叱咤就係一場遊戲?——咁你有冇盡力想你心儀嘅人贏?

 

【2017叱咤頒獎典禮|現場直擊|叱咤樂壇我最喜愛的歌曲大獎】ToNick 《#長相廝守》「難道我⋯⋯」ToNick《長相廝守》以41票之差,壓倒方皓玟《假使世界原來不像你預期》,勇奪樂迷票選「#我最喜愛的歌曲大獎」「難道我⋯⋯」…

Posted by my903.com 商業電台 on 2018年1月1日

 

成日都睇到好多奇怪既事,我好多朋友,都開始唔敢講出口。因為你講出黎,好多你平時唔識/見過兩次面既面書朋友/網民就走黎屈鳩你,將你說話加入情緒,扭曲,放大,再將你成為箭靶,發洩佢地平日鬱悶既情緒。

呢個現象,我係 903國民教育 第一集既 2017小事回顧 同 威廉 講過,叫 #onlymetoo。

即係,而家你有咩想法,都千祈唔撚好寫出黎。因為你寫出黎,d人就會加鹽加醋造鳩你。

好似,一月一日,大家好似忽然好關心樂壇。呢幾年,我真係真心覺得叱咤真係好重要。因為大家都真係會用呢一日,睇下香港音樂圈,仲留返d咩(或者用d娛樂抽水page既說法,叫「仲死剩d咩」)。

唱片唔好賣,老翻當道。佢地搞左「正視音樂」。有一段時間,佢地搞「#本土主義」,唔播改編歌,只播原創。但叱咤十周年文藝晚會,最後贏得至尊歌既,係張學友既《每天愛你多一些》。唔播改編歌,令原創多左機會,會唔會令創作有進步呢?當時有好多人都話,咁樣會令競爭減少,質素會下降。

好啦,隔左好多年好多年,而家歌手係點生存既呢?睇到好多人話鄧小巧都好聽丫,live又穩定,點解冇份? 唔……鄧小巧而家都仲好似需要屋企人幫忙頂住畀家用。大家有冇買佢唱片呢?我有。佢開唱片發佈會,係香港大學對面既 ethos ,佢既製作人冇同我打招呼,我一蚊都冇收過,開左一個facebook live。我果日仲做完節目飛車過去既。下次佢開show,我會抽時間睇,睇完我有感覺會寫評論。好啦,我又係咪撐緊人呢?對唔住,我唔識答。

仲有,而家歌手點賺錢既呢?你做kol 接廣告呀?又話你個面書「屌廣告黎既」。你開演唱會開得密呀?又話你搶錢啦。好啦,你唔開演唱會,唱片又唔賣啦,去賣魚蛋賣單酒,又話你淪落啦。大陸有機會啵,返大陸發展啦?喂阿哥,我唔供棲唔交租都要食飯架?使唔使養屋企?返左大陸,又話你投共啦。

好多年前,有人批評容祖兒「又係容祖兒呀」果陣,我會話,點解要叫佢跑慢d,等人可以挑戰佢,而唔係叫其他人跑快d?你嫌人樂壇馮檢基?Well, do something to beat him. 佢打歌,有上黎派龍鬚糖。我戒carbs,冇食到。佢至少肯為自己既大碟,係八隻歌既廣東大碟做宣傳。你話冇人提攜新人?佢搵左6號同佢搞加入英皇後第一隻大碟既第一首歌啵?你知唔知呢?抑或佢驚佢自己畀人叫#樂壇比利,所以都費事影衰人?

呀仲有,有一個我最喜愛出現。我最喜愛咪畀大家投票囉。決定權都去左網民果度啦。You write the rest of the history. 賽果滿意,又話個頒獎禮好睇。賽果唔滿意,又話係遊戲一場當做戲對主辦單位好失望。

其實賽果你滿唔滿意,以我理解,佢制度冇變,佢係咪一場遊戲?睇你點睇。至少我都仲見到好多曾經上過叱咤台既歌手已經唔見左。但做出成績來的,都一定有上過。我只係覺得,與其說對主辦單位好失望,倒不如問下,參與呢個遊戲既人,有冇盡過力?有一年,有歌手話大台唔敢播《撐起雨傘》,我唔知我同其他同事播果陣佢係邊?聽唔到?唔緊要,所有上榜歌,都會有機會變成「我最喜愛」既候選名單。咁《撐起雨傘》有冇成為「我最喜愛歌曲」?有丫嘛。有即係有dj 「冒住風險」(if you call it 風險)去播啦?咁個台係咪大台呢?講呢句說話既歌手,有冇畀人覺得佢既評論不盡不實?

