友揀到科,但都可以透過測試佢能力上適合做咩職業,從而推論揀咩科。當驗完之後,個老豆老母去左聽報告,而個小朋友就係外面等。咁醫生就同個老豆老母講:「你個仔對於文字理解能力比較強,適合做一些文字相關和工作,而佢亦都有良好的社交表達能力,可以做銷售的工作。」我聽到之後,其實覺得咁都唔錯,起碼知道左阿仔文字方面比較強,可以揀一D著重文字的科目,而唔係向數字、技術、手藝方面發展。

咁個老豆老母聽完,又追問左醫生幾句:「如果阿仔唔向住你建議的方向發展,會唔會令到成世都撈到好唔掂?」

咁醫生總唔會一口斷定話「你個仔唔聽我講就仆硬街」,唯有講D客套說話:「都唔會既,始終人既事業發展都有好多因素影響住。」

之後,個老豆老母出黎去,就變左同阿仔講另一番話:「阿仔,你睇下份報告,醫生話你適合讀BIO 、CHEM 之類的科目。」我當場打左個凸,吓,醫生講到咁,擺明應該建議個仔讀文科啦,點會變左BIO同CHEM。

然後阿媽繼續講:「醫生話你,文字理解能力比較強,讀BIO就PERFECT,加上你社交表達能力強,你投身返醫療行業就最好,因為醫療行業要成日同病人解釋好多野,表達能力強,係好大優勢。」

我心諗,你唔好玩我啦,表達能力係醫療行業入面係好大優勢?點睇表達能力強最直接嘅好處就係做SALES啦,你咁樣,其實根本唔洗拎咩報告,自由創作算數啦。

其實,體檢就係咁,客人唔係想知自己有咩病,而係想知自己無病。做基因檢測,客人唔係想買到專業意見做判斷,只係想買數據支持自己的判斷。

 

關於作者:體檢小子

體檢中心其實好搞笑

則留言

閱讀後覺得好,請多多讚好及分享~:)

其他熱門文章

  • 港島人同九龍人,有鬼分別咩! by 小李子
    筆者係地道九龍人,由細到大讀書做嘢都係九龍區,冇乜必要好少喺港島區留連。 但自從上個月搬咗去上環做嘢,我就發覺港島人真係零舍唔同,係零舍串呀! 行去中環食lunch,個個西裝友都好似特別白鴿眼咁, 連翠華個阿姐都特別惡! 但我到最近機緣巧合…
  • 我可以肯定,大部分人並不適合一個人旅行。 by 達米安
    獨自一人在舉目無親的地方會令人變得緊張,因為無論遇上甚麼難題,發生了甚麼意外,都不會像在家鄉一樣有家人朋友的支援,也沒有了對公共系統的熟悉,所有後果都得自己承受。更甚者,當在語言不通的地方時,連如何向路人求助,都可以是一個難題。只要不是太缺…
  • 【塔羅個案】基督徒黎開牌問:「我個仔契比黃大仙好唔好?」 by 神婆
    「我想問下個仔契比黃大仙好無呀,」Angela個樣好認真,「會唔會以後條路易行啲?」…
  • 【偽影評】 《棟篤特工》:電影的隱喻? by 馮志豪
    作為大學主修哲學的子華神,不少演出都是借故事諷時事,甚至有時直接觸及政治神經,例如他在楝篤笑中曾經說過 : 「知唔知一國兩制最偉大地方係乜?就係肯承認佢自己個制真係嚇親人!」和「全港市民熱烈慶祝『收返』!」等,令中在笑中帶來一點思考。…
  • 25歲以後 by 小盛女
    當我永世做Marketing,由assistant升到officer再升到senior又甚或是咁好彩升到manager,人工都可能只有2、3萬,日日做到隻狗咁,到頭來首期都儲唔到,真係諗起都一額汗,最後我想了十萬九千次,只有兩個辦法可以解決…
歡迎讚好我們的facebook page,免費資訊源源送上。