夜場溝女開場白——「可唔可以借你個打火機用?」

 

唔係講笑,我覺得依個開場白真係好好用,當然前提係要你食煙同時你見到條女都係煙民。

飲酒要識人,最難一定係開頭嗰句。開場白要夠自然又唔可以太濫(即係「嚟飲酒啊?」,「你好似啊邊個邊個」依類廢話),然後又以對方肯比反應你更好,而借打火機就完美符合哂一切條件:食得煙一定比人借過火,而通常你都唔會拒絕借火依個要求。行埋去,禮貌咁打聲招呼,然後指一指個火機問佢可唔可以借嚟用用,比起你無啦啦行埋去問「不如一齊玩吖」會易接受好多。

係啊,個個都知行得埋嚟九成都係想識人,但一個易比人接受嘅開頭真係會事半功倍。唔通你話個個最終目的係想扑嘢,所以一開頭就去問人「開唔開房」咩?除非你有彥祖級嘅身材樣貌就另計(我真係好鍾意用吳彥祖做例子),唔係你肯定唔會成功,分分鐘會比人打添。

點解我話好用?話說上次我去台中旅行途中,有一晚返酒店放低嘢之後再出咗去一間Club飲嘢。我當時真係諗住去飲幾杯就算(四百台幣任飲我覺得好抵),落到去之後見到有一檯得幾位女仔圍埋飲嘢,我就揀咗附近一張檯嚟企。好幾次我咁啱同佢地有眼神交流,嗰陣我已經知道只要我行埋去,我就應該可以識到佢地,但問題係我仲未諗到用咩開場白好:今次仲要用我啲垃圾普通話去講,難上加難。正當我諗住食支煙諗下講咩好,我個腦叮咗一聲。

冇錯,就好似標題咁講。我收埋自己個打火機,行埋去佢地嗰張檯,然後用我特色嘅普通話問佢地「淺溫撚尻姐依沙打火滋嗎」。好彩佢地明我講乜,食煙嗰個笑一笑(我嘅口音),然後遞咗個打火機比我。我點完煙,企喺度繼續開始同佢傾下計,傾到一半佢同我講「我早就知道你有在看我」,我幾大都食住上話望靚女係我改唔到嘅壞習慣,好明顯依句佢都幾受落。又飲完兩杯,佢同我包煙都同時食哂,嗰度又冇煙買,我就同佢去咗七仔買煙。出咗七仔,我好順手拎起褲袋嘅打火機嚟點煙,佢望一望就話「原來你騙我」。我冇解釋,只係望一望大家,然後就同佢嘴對嘴咁緊貼住對方。之後我同佢落返間Club拎返喺Keeping Room嘅手袋,然後就出咗門口搵的士,返咗佢屋企繼續我地應該要做嘅事。

多謝你,打火機。

 

 

關於作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

則留言

閱讀後覺得好,請多多讚好及分享~:)

其他熱門文章

  • 雞之報應 by 霏子
    二零一四年嘅春天,阿海同阿琪仲讀緊Year_One,阿海仲未識到Miki,同阿琪仲係好friend。嗰一年,佢地見證咗一場悲劇,阿海稱為「雞之報應」。 …
  • 地鐵 by 李天恩
    生活在香港這樣的都市,女孩子們基本上都能從對方的衣著、裝扮、服飾及姿勢態度上得知許多資訊,從經濟狀況到住在哪一區,大致都能看得出來。我瞄了瞄自己的手腕,同時察覺那兩位女孩都偷偷督向我左手配戴著的卡地亞手錶,這隻手錶一般不是我這個年齡的女生有…
  • 我係搞手我係狗(二)——「啲女係咪處?」 by 霏子
    屌,我知你有畀錢,但都唔使咁過份,問埋我啲女係咪處㗎?我班女都係畀同一個價㗎咋,咁佢地係咪又可以要求你有超強御女術呀?呢條友真係當正我係媽媽生。最後,我冇追問佢嚟唔嚟,而佢都係嚟咗。…
  • 罷買萬寧真的可以嗎? by Terence Yun
    或者有一些參考,就是日本麥當勞的經歷。當年因為福喜事件拖累,日本人不再喜歡麥當勞,對其感觀以及服務給予堅決的說不,使日本麥當勞經歷過最嚴重的業務衰退,曾經大蝕347億日元,關掉160家門市,寫下進軍日本45年來最慘的業績。但到去年,該公司業…
  • 世上有種自虐,叫stalk男友和他的前度 by 預妍
    為左可以stalk到想stalk既嘢,可以去到幾盡?有朋友試過開Fakeaccount去加男朋友前度既Facebook同IG,有朋友試過為左搵佢地相愛的經過由男朋友Facebook2015年即係依家碌到去盤古初開,有朋友為左stalk男朋友…
歡迎讚好我們的facebook page,免費資訊源源送上。