廢老黎則奮(Q仔)插爆𨋢事件再三跟進

 

 

因為廢老Q已Hide咗post,為咗方便無追Post的朋友,我先簡述一下:

1. 戇Q爺去時代廣場食飯,因為衝Lift將拐杖當自己嘅「手臂延伸」卡咗入架Lift度,整壞人地架Lift。

2. 戇Q爺指控管理人員事不關己,只識打比維修電梯公司處理──其實電梯故障牽涉安全風險同機件損壞,由專業人員處理正常不過──萬一管理人員幫你搞條拐杖果陣進一步整爛架Lift或者出咗意外,你廢老Q賠得起咩!(黎則奮於FB回應指:正白痴!要不要賠條命給你!)

3. 戇Q爺進一步指控自己呆等30分鐘事情仍未獲得解決──我自己親身經歷過困Lift,45分鐘維修人員趕到現場係最低消費,唔明呢條廢老係咪趕住去死,心急成咁。

 

 

至於中間佢同網民啲爭執,我就廢事逐點列出,但我比較關注嘅有幾點:首先係廢老Q果副不可一世嘅嘴臉,都唔好講惡人先告狀呢個問題,你遇到不快事件,無啦啦做乜牽扯到去香港嘅競爭力?佢沈唔沈淪關你投訴成唔成功咩事?將自己個人利益堂而皇之咁同香港前途發展掛勾,就係黃屍老屎忽最討厭嘅地方──例如本土派擲磚就係令香港沈淪、保住飯民大台就令香港前景有希望,表面上有一堆似是而非嘅道理,但實際上只係根據自身利益同一己喜惡黎做判斷

再進一步,廢老Q呢班老屎忽,就係最鍾意用自己嘅權勢同地位黎逼迫其他人獲得好處。點解時代廣場會識得寄果籃去D100?除咗廢老Q響投訴同時響自己個朵,暗示時代廣場如果逆佢意就會搞大件事,仲有其他可能咩?雖則呢班黃屍老屎忽口講大愛普世公平公義,但骨子裡就係相信金錢權力至上,亦樂於運用呢兩樣去迫使敵人屈服響自己之下──然後你係好容易睇倒,果堆飯民大台策略派,每每扮哂客觀同你辯論無幾耐,就會用「廢青」、「你搵幾多錢」、「你做緊咩Post」、「我有幾多身家幾大成就」黎撻你,所以黎則奮認同「廢青=低端人口論」,亦係正常。

最後,因為自己嘅脅迫得逞,黎則奮對時代廣場嘅態度就立刻有180度轉變,即刻讚佢地係香港嘅希望──時代廣場過往劣跡斑斑侵用公共空間嘅紀錄,也就前事不究了。作為時事評論人,只以一己之私衡量社會公益,如此眼光狹窄竟能在香港時政界生存,我地係咪要為港豬嘅劣根性感到可憐?時代廣場欺侮一般市民,但對有知名度、傳媒地盤嘅老屎忽卑躬屈膝,而竟然仲有一班港豬讚好,呢個,先係見證香港沈淪最悲哀嘅事實。

 

 

關於作者:無神論者的巴別塔

則留言

閱讀後覺得好,請多多讚好及分享~:)

其他熱門文章

  • 雞之報應 by 霏子
    二零一四年嘅春天,阿海同阿琪仲讀緊Year_One,阿海仲未識到Miki,同阿琪仲係好friend。嗰一年,佢地見證咗一場悲劇,阿海稱為「雞之報應」。 …
  • 地鐵 by 李天恩
    生活在香港這樣的都市,女孩子們基本上都能從對方的衣著、裝扮、服飾及姿勢態度上得知許多資訊,從經濟狀況到住在哪一區,大致都能看得出來。我瞄了瞄自己的手腕,同時察覺那兩位女孩都偷偷督向我左手配戴著的卡地亞手錶,這隻手錶一般不是我這個年齡的女生有…
  • 我係搞手我係狗(二)——「啲女係咪處?」 by 霏子
    屌,我知你有畀錢,但都唔使咁過份,問埋我啲女係咪處㗎?我班女都係畀同一個價㗎咋,咁佢地係咪又可以要求你有超強御女術呀?呢條友真係當正我係媽媽生。最後,我冇追問佢嚟唔嚟,而佢都係嚟咗。…
  • 罷買萬寧真的可以嗎? by Terence Yun
    或者有一些參考,就是日本麥當勞的經歷。當年因為福喜事件拖累,日本人不再喜歡麥當勞,對其感觀以及服務給予堅決的說不,使日本麥當勞經歷過最嚴重的業務衰退,曾經大蝕347億日元,關掉160家門市,寫下進軍日本45年來最慘的業績。但到去年,該公司業…
  • 世上有種自虐,叫stalk男友和他的前度 by 預妍
    為左可以stalk到想stalk既嘢,可以去到幾盡?有朋友試過開Fakeaccount去加男朋友前度既Facebook同IG,有朋友試過為左搵佢地相愛的經過由男朋友Facebook2015年即係依家碌到去盤古初開,有朋友為左stalk男朋友…
歡迎讚好我們的facebook page,免費資訊源源送上。