【反領展】革命唔係請客食飯,但冇話唔俾攞廣告贊助架嘛~

政治 / 最新文章綜覽

 

 

政界又爆出羅生門事件,主角為新民黨主席、立會議員葉劉指控領展公共政策顧問、專欄筆名為「利世民」的李兆富恐嚇葉劉,李涉嫌對新民黨袁彌昌講「叫葉劉好收手喇喎,再唔收手呢,就郁佢啲區議員㗎喇」雙方都各執一詞,而葉劉於訪問時更爆出領展不斷派出公關透過第三者道歉及力邀設宴款待,但葉劉拒絕更指:「以為請你食兩餐,飲靚酒就擺平我咩?簡直荒謬」。

葉劉呢一種姿態同態度係值得令人尊敬,但唔代表每個代議士甚至政黨能夠有呢一種既底氣,有啲政黨係面對現實既時候,好難唔向現實低頭既~講一套做一套,繼續尸位素餐,講緊既就係民主大黨。

 

//領展派專欄作家李兆富向其黨的政策總裁袁彌昌說「叫葉劉好收手,再不收手就會『郁』她的區議員」//#有一種文風叫領展派 #領展派用唔用逗號#鄺神點睇…

Posted by 健吾 on 2017年12月6日

 

民主大黨貴為當時支持領匯(領展前身)上市既中堅份子,又係最先炒作領展以及地產霸權概念議題,塑造出對抗霸權、維護弱勢的「高尚」情操,當中係藉以此等問題成功吸納基層尤以厭惡建制派的選票,「我向霸權宣戰」既文宣深入民心。然而,所謂既反對只係流於表面,遊行、口號、道具皆為抗爭不可或缺之物,但亦僅此而已。有冇更高層次既行動呢?冇,所謂既反對只係口講個一套,而呢啲口號式既抗議行動對領展有咩作用呢?冇。因為佢地雙方都知佢有佢反,佢有佢玩。

口號抗爭唔成功最多你話佢隔靴搔癢,但至少仲有對準政權吖,之但係你前面批評領展,後面就收返領展既廣告贊助又點解釋呢?今年佢地大黨黨慶,送嘉賓既小冊子就有一頁印有領展既廣告贊助;即係反對人又收人錢?面對質疑,民主大黨既司庫袁海文(即係積極考慮九西補選個位人兄)就誓言旦旦話唔會因捐款而改變立場,係呀,革命不是請食飯,冇話唔俾收贊助架嘛嗯,批評領展又有領展既廣告贊助,一個政黨可以如此靈活變通,可謂港人之福呢~

一個政黨,前面有人行軍打仗,後面就有人收錢通敵,俾人發現前面hea 打後面真收錢仲同你死兜爛兜,你仲信唔信民主大黨?

依家有人公然恐嚇民選議員,一邊係地產霸權一邊係民選議員,究竟班日講夜講俾人打理既泛民會講咩呢?

 

延伸閱讀:

【相愛相殺的示威】

【領展贊助廣告 民主黨被批】

 

關於作者:武士亭

漢江泄對家

則留言

閱讀後覺得好,請多多讚好及分享~:)

其他熱門文章

  • 港島人同九龍人,有鬼分別咩! by 小李子
    筆者係地道九龍人,由細到大讀書做嘢都係九龍區,冇乜必要好少喺港島區留連。 但自從上個月搬咗去上環做嘢,我就發覺港島人真係零舍唔同,係零舍串呀! 行去中環食lunch,個個西裝友都好似特別白鴿眼咁, 連翠華個阿姐都特別惡! 但我到最近機緣巧合…
  • 我可以肯定,大部分人並不適合一個人旅行。 by 達米安
    獨自一人在舉目無親的地方會令人變得緊張,因為無論遇上甚麼難題,發生了甚麼意外,都不會像在家鄉一樣有家人朋友的支援,也沒有了對公共系統的熟悉,所有後果都得自己承受。更甚者,當在語言不通的地方時,連如何向路人求助,都可以是一個難題。只要不是太缺…
  • 【塔羅個案】基督徒黎開牌問:「我個仔契比黃大仙好唔好?」 by 神婆
    「我想問下個仔契比黃大仙好無呀,」Angela個樣好認真,「會唔會以後條路易行啲?」…
  • 【偽影評】 《棟篤特工》:電影的隱喻? by 馮志豪
    作為大學主修哲學的子華神,不少演出都是借故事諷時事,甚至有時直接觸及政治神經,例如他在楝篤笑中曾經說過 : 「知唔知一國兩制最偉大地方係乜?就係肯承認佢自己個制真係嚇親人!」和「全港市民熱烈慶祝『收返』!」等,令中在笑中帶來一點思考。…
  • 25歲以後 by 小盛女
    當我永世做Marketing,由assistant升到officer再升到senior又甚或是咁好彩升到manager,人工都可能只有2、3萬,日日做到隻狗咁,到頭來首期都儲唔到,真係諗起都一額汗,最後我想了十萬九千次,只有兩個辦法可以解決…
歡迎讚好我們的facebook page,免費資訊源源送上。