2017年,李克勤係值得

【2017叱咤頒獎典禮|現場直擊】 叱咤樂壇男歌手金獎得主 李克勤克勤等待30年嘅感言精華,又觸唔觸動到你?「用奧斯卡嚟比喻叱咤,有啲人年年都有提名,隔年就攞獎,好似梅麗史翠普。都有啲歌手,年年都有提名,但年年都擦身而過,好似里安…

Posted by my903.com 商業電台 on 2018年1月1日

 

睇音樂頒獎禮勿認真,我明,我真係明。但始終咸魚青菜,各有所愛,尤其是今年聽多左廣東歌,真係好難抽離咁去睇。

李克勤,一個今年不斷被標榜出道三十周年嘅歌手,贏左一個至尊歌獎,贏左一個男歌手金獎。朋友即刻屌出聲,網上更係一片罵聲,尤以陳姓男歌手的支持者為甚(我嘅參考係佢問「陳XX呢?」,之後再鬧李克勤,咁佢應該係嗰位歌手支持者吧),甚麼「幾廿歲人仲同後生爭獎」、「關愛座」,「英皇畀錢換獎」等等。喂阿哥,睇開叱吒都知最唔論資排輩,佢話畀就畀架喇,邊有話阻住你唔俾上,個獎鑲左你名,預左係你嘅咩?

姑勿論你點睇李克勤,你覺得佢親共、你覺得送禮好柒、你覺得佢成喼barcode好on9,你覺得佢魔性澎拜好肉酸等等等等。但以歌論歌,佢咪又係今日成個叱吒,得獎者黎計,唱得最好嗰個。今年,李克勤好用心造左隻叫《30克》嘅碟。佢個代,仲有邊個有出七首新歌嘅廣東專輯?《失魂記》係我第一次聽已經好鍾意嘅歌。pop得嚟又無《C3PO》咁pop,但又比其他歌主流啲,主題好,加埋個幾句有點突兀,但又好入心嘅「追憶~~」。前幾日,我就喺電腦又登記又升級會員咁搞左四個字,就係為左投佢一票,好歌有好報。

今年李克勤亦有啲改變,你未必有留意過。如果你有睇過佢未轉會前嘅MV,《活著為求甚麼》係2012年first plug,居然咁多年都係得十萬click rate;《寂寞嘍囉》嘅官方MV,4分鐘嘅歌,有個8分鐘MV,殊不知,原來後面4分鐘係重覆前面4分鐘一次,而且得畫無聲。再早少少又紅嘅歌,youtube影都唔見。今年,《失魂記》同《C3P0》MV好睇,半年click rate就過百萬。另外,今年同細佢廿幾年嘅JW做左幾集crossover,一齊喺youtube互相cover歌。英皇畀錢?當然,唔畀錢邊有咁嘅包裝同改變。唔係李克勤唔可以年輕,係有冇心做。有心,咪兩個大獎囉。

最後,講啲得罪人嘅嘢。我一直都幾鍾意陳姓男歌手,上年佢拎第一個男歌手銀獎我都開心。但你啲支持者……今年,再兩個大獎,紅館演唱會都搞埋,仲用「隱世歌手」,或者自居弱勢會唔會有點兒佔了便宜又賣乖呢?記得上年林海峰嘅「雞蛋與高牆」嗎?恭喜你,你已經成為高牆了,要小心喔!

 

關於作者:阿享

一個戒緊牛肉,但打邊爐仍然會忍唔住既耶青。

則留言

閱讀後覺得好,請多多讚好及分享~:)

其他熱門文章

  • 琴日我第1次約PTGF,有感而發(利申23歲男) by losing her was blue
    話說前日放假,無聊係IG到禁下ptgf呢樣野睇下。我就咁睇,行個街,睇場戲,全部都收人幾百蚊個鐘。但我見到個tag有成4萬幾個post。係個刻,我就知道,原來真係有人會幫襯。係到我想講句,多謝哂你班仆街毒撚/9公係到成日頂爛市,做壞規矩,寵…
  • 雞之報應 by 霏子
    二零一四年嘅春天,阿海同阿琪仲讀緊Year_One,阿海仲未識到Miki,同阿琪仲係好friend。嗰一年,佢地見證咗一場悲劇,阿海稱為「雞之報應」。 …
  • TVB 是大到不能倒 by 阿享
    香港有咩企業唔可執笠?公營企業,港燈、中電,煤氣?四大發展商?港鐵?港交所?你依家要我答,通通唔係。TVB先係最香港大唔能夠執笠嘅企業。…
  • 【塔羅個案】你身邊有無日日覺得自己懷才不遇嘅人? by 神婆
    你唔知道自己鍾意、擅長做咩唔緊要,起碼你要話到比我知你討厭、抗拒做啲咩,咁我先可以用最少嘅問題引導到你去較清晰嘅方向;如果你咩都「唔知呀」咁,老老實實,你可能問好多問題都問不出個究竟。 …
  • 點一根煙,記梁天琦 by 程悅
    作為投過他和梁頌恆的新界東選民,我總想找回那夜曾支持他的六萬多人,大家現在是意氣消沉得不欲說話,還是早已恨透他的「懦弱」,變成在連登為他入獄而喝采的人?我寧願相信,大家只是對現實無語,像面對抑鬱病人,了解的盡頭反而吐不出半句安慰說話。…
歡迎讚好我們的facebook page,免費資訊源源送上。