無論係頒獎禮亦或立法會選舉,有得投果陣又唔投,想投果d又唔知遊戲規則,冇投既人睇住個結果出左黎結果合心水就話係xx必勝正義長存,唔合心水就話係制度出事阿爺玩晒商台女員工一錘定音。究竟呢種 #香港人的性格 係咩玩法呢?

都係果句,老娘去完旅行,又未開學,又抽丁八神同兩隻不知火舞兩隻leona 我先打咁多。 #香港人痴撚線 呢單野唔係第一日知。心情好,咪講下囉。

好啦,呢排成日有人問我,喂,點解剩係鬧,唔畀意見?其實有解決法的。以前叱咤難要飛,因為要簽帳。今年有朋友為左要 ToNick 贏 係特登買飛入場既。因為,2018年1月1日既叱咤,係有一部份飛去左東華籌款既。至少,佢用力知道玩法係點,用力去玩,唔係「遊戲一早都玩完贏便慶祝輸了氣便斷」那種觀眾。真係想改變賽果,以後賣飛咪去擔囉。提提你,有人數過,今年tonick 只係險勝 方皓玟 既 《假使世界原來不像你預期》41票咋。你戥小明唔抵,你有冇入場呀?

 

 

關於作者:健吾

健吾
宣揚仇恨一點也不有型。這個世界,幸好還有愛。健吾專欄作家、記者、編輯……商業電台節目《人民大道中》、《903國民教育》、《光明頂》主持,香港中文大學日本研究學系講師。著書超過十本,最新的是《日本亂象》(北京人民大學出版社)、《100個在情場止蝕離場的理由(上))、《京都--貼近生活之旅》(圓桌精英出版)、《健吾收音機III——說好的幸福呢?》(CUP出版)等等。email:[email protected] |Facebook: facebook.com/kengopage |微博:t.sina.com.cn/kengowrites

則留言

閱讀後覺得好,請多多讚好及分享~:)

其他熱門文章

  • 琴日我第1次約PTGF,有感而發(利申23歲男) by losing her was blue
    話說前日放假,無聊係IG到禁下ptgf呢樣野睇下。我就咁睇,行個街,睇場戲,全部都收人幾百蚊個鐘。但我見到個tag有成4萬幾個post。係個刻,我就知道,原來真係有人會幫襯。係到我想講句,多謝哂你班仆街毒撚/9公係到成日頂爛市,做壞規矩,寵…
  • 雞之報應 by 霏子
    二零一四年嘅春天,阿海同阿琪仲讀緊Year_One,阿海仲未識到Miki,同阿琪仲係好friend。嗰一年,佢地見證咗一場悲劇,阿海稱為「雞之報應」。 …
  • TVB 是大到不能倒 by 阿享
    香港有咩企業唔可執笠?公營企業,港燈、中電,煤氣?四大發展商?港鐵?港交所?你依家要我答,通通唔係。TVB先係最香港大唔能夠執笠嘅企業。…
  • 【塔羅個案】你身邊有無日日覺得自己懷才不遇嘅人? by 神婆
    你唔知道自己鍾意、擅長做咩唔緊要,起碼你要話到比我知你討厭、抗拒做啲咩,咁我先可以用最少嘅問題引導到你去較清晰嘅方向;如果你咩都「唔知呀」咁,老老實實,你可能問好多問題都問不出個究竟。 …
  • 點一根煙,記梁天琦 by 程悅
    作為投過他和梁頌恆的新界東選民,我總想找回那夜曾支持他的六萬多人,大家現在是意氣消沉得不欲說話,還是早已恨透他的「懦弱」,變成在連登為他入獄而喝采的人?我寧願相信,大家只是對現實無語,像面對抑鬱病人,了解的盡頭反而吐不出半句安慰說話。…
歡迎讚好我們的facebook page,免費資訊源源送上。