寧教人拍拖,莫教人去理性分析愛情

 

 

我見到網上面有好多教人拍拖既野,多到離晒譜,「讓不愛你的男生愛上你的五種方法。」唔鐘意既男仔唔鐘意你就係唔鐘意你,點改?整容,自己檢討自己,搵過另一個目標喇!
「第一次約會,如何讓對方加分。」
點樣令對方加分?冇!情人眼裡自會出西施,
「一秒讓異性愛上你的方法。」
一秒愛上你,你變魔法咩,討好別人去鐘意你,拍起拖黎都會辛苦喇。
「有效延續戀情保鮮期的療方。」冇時限,感情變淡有好多因素,好多療法都已經冇效用,點樣都始終要「放手,放開所有,彼此更自由。」

其實,我認為拍拖一啲都唔理性,點解?因為由鐘意左一個人開始,你就已經係感情用事,除非你根本唔係真心鐘意佢,為左利用佢,貪佢有錢所以先同佢拍拖,如果唔係,愛情絕對係感性居住,既然拍拖係感性既事,你研究愛情既秘方,睇網上媒體有關愛情的文章,例如「有效延續戀情保鮮期的療方。」這些誇張又失實既文章,內容不外乎會講好多花生野,令你覺得好有用之如,你又會試下啱唔啱用,問題出現左,就係明明一條唔洗用腦諗既問題,你用左腦去諗。

拍拖明明好簡單,你又諗到好複雜,「佢話男仔唔聽電話一定係出便有小三,咁我男朋友冇聽過我電話,係咪佢出軌?」所有野都係網上講既,套返落你身上,又唔同情況,佢寫呢啲誇張資訊出黎,其實只係想多啲人睇,炒花生咁,你驗唔驗證吓又係另外一回事。

拍拖從來都冇理性過,如果有,你就唔會諗都唔唸就錫左佢一啖,拖佢手仔,如果理性戀愛會係講係頭腦清醒之下,運用你既思維運轉,你就會計算應唔應該同佢食飯,你有咩好處,佢有咩好處,你成功追到佢既機率係幾多。因此愛係感情太深,而唔係計得太深,愛絕非理性,愛係泥足深陷,不能自拔,朝思暮想,感情猶如娟娟河流般幼滑,真誠,真意去愛一個人。

如果你真係好愛好愛一個人,就唔建議睇網絡上既罐頭文章,這只會令你更混淆,除左破壞你段感情之外,其實坊間既呢啲未經證實過愛情祕方,睇多無益,愛一個人唔係話睇更多既資訊就會懂,而係實實在在咁鐘意一個人,關心佢,愛護佢,亦有所謂的戀愛經驗可作體驗。

其實你睇唔睇網絡上既愛情花生文,我無意替你作主。成效對好多人都唔同。因為最近網絡上實在出現好多奇怪既愛情祕方,令我覺得除了題目離譜,内容更失實,係呢度希望可以同大家做個小分享,留返個思考空間俾大家。

 

關於作者:P's虐心者

P's虐心者
喜愛寫作,畫畫與攝影,身上總流着一股熱血,愛胡思亂想地虛待光陰。

則留言

閱讀後覺得好,請多多讚好及分享~:)

其他熱門文章

  • 琴日我第1次約PTGF,有感而發(利申23歲男) by losing her was blue
    話說前日放假,無聊係IG到禁下ptgf呢樣野睇下。我就咁睇,行個街,睇場戲,全部都收人幾百蚊個鐘。但我見到個tag有成4萬幾個post。係個刻,我就知道,原來真係有人會幫襯。係到我想講句,多謝哂你班仆街毒撚/9公係到成日頂爛市,做壞規矩,寵…
  • 雞之報應 by 霏子
    二零一四年嘅春天,阿海同阿琪仲讀緊Year_One,阿海仲未識到Miki,同阿琪仲係好friend。嗰一年,佢地見證咗一場悲劇,阿海稱為「雞之報應」。 …
  • TVB 是大到不能倒 by 阿享
    香港有咩企業唔可執笠?公營企業,港燈、中電,煤氣?四大發展商?港鐵?港交所?你依家要我答,通通唔係。TVB先係最香港大唔能夠執笠嘅企業。…
  • 【塔羅個案】你身邊有無日日覺得自己懷才不遇嘅人? by 神婆
    你唔知道自己鍾意、擅長做咩唔緊要,起碼你要話到比我知你討厭、抗拒做啲咩,咁我先可以用最少嘅問題引導到你去較清晰嘅方向;如果你咩都「唔知呀」咁,老老實實,你可能問好多問題都問不出個究竟。 …
  • 點一根煙,記梁天琦 by 程悅
    作為投過他和梁頌恆的新界東選民,我總想找回那夜曾支持他的六萬多人,大家現在是意氣消沉得不欲說話,還是早已恨透他的「懦弱」,變成在連登為他入獄而喝采的人?我寧願相信,大家只是對現實無語,像面對抑鬱病人,了解的盡頭反而吐不出半句安慰說話。…
歡迎讚好我們的facebook page,免費資訊源源送上。