反對派輿論機器的反噬——明報、立場、HK01 究竟有幾想周庭輸?

 

任亮憲日前又拍片又改面書橫幅,姿態明確,彷如宣布參選立法會港島區補選。

連日來,泛民各大輿論機器,包括但不限於《明報》、《立場新聞》及《HK01》,都唯恐耽誤地追蹤報導,其中《HK01》更是任先生一出片就出文,彷彿是任先生親自統籌。

 

 

我就唔知《HK01》有幾憎周庭,但觀乎佢哋呢幾日,又安排專訪又一日一POST 咁原汁奉上任亮憲的金句soundbite,我就覺得肯定來者不善。

 

有「維園阿哥」之稱的人民力量前成員任亮憲日前宣布,有意角逐立法會港島區補選。惟消息公布至今,任亮憲被民主派支持者批評其出選實為「𠝹票」。

任亮憲今晚回應《香港01》查詢時,反駁「𠝹票論」是對他的抹黑。他批評,民主派小圈子欽點香港眾志周庭出選,直言若特首林鄭月娥是中央的傀儡,周庭就是泛民主派的傀儡,又批評欽點出選是剝奪其他人的參選權,侮辱港島區選民的智慧。

周庭就是泛民的傀儡

周庭就是泛民的傀儡

周庭就是泛民的傀儡

真的很重要,要copy and paste 打三次。

周庭一直被不少黃絲選民質疑從政經驗幼嫩,而且雨傘期間面對壓力曾經棄甲曳兵,聲稱退出社運,然後又復出,被謔稱「彈出彈入」,能否全數獲得反對派黃絲票,本身已經備受考驗,現在任亮憲夥同《HK01》日日講「周庭就是泛民的傀儡」,周庭無料只是一隻公仔的形象就更深入民心。

 

如果話《HK01》係明刀明槍想周庭死,《立場新聞》《明報》就係連射暗箭。

 

《立場新聞》及《明報》,都一再引述任亮憲的廢話,不是𠝹周庭票,而是𠝹陳家珮票:

睇政綱就知佢係咪𠝹周庭票,話自己政綱講經濟、民生房屋多,可能同新民黨相近,反而係𠝹陳家珮票。(明報)

「如果我有十樣政綱,八樣都是同陳家珮近似或者重疊,請問我是𠝹陳家珮定周庭的票呢?」(立場新聞)

呢個講法我真係讀得書少睇唔明。

其實連阿任生自己都講,陳家珮係容海恩2.0,容海恩2016年9月嗰陣係點贏新東尾二席?主力係靠公民力量地區組織票,所謂組織票,即係鐵票,即係街坊認得區議員、社區主任之類的地區人士,佢地同街坊關係密切,只要叫一聲街坊就會俾票佢地屬意嘅候選人。當日容海恩思路口齒不清、論壇表現差劣、政綱演示混亂、缺乏主打議題,仍然可以勝出選舉,足證鐵票係唔需要理會候選人政綱,只在乎候選人與地區人士的關係,只在乎動員力。

陳家珮能否全數得到建制派鐵票,係視乎新民黨有否向民建聯工聯會等「拜票」,係視乎建制派跨黨派選舉機器(call it 中聯辦as you like)有否為陳家珮統籌全局,到最後係視乎能否動員所有建制派地區樁腳組織票,連同葉劉淑儀本身的公務員工會鐵票、個人魅力吸引的中產票等等,而呢啲票,係睇政綱架咩???

 

我一直都認為,反對派要喺輿論完全戰勝建制派,先可能喺制度上被圍剿嘅現況下破局,方法之一就係打破側重輿論機器,多與機器外的輿論領袖配合,但估唔到嘅係,輿論領袖唔理你班反對派不特止,連輿論機器都夥同呢啲咁嘅奇特人士,率先反噬反對派中人。

反對派玩政治玩到咁,低質到咁,點同你玩呀?

無乜事我返去打機先。

 

專題:【立法會補選2018】

 

關於作者:白木乩

白木乩
聽聞係總編分身,專用來出D 與總編身份不符既膠文

則留言

閱讀後覺得好,請多多讚好及分享~:)

其他熱門文章

  • 琴日我第1次約PTGF,有感而發(利申23歲男) by losing her was blue
    話說前日放假,無聊係IG到禁下ptgf呢樣野睇下。我就咁睇,行個街,睇場戲,全部都收人幾百蚊個鐘。但我見到個tag有成4萬幾個post。係個刻,我就知道,原來真係有人會幫襯。係到我想講句,多謝哂你班仆街毒撚/9公係到成日頂爛市,做壞規矩,寵…
  • 雞之報應 by 霏子
    二零一四年嘅春天,阿海同阿琪仲讀緊Year_One,阿海仲未識到Miki,同阿琪仲係好friend。嗰一年,佢地見證咗一場悲劇,阿海稱為「雞之報應」。 …
  • TVB 是大到不能倒 by 阿享
    香港有咩企業唔可執笠?公營企業,港燈、中電,煤氣?四大發展商?港鐵?港交所?你依家要我答,通通唔係。TVB先係最香港大唔能夠執笠嘅企業。…
  • 【塔羅個案】你身邊有無日日覺得自己懷才不遇嘅人? by 神婆
    你唔知道自己鍾意、擅長做咩唔緊要,起碼你要話到比我知你討厭、抗拒做啲咩,咁我先可以用最少嘅問題引導到你去較清晰嘅方向;如果你咩都「唔知呀」咁,老老實實,你可能問好多問題都問不出個究竟。 …
  • 點一根煙,記梁天琦 by 程悅
    作為投過他和梁頌恆的新界東選民,我總想找回那夜曾支持他的六萬多人,大家現在是意氣消沉得不欲說話,還是早已恨透他的「懦弱」,變成在連登為他入獄而喝采的人?我寧願相信,大家只是對現實無語,像面對抑鬱病人,了解的盡頭反而吐不出半句安慰說話。…
歡迎讚好我們的facebook page,免費資訊源源送上。