翻版VCD 唔止係翻版VCD

 

 

係呢個上網睇戲睇劇仲易過落街買包煙既時代,好多人甚至連咩係VCD都唔知係乜。簡單的講,VCD就係你放入部電腦或者VCD機就可以睇戲睇劇既媒體,全名係影音光碟Video Compact Disc。既然用得做CD作為儲存媒體,畫質就算同DVD比都衰十萬九千倍,用4仔做例子就係內置有碼,或者可以話係十年前手提電話相機既質素。

你可能會問,咁低質都有用錢買甚至有人特登copy的咁低質既野仲可以拎黎賣?大佬,果時唔好話Facebook,Youtube都未有,你要去share一段影像比朋友,最快既方法係直接比隻只可以寫一次資料落去既VCD人地。當時唔係個個咁有錢買DVD,甚至連正版既VCD都嫌貴,所以就有翻版VCD既出現。

當年翻版VCD鋪真係開到成行成市,不論係租鋪賣定係街邊走鬼檔,仲多過依家上水既藥房。有的仲有諗頭到自助式購物,你要邊隻就自己拎然後放錢落去個寫住「收銀處不設找續」既紙皮箱裡面,有咩新戲上最新偷拍版就會貼張用螢光硬卡紙整既thumb up貼紙係上面吸引人買。

我記得我最後一次買既時候係五十蚊三隻,你諗下,五十蚊可以睇三套戲,成件事幾咁美好幾咁夢幻?如果我三套都簡王家衛,呢張比出去既20蚊都突然好似做左藝術品。你諗下好喇,你睇過翻版VCD你就會明點解VCD都會有人睇,當時既手提攝錄機仲係用緊錄影帶黎拍野,而且要燒落隻碟到其實仲要有的技術野要搞,所以畫質一定差一大截,睇唔到字幕就緊架喇,最慘仲要時光時暗,再加上唔係個個入戲院偷拍既都識點拍甚至用部機,而且戲院出16:9,但當時部機可能係4:3,如果有隻翻版VCD能夠坐到個院裡面既皇帝位由頭到尾都冇移動過鏡頭,而又同時唔比人發現佢偷拍緊,其實都真係要比個最佳攝影佢。除左鏡頭導致既問題,另一樣就係收音問題,你係就係聽到對白,淨係頭一個音同最尾個音囉,基本上係仲衰過當年Winmx下載既派台歌質素,仲要不時有現場觀眾既傾計聲、笑聲、開野食聲幫你助下興。最正應該都係人影呢樣野,你睇過你就知,唔知係當年香港人睇戲係慣遲入場定係普遍泌尿系統有問題,無論套戲係開頭定去到高潮位,硬係不時有人食玻璃大有人影走黎走去。

咁既質素都有人買,無非都係想搵下細藝過下日晨,唔通你期望隔離屋七嬸剪住腳甲睇TVB會研究佢點玩Cinematography咩?當年冇智能電話冇IG冇FB冇得上網睇戲冇得上網煲劇,所有野都唔係咁唾手可得。到到今日睇返翻版VCD呢樣野,就莫名感到時代既眼淚,睇的咁低質既翻版VCD可以講話係浪費生命,值得回味既係當時你曾經同邊個係邊到睇既種種回憶。可能以後再冇人識「五十蚊三隻」「三樓有三仔,四樓有四仔」,好多曾經影響我地生活既野,可能下一秒就已經不知不覺消失。低成本高回報高風險,曾經聽過話有人賣老翻發左達仲移左民,唔知佢睇返今日呢個香港,又會有咩感受呢?

 

 

關於作者:彌敦道9號

彌敦道9號
曾經會考和高考的中文作文都拎U,感謝所有肯看我文章的人。謝謝你。

則留言

閱讀後覺得好,請多多讚好及分享~:)

其他熱門文章

  • 港島人同九龍人,有鬼分別咩! by 小李子
    筆者係地道九龍人,由細到大讀書做嘢都係九龍區,冇乜必要好少喺港島區留連。 但自從上個月搬咗去上環做嘢,我就發覺港島人真係零舍唔同,係零舍串呀! 行去中環食lunch,個個西裝友都好似特別白鴿眼咁, 連翠華個阿姐都特別惡! 但我到最近機緣巧合…
  • 我可以肯定,大部分人並不適合一個人旅行。 by 達米安
    獨自一人在舉目無親的地方會令人變得緊張,因為無論遇上甚麼難題,發生了甚麼意外,都不會像在家鄉一樣有家人朋友的支援,也沒有了對公共系統的熟悉,所有後果都得自己承受。更甚者,當在語言不通的地方時,連如何向路人求助,都可以是一個難題。只要不是太缺…
  • 【塔羅個案】基督徒黎開牌問:「我個仔契比黃大仙好唔好?」 by 神婆
    「我想問下個仔契比黃大仙好無呀,」Angela個樣好認真,「會唔會以後條路易行啲?」…
  • 【偽影評】 《棟篤特工》:電影的隱喻? by 馮志豪
    作為大學主修哲學的子華神,不少演出都是借故事諷時事,甚至有時直接觸及政治神經,例如他在楝篤笑中曾經說過 : 「知唔知一國兩制最偉大地方係乜?就係肯承認佢自己個制真係嚇親人!」和「全港市民熱烈慶祝『收返』!」等,令中在笑中帶來一點思考。…
  • 25歲以後 by 小盛女
    當我永世做Marketing,由assistant升到officer再升到senior又甚或是咁好彩升到manager,人工都可能只有2、3萬,日日做到隻狗咁,到頭來首期都儲唔到,真係諗起都一額汗,最後我想了十萬九千次,只有兩個辦法可以解決…
歡迎讚好我們的facebook page,免費資訊源源送上。