參加補選嘅人,當全部選民都係兵?

政治 / 最新文章綜覽

 

 

喺而家呢班參加補選嘅人眼中,市民通通都係兵。

而家啲政客宣布參選後,第一件事唔係去接觸市民,不是以論述、能力去說服市民。反之喺未有表現之前,就急急搵政團支持,再唔係就急急支持某一個。呢種態度係將市民當成乜嘢呢?都是你哋動員嘅投票機器、橡皮圖章?你初選贏咗我就必然支持?你有DQ 議員支持,我就一定滿意你表現?

想要我嗰票?張票喺我嘅,唔喺泛民嘅,唔喺青政嘅!要票自己來爭取!唔該你哋務實咁落區見下市民,表述清楚你嘅政綱!一味講「政治倫理」其實同「關鍵一席」冇分別,都喺想勒索市民嘅選票。

作為「策略性」投過梁耀忠,我呢世人都唔會再含淚投票。邊個支持你都冇用,冇料到、冇遠見嘅人,我話知你咩政治倫理,咩大局為重,唔投就係唔投,再嘈我射比保皇黨㖭。

 

最核突就新東

先有張秀賢自己話有青政本記支持,轉個頭又出多個劉穎匡,一開場就話有青政支持。佢地係咁講青政支持咪又係為左所謂嘅政治倫理,又想叫市民含淚睇大局。只不過泛民個大局叫關鍵一席,你個大局叫政治倫理啫。有原DQ 議員支持唔係壞事,但你想憑一句支持就叫其他人為政治倫理收工唔選,其實咪又同泛民當日話「關鍵一席」叫天琦下次先選一樣咁無視市民政見,只叫大家含淚支持

你估其他人唔選,市民就一定要投你?我老奉要投返比青政支持嘅人架?呢半年青政做左啲咩呀?除左做人肉沙包比共產黨練拳之外,有咩值得我地再支持先?仲有到而家青政都未真係開過聲支持任何一個。

咖哩飯又係一味想等初選個結果壓死所有其他人,然後又當市民係兵,任你指投邊個。

 

九西政治關愛座

幾十歲人仲話自己踢中場,一味想用圍威喂初選贏左就叫香港人含淚投票。連參選宣言都冇篇,第一日冇都算,隔左半個月都未見到;輸左咁多次,點解我仲要投比你?經驗咁豐富,都講唔到自己會做啲咩,有咩改變,咁就想大家含淚投,你收山返屋企啦!射落海都唔益你。

至於袁海文,其他嘢唔講,剩係睇私通領展單新聞後呢個回應「民主黨袁海文:當日飲的是汽水」,咁重要嘅事出啲咁廢嘅答案就知佢根本唔係想說服市民,只係想我地做橡皮圖章印個印仔比佢去再摸多幾次杯底。

兩個政棍都係等緊姚被人DQ,然後叫大家含淚。

 

眾志迷失自我

眾志又DQ 又坐監咁大個光環,係人都怕左佢啦,最後黨然係唔洗初選就可以出線,但咁係咪等於可以坐係度等運到呢。大家睇下眾志啲文宣一句「重奪DQ 議席」就講完,深入睇份參選宣言來來去去都係賣慘被打壓咁。大佬呀,出得黎行,預左要還啦,如果個政府唔係咁衰,我地洗乜Q 行出黎呀。說到底有咩吸引我去投比周庭先?年輕?比個機會?我上次比左機會啦喎,今次我點都要見成績啦嘛?
然後,仲有支持郭永健個單,眾志嘅支持根本冇講過理由,連民主動力個論壇都未過就出名支持。支持冇問題,但點解支持先?工黨對於香港前途問題嘅睇法同眾志相近?社福、房屋政策相近?係邊樣?唔係你同佢friend 啲就去支持佢架喎,你支持佢都比啲理據說服下市民呀。

眾志本應係一個比泛民有遠見,有理想嘅組織,為何不拿出來呢?周庭本就比一眾泛民企得更前,為何要躲在後面嘅人站台。周庭拿出自己嘅傲骨出黎大概魅力比每一個泛民老鬼更有吸引力。係群星拱照中,周庭身自嘅光芒反而被蓋過去,不能發熱發亮。

補返句,唔似新東啲騎呢怪,周庭係有落區見市民嘅,但內容就欠咁左啲嘢。

 

這不是一個李柱銘司徒華站台就會贏的年代

不論係泛民定本土,不論係支持人個個定被支持個個都好,個個眼中,市民只係兵,可以畀佢地玩弄於掌印,你話投邊個就投邊個,如同建制派嘅「組織票」。唔該尊重下選民,唔好好似小麗媽媽咁話選民冇左50%Ram 先得架,選民有自主架,唔係畀你當人球咁拋!

香港要嘅係以理服人,唔係以「民主」大招牌勒索市民嘅選票。如果呢班「新秀」仲諗緊行返以前搵李柱銘司徒華站台就會贏嘅模式嘅話,其實大家都係老泛民,咁我地呢啲進步左嘅抗爭者,最後只好射哂落海。

希望,各位候選人拿出自己嘅個人魅力,用心去號召市民出來投票,用心去將議席同社會運動扣連。唔好再沉醉係傳統精英式政治,名人推介;我哋必先以理服人才能建立一個更理性的公民社會。

 

專題:【立法會補選2018】

關於作者:袁健恩

則留言

閱讀後覺得好,請多多讚好及分享~:)

其他熱門文章

  • 琴日我第1次約PTGF,有感而發(利申23歲男) by losing her was blue
    話說前日放假,無聊係IG到禁下ptgf呢樣野睇下。我就咁睇,行個街,睇場戲,全部都收人幾百蚊個鐘。但我見到個tag有成4萬幾個post。係個刻,我就知道,原來真係有人會幫襯。係到我想講句,多謝哂你班仆街毒撚/9公係到成日頂爛市,做壞規矩,寵…
  • 雞之報應 by 霏子
    二零一四年嘅春天,阿海同阿琪仲讀緊Year_One,阿海仲未識到Miki,同阿琪仲係好friend。嗰一年,佢地見證咗一場悲劇,阿海稱為「雞之報應」。 …
  • TVB 是大到不能倒 by 阿享
    香港有咩企業唔可執笠?公營企業,港燈、中電,煤氣?四大發展商?港鐵?港交所?你依家要我答,通通唔係。TVB先係最香港大唔能夠執笠嘅企業。…
  • 【塔羅個案】你身邊有無日日覺得自己懷才不遇嘅人? by 神婆
    你唔知道自己鍾意、擅長做咩唔緊要,起碼你要話到比我知你討厭、抗拒做啲咩,咁我先可以用最少嘅問題引導到你去較清晰嘅方向;如果你咩都「唔知呀」咁,老老實實,你可能問好多問題都問不出個究竟。 …
  • 點一根煙,記梁天琦 by 程悅
    作為投過他和梁頌恆的新界東選民,我總想找回那夜曾支持他的六萬多人,大家現在是意氣消沉得不欲說話,還是早已恨透他的「懦弱」,變成在連登為他入獄而喝采的人?我寧願相信,大家只是對現實無語,像面對抑鬱病人,了解的盡頭反而吐不出半句安慰說話。…
歡迎讚好我們的facebook page,免費資訊源源送上。