趁本土派四分五裂,政界慣犯不顧倫理「打荷包」?

 

 

3.11立法會補選,就點都炒唔熱。泛民「一個美麗誤會」之下搞初選做唔到效果,反而令一向係檯底先知的泛民派系不和浮上水面。加上初選論壇投票猶如同鄉會換莊遊戲,我係工賊二世同深水埗二世祖就開心定先。

花生友聽到,九西同新東個位,因為係由青政同委託青政的本民前玩大咗而DQ 出嚟。兩區泛民初選候選人都努力同青政做deal,務求得到青政祝福但又不致於被選管會DQ。據聞代表自決派轉戰九西的姚松炎,就同被DQ 的游小姐密斟過。

不過,新界東的情況就變得「七國咁亂」。受本民前所托而出戰的張秀賢,因為最後參與泛民初選而不直接劍指3.11,而被青政中人不滿。巴治奧當初與黃台仰一同向鄭宇碩教授保證挺張一幕,現在卻因黃台仰棄保潛逃而「夾唔住巴記」,而令青政有更大空間「走數」,更令本民前認可的張秀賢兩邊不是人。

而政界流傳,巴治奧近月對張秀賢態度曖昧,令本土派二三線人物蠢蠢欲動,希望促成「我代表巴治奧的青政」一說而劍指3.11 大位。其中一位,便是中大本土學社,曾經為新民主同盟社區主任,現時為社區網絡聯盟的劉穎匡。盛傳劉將於周六舉行記者會,宣佈自己受青政支持出選3.11新東議席。不過,有泛民中人私下表明,劉穎匡政治品格及私人生活操守,早已人所皆知。如果他未在「洗底」前強行出選的話,泛民中人特別是他的前黨友們將會毫不保留「放料」,勢將打沉劉穎匡選情及其背後新東「政界慣犯」網絡,要他們在2019「永不超生」。亦有本土派中人質疑,巴治奧未有如劉所說,在月中一本土派活動中共同出現,故此認為劉「自吹自擂」居多;本土派支持者不宜all-in,皆因劉的人氣遠遠不及2016年參與補選的梁天琦,甚至劉的女友比他在網上更有名氣。

另一個焦點人物,便是N姓家奴「將軍澳民生關注組」的陳展浚。陳展浚的政績相當「彪炳」,當初落學民思潮格而被踢出會,後冒認學民籌款;經黃成智引薦入過民主黨,威迫新民主同盟退選……今次選舉,他站在新民主同盟范國威及同屬學民出身的張秀賢的對面,all-in左膠郭永健。據聞郭永健輸了初選或補選都好,2020張超雄個位都是他代表出征。工黨在將軍澳苦無立足之地,故此與「政界無朋友」卻在將軍澳有地區工作的陳展浚來個魔鬼交易。陳展浚亦會因此向郭永健的工黨「獅子開大口」,實在不足為奇。

距離泛民初選不足兩星期,究竟泛民與本土派怎樣捉下一步棋,尚有太多未知之數。不過有一點就一定知的,就是鄧定彪差不多以「坐定粒六」心態出選,一雪2016前恥了。

 

關於作者:你唔知我先知

你唔知我先知
我係先知。點解我係先知?點解我要俾你知

則留言

閱讀後覺得好,請多多讚好及分享~:)

其他熱門文章

  • 琴日我第1次約PTGF,有感而發(利申23歲男) by losing her was blue
    話說前日放假,無聊係IG到禁下ptgf呢樣野睇下。我就咁睇,行個街,睇場戲,全部都收人幾百蚊個鐘。但我見到個tag有成4萬幾個post。係個刻,我就知道,原來真係有人會幫襯。係到我想講句,多謝哂你班仆街毒撚/9公係到成日頂爛市,做壞規矩,寵…
  • 雞之報應 by 霏子
    二零一四年嘅春天,阿海同阿琪仲讀緊Year_One,阿海仲未識到Miki,同阿琪仲係好friend。嗰一年,佢地見證咗一場悲劇,阿海稱為「雞之報應」。 …
  • TVB 是大到不能倒 by 阿享
    香港有咩企業唔可執笠?公營企業,港燈、中電,煤氣?四大發展商?港鐵?港交所?你依家要我答,通通唔係。TVB先係最香港大唔能夠執笠嘅企業。…
  • 【塔羅個案】你身邊有無日日覺得自己懷才不遇嘅人? by 神婆
    你唔知道自己鍾意、擅長做咩唔緊要,起碼你要話到比我知你討厭、抗拒做啲咩,咁我先可以用最少嘅問題引導到你去較清晰嘅方向;如果你咩都「唔知呀」咁,老老實實,你可能問好多問題都問不出個究竟。 …
  • 點一根煙,記梁天琦 by 程悅
    作為投過他和梁頌恆的新界東選民,我總想找回那夜曾支持他的六萬多人,大家現在是意氣消沉得不欲說話,還是早已恨透他的「懦弱」,變成在連登為他入獄而喝采的人?我寧願相信,大家只是對現實無語,像面對抑鬱病人,了解的盡頭反而吐不出半句安慰說話。…
歡迎讚好我們的facebook page,免費資訊源源送上。