「同我拍拖,唔可以打飛機!」

 

 

「同我拍拖,唔可以打飛機!」

依句係我同佢拍咗一個星期拖,搞完第一次之後佢同我講嘅說話。

每個人喺感情入面有自己嘅堅持我明,嗰啲唔準同異性睇戲啊、唔準打機唔理佢啊、放工要陪佢傾電話之類嘅我都聽唔少或者經歷過,就好似我都唔鍾意女朋友去飲嘢,要去都一定要等我接佢或者陪埋佢去,不過唔準男朋友打飛機真係第一次聽。佢同我講嘅原因係「因為你而家有我,你有性需要嘅我都會配合到你,咁你就冇理由打飛機啦」,聽落好似好有道理,但又係咪真係咁呢?

無可否認,我同佢嘅性生活都真係算多姿多彩。但對男人嚟講,同女朋友做或者打飛機始終係兩種唔同嘅感覺,要一個男人因為有拖拍就唔打飛機真係唔多講得通。雖然同自己鍾意嘅人享受魚水之歡真係開心又舒服,但始終我地唔係自己搬咗出嚟住,要做嘅時候只能趁屋企冇人,又或者比錢爆房。再加上有時返完一日工真係冇乜精神同體力,有幾次真係攰到依頭完事過唔夠三十秒就瞓著咗,連事後攬下佢同傾下計嘅精神都冇。

雖然女朋友對性方面都好接受同配合我,甚至有可能我地一個星期做嘅次數比唔少人一個月仲要多,但有時自己真係想喺屋企靜靜地打個飛機就算:放卷紙巾、開個咸網、搵下片睇,十幾分鐘通常就完事。又解決到自己需要,又唔洗每次一想做就搵女朋友,好似當佢係發洩工具咁。始終拍拖應該係行街睇戲食飯為主,之後送佢返屋企,最後以一個Kiss作完結,浪浪漫漫咁過一日咪幾好,唔洗一定要肉帛相見嘅。

只不過我冇將依個諗法同女朋友講,因為無論佢係為咗滿足我而咁講,定佢自己對依方面都有咁上下需求,兩個原因都令我覺得應該順住佢意——前者當然係要珍惜佢嘅好啦,後者就係更加係身為男朋友應該要付嘅責任。結果我地保持住每星期「Often」程度嘅性行為,每次望到女朋友事後嘅表情,就會覺得「攰多少少又有咩所謂」。

至於我有冇打飛機?如果我話冇你又信唔信?

 

 

關於作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

則留言

閱讀後覺得好,請多多讚好及分享~:)

其他熱門文章

  • 琴日我第1次約PTGF,有感而發(利申23歲男) by losing her was blue
    話說前日放假,無聊係IG到禁下ptgf呢樣野睇下。我就咁睇,行個街,睇場戲,全部都收人幾百蚊個鐘。但我見到個tag有成4萬幾個post。係個刻,我就知道,原來真係有人會幫襯。係到我想講句,多謝哂你班仆街毒撚/9公係到成日頂爛市,做壞規矩,寵…
  • 雞之報應 by 霏子
    二零一四年嘅春天,阿海同阿琪仲讀緊Year_One,阿海仲未識到Miki,同阿琪仲係好friend。嗰一年,佢地見證咗一場悲劇,阿海稱為「雞之報應」。 …
  • TVB 是大到不能倒 by 阿享
    香港有咩企業唔可執笠?公營企業,港燈、中電,煤氣?四大發展商?港鐵?港交所?你依家要我答,通通唔係。TVB先係最香港大唔能夠執笠嘅企業。…
  • 【塔羅個案】你身邊有無日日覺得自己懷才不遇嘅人? by 神婆
    你唔知道自己鍾意、擅長做咩唔緊要,起碼你要話到比我知你討厭、抗拒做啲咩,咁我先可以用最少嘅問題引導到你去較清晰嘅方向;如果你咩都「唔知呀」咁,老老實實,你可能問好多問題都問不出個究竟。 …
  • 點一根煙,記梁天琦 by 程悅
    作為投過他和梁頌恆的新界東選民,我總想找回那夜曾支持他的六萬多人,大家現在是意氣消沉得不欲說話,還是早已恨透他的「懦弱」,變成在連登為他入獄而喝采的人?我寧願相信,大家只是對現實無語,像面對抑鬱病人,了解的盡頭反而吐不出半句安慰說話。…
歡迎讚好我們的facebook page,免費資訊源源送上。