二手「玩具」的自述

 

 

我阿媽係一條青瓜,我阿爸係點我都唔知,而我前身係一支自慰棒。

我係最新型號,唔止識多段震動、WIFI遙距控制,用唔同力度按實氣墊,仲可以控制震動強度,但最緊要係,夠靜。

每隔十日八日,就有一支自慰棒被選中帶走。我哋嘅銷量令到隔離貨架嘅飛機杯好提子,而且我哋嘅價格仲係佢哋嘅兩倍添。

好快就輪到我。我估我應該係一份神秘驚喜禮物,因為老闆為我揀咗花紙──有油墨味、印咗無數黑色細字嘅紙張,佢用花紙密封我個包裝盒,再用紙箱笠實我。

我係被速遞運去新屋企嘅。主人媽媽收咗貨之後,並冇拆開我,過咗唔知幾多個鐘頭,主人返到嚟。

主人媽媽問:「又淘咗啲乜嘢呀?」

主人答:「冇呀,文具咋嘛。」

我以為我係性玩具,乜原來人類有時會將我叫做「文具」㗎?我聽人講過「文」,係「文字」咁解,咁即係「文字」等同「性」?我又學多咗樣嘢喇!但點解啲人又會話文字唔值錢呢?我哋明明就好賣得喎。

諗嘢之際,主人已經拆開咗我啲包裝,將我拎上手撫摸。佢見識過我可以有幾震之後,露出滿意嘅笑容。但佢好快將我塞返入盒,仲擺咗喺櫃桶入面。

吓?做咩唔即刻試用我嘅?唔通主人唔滿意我?死喇!我會唔會成為第一件被彈鐘嘅性玩具㗎?

我喺陰暗嘅角落度驚咗成晚,第二朝,主人終於拎返我出嚟,去廁所幫我沖涼,當時屋企冇其他人喇。

主人帶咗我入房,抹乾我,將我放喺佢嘅兩腿之間,開動。主人嘅雙腿同腰部仲隨住我嘅震動而不由自主咁郁添。

佢忽然停晒手,轉身望向電腦,冇幾耐就有啲「依依呀呀」嘅聲音喺喇叭度傳出嚟。

主人聽住啲聲,合埋眼,繼續以我服務佢。佢都開始發出「依依呀呀」嘅聲音,然後佢嘅叫聲會越嚟越大,撳住我嘅力亦越嚟越大,我出盡全力係咁震,之後主人突然一陣抽搐,反眼,表情好滿足。

我嘅第一次,主人相當滿意。自此,每個星期佢至少有一日需要我嘅慰藉。

如果當時屋企冇人,主人會放聲呻吟,但如果有其他人喺度,主人就會咬住唇,粒聲唔出,頂多係大力抖氣。

有時候喺深夜,主人忽然需要我,但佢無法令我不發出「滋滋」聲,唯有扭開風扇,用噪音蓋過慾望絲薄而誘惑嘅聲音。跟住,佢就會將我放入被竇度……

每次完事,佢會將我擺返入櫃桶,上埋鎖。

我一直都係主人嘅寵兒,直到嗰日,主人媽媽入咗主人間房度做清潔,佢揭開咗張冷氣被,喺床尾發現咗我。

「咦?呢支係咩嚟㗎?」主人媽媽好好奇,將我拎上手。

喺書枱前用緊電腦嘅主人岳高頭,猛然倒吸一口氣,先醒起今朝自己好冇手尾,「吓……呃……係按摩器囉……」

「個樣咁盞鬼嘅?按邊度㗎?點用㗎?」主人媽媽笑咪咪。

「呃……係韓國新出嘅按摩去皺機。」主人見佢媽媽唔多相信,就開動我,仲將我放上佢塊臉度。

「用信用卡積分換㗎?」主人媽媽搶我過嚟,擺上手試,「嘩幾震喎,用嚟按第二度都得啦。」

「係呀……」

「俾我啦,你都唔用㗎啦。」

「吓……」

「我呢排膊頭有啲痛呀。」主人媽媽未等主人回應,已經將我放咗喺患處上,行咗出廳。

「哦……」

就係咁,主人媽媽就成為咗我嘅新主人。

以往我住喺暗無天日嘅櫃桶,好難先出到嚟抖氣同活動下筋骨。

但而家嘅我,經常俾新主人隨手劈喺梳化上、枱上、櫃面、電視機隔離……佢隨時隨地都會拎我上手,按摩佢唔同患處。

佢亦唔理會側邊有冇人,只要我按得啱位,佢都會大讚「好舒服呀」、「好爽呀」。

所以我其實比較鍾意新主人㗎,邊個唔鍾意俾人讚喎?

「頂!千幾蚊㗎。肉痛死我喇……」有時前主人望住我,會好依依不捨,不過已經太遲喇,哈哈。

 

(完)

 

 

關於作者:余該隱

余該隱
以小說、散文和歌詞,書寫世界的荒謬和美麗,書寫人生最想被看見和躲起來的時刻。

則留言

閱讀後覺得好,請多多讚好及分享~:)

其他熱門文章

  • 琴日我第1次約PTGF,有感而發(利申23歲男) by losing her was blue
    話說前日放假,無聊係IG到禁下ptgf呢樣野睇下。我就咁睇,行個街,睇場戲,全部都收人幾百蚊個鐘。但我見到個tag有成4萬幾個post。係個刻,我就知道,原來真係有人會幫襯。係到我想講句,多謝哂你班仆街毒撚/9公係到成日頂爛市,做壞規矩,寵…
  • 雞之報應 by 霏子
    二零一四年嘅春天,阿海同阿琪仲讀緊Year_One,阿海仲未識到Miki,同阿琪仲係好friend。嗰一年,佢地見證咗一場悲劇,阿海稱為「雞之報應」。 …
  • TVB 是大到不能倒 by 阿享
    香港有咩企業唔可執笠?公營企業,港燈、中電,煤氣?四大發展商?港鐵?港交所?你依家要我答,通通唔係。TVB先係最香港大唔能夠執笠嘅企業。…
  • 【塔羅個案】你身邊有無日日覺得自己懷才不遇嘅人? by 神婆
    你唔知道自己鍾意、擅長做咩唔緊要,起碼你要話到比我知你討厭、抗拒做啲咩,咁我先可以用最少嘅問題引導到你去較清晰嘅方向;如果你咩都「唔知呀」咁,老老實實,你可能問好多問題都問不出個究竟。 …
  • 點一根煙,記梁天琦 by 程悅
    作為投過他和梁頌恆的新界東選民,我總想找回那夜曾支持他的六萬多人,大家現在是意氣消沉得不欲說話,還是早已恨透他的「懦弱」,變成在連登為他入獄而喝采的人?我寧願相信,大家只是對現實無語,像面對抑鬱病人,了解的盡頭反而吐不出半句安慰說話。…
歡迎讚好我們的facebook page,免費資訊源源送上